"უკრაინის საავადმყოფოებს ჩვენი მხარდაჭერა სჭირდება" - ბორის ჯონსონმა უკრაინაში გასაგზავნი ჰუმანიტარული დახმარების დატვირთვაში მიიღო მონაწილეობა
გაერთიანებული სამეფოს ყოფილმა პრემიერ-მინისტრმა, ბორის ჯონსონმა უკრაინაში, სამედიცინო დაწესებულებებისთვის გასაგზავნი ტვირთვის დატვირთვაში პირადად მიიღო მონაწილეობა.
ბორის ჯონსონი "ტვიტერზე“ წერს, რომ უკრაინაში სამედიცინო ნაკრებებით დატვირთული 12 სატვირთო ავტომობილი და ხერსონისთვის განკუთვნილი საწოლებითა და საანესთეზიო აპარატებით დატვირთული ერთი სატვირთო მანქანა გაგზავნეს.
"უკრაინის საავადმყოფოებს ჩვენი მხარდაჭერა სჭირდება. მშვენიერი იყო სტუმრობა Circle Health Group-ში, რომელმაც უკრაინაში სამედიცინო ნაკრებებით დატვირთული 12 სატვირთო ავტომობილი და ხერსონისთვის განკუთვნილი საწოლებითა და საანესთეზიო აპარატებით დატვირთული ერთი სატვირთო მანქანა გააგზავნა“, - წერს ჯონსონი "ტვიტერზე“.