"ერთი უბედურებაა ღირსეული მტერიც რომ სანატრელია, მეორე უბედურება კი ისაა, რომ ღირსეული პასუხის გამცემი არ გყავს ოპოზიციას ადგილზე" - მელია ვიქტორ ჯაფარიძის განცხადებაზე
"ნაციონალური მოძრაობის" წევრი ნიკა მელია "ქართული ოცნებიდა" გასულ დეპუტატს ვიქტორ ჯაფარიძის განცხადებას ეხმიანება.
- ცნობისთის, ჯაფარიძემ პარლამენტის დღევანდელ სხდომაზე მიხეილ სააკაშვილთან დაკავშირებით განაცხადა: "მოკვდება და ძაღლიც მიკვდომია სულში".
"მოკვდება და ძაღლი მიკვდომია სულში კიდე“ - ამას ამბობს „ოცნებიდან“ ფორმალურად გასული დეპუტატი ვიქტორ ჯაფარიძე საქართველოს მესამე პრეზიდენტზე! ერთი უბედურებაა, ღირსეული მტერიც რომ სანატრელია და ასეთ უღირს, სულმდაბალ და ზნედაცემულ მტერთან გაქვს საქმე. მეორე უბედურება კი ისაა, რომ ღირსეული პასუხისგამცემი არ გყავს ოპოზიციას ადგილზე (იშვიათი გამონაკლისის გარდა)! ზოგს არც სცალია საამისოდ, არცაა ადგილზე - ფაბრიკაციულ ჩანაწრებს დაარბენინებენ და ა.შ... ამიტომაა ახლა სასიცოცხლოდ მნიშვნელოვანი, რომ მიხეილ სააკაშვილი გადარჩეს და დროულად გავიყვანოთ სამკურნალოდ, შემდეგ კი ყველაზე დიდი მნიშვნელობა უნდა მიექცეს საპარლამენტო სიას და დაკომპლექტდეს იმ ღირსეული ხალხით, ვისაც არც შრომა ეზარება, არც ბრძოლა და არც ოპონენტისთვის საკადრისი პასუხის გაცემა!" - წერს მელია "ფეისბუქზე".