15
მაისიდღის ზოგადი ასტროლოგიური პროგნოზი
დღეს სრულიად საქართველო შეძრა ახალგაზრდა მხატვრის მაია კუჭავას გარდაცვალებამ. 33 წლის ქალი მშობიარობის შემდგომი გართულებით გარდაიცვალა, მისი ოჯახი მომხდარში ექიმებს ადანაშაულებს. ამბობენ, რომ ექიმმა, რომელიც წინასწარ აიყვანეს, პაციენტს სათანადოდ არ მიაქცია ყურადღება. გარდაცვლილის ოჯახის წევრები ამბობენ, რომ მშობიარობიდან ორი დღის განმავლობაში ახალგაზრდა ქალის ოჯახს ექიმები უმალავდნენ, რომ ქალი კომატოზურ მდგომარეობაში იყო.
მაია კუჭავასთვის ეს მეორე ორსულობა იყო. მისივე თქმით, პირველი ორსულობა მე-4 თვეზე შეწყდა, ამიტომაც ახალგაზრდა ქალი მეორე ორსულობას დიდი ყურადღებით ეკიდებოდა: ყველაფერი წინასწარ დაგეგმა, ორსულობის პირველივე თვიდან ექიმის მეთვალყურეობის ქვეშ იყო.
- მაია აფხაზეთში დაიბადა, ომის შემდეგ ყაზახეთში ცხოვრობდა, სამხატვრო კოლეჯი და სამხატვრო აკადემიის მოდელირების ფაკულტეტი საქართველოში დაამთავრა. ჰქონდა რამდენიმე მოდის ჩვენება და ჯგუფური გამოფენები. განსაკუთრებით უყვარდა პორტრეტების ხატვა.
სამომავლოს პერსონალური გამოფენის გამართვას გეგამვდა და ოცნებობდა, რომ ტანსაცმლის ხაზზე ემუშავა. სამწუხაროდ, მაიკოს ოცნებებს ახდენა არ ეწერა... ახალგაზრდა მხატვრის პირველი გულშემატკივარი და მხარდამჭერი მეუღლე იყო.
"მინდა ვთქვა, რომ ჩემი შთაგონების წყარო - სიყვარული და სილამაზეა. სამომავლოდ ძალიან მინდა პერსონალური გამოფენის გამართვა და ჩემი ტანსაცმლის ხაზზე ვოცნებობ.
ვხატავ პეიზაჟებს, ნატურმორტებს, პორტრეტებს. განსაკუთრებით მიყვარს პორტრეტების ხატვა. ძალიან მომწონდა ისრაელში დაბადებული არაბი მომღერლის, იშტარ ალაბინას შემოქმედება და მისი პორტრეტის შექმნა გადავწყვიტე.
იგი საფრანგეთში მოღვაწეობს. პორტრეტი 2013 წელს დავხატე და ინტერნეტში განვათავსე, მალევე გამომეხმაურა მომღერალი და მთხოვა, მისთვის მეჩუქებინა, მეც გავუგზავნე საფრანგეთში ნახატი, მერე დამიკავშირდა და მადლობა გადამიხადა.
ცოტა ხნის შემდეგ ჩემი ნახატი გამოაქვეყნა და ასეთი სახით ახალი 2014 წელიც მომილოცა", - ეს არის ამონარიდი ა.წ. ოქტომბერში ვებპორტალ "კვირისთვის" მიცემული ინტერვიუდან...
დაათვალიერეთ მაია კუჭავას შემოქმედება:
ასეთი ახალგაზრდა, ლამაზი და ნიჭიერი.... დაუჯერებელია, რომ, 21-ე საუკუნეში ადამიანი მშობიარობის გართულების შედეგად გარდაიცვალა... ოჯახს გამძლეობა. სიტყვებს ვერ ვპოულობ.
მარადიული ნათელი გარდაცვლილის სულს . ეს ფულის ტომარა ექიმები ნამდვილად დასასჯელები არიან კანონის შესაბამისად , კი მაგრამ ამდენი შეცდომები საიდან , ასეთი გულგრილობა რატომ , რა ხდება საერთოდ მედიცინაში . ძალიან ხშირად ხდება უმძიმესი ფაქტები და გამკითხავი არავინ არ არის , მხოლოდ ისევ სიკვდილიანობა და რ ა ტ ო მ . ალბათ ეს ყვალაფერი უცოდინრობის ბრალია და როდემდის უნდა გაგრძელდეს ასე , როდისღაც ხომ უნდა მოეღოს ბოლო განუკითხაობას .