მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ინფარქტი თუ მკვლელობა: რა ვერსიები ვრცელდება ბელარუსის საგარეო საქმეთა მინისტრის უეცარ გარდაცვალებაზე - "ის "სპეცოპერაციაში" ბელარუსის ჩართვის წინააღმდეგი იყო"
09:20 / 28-11-2022
26 ნოემბერს, ბელარუსის საგარეო საქმეთა მინისტრი, 64 წლის ვლადიმირ მაკეი უეცრად გარდაიცვალა. ადგილობრივ გამოცემებთან საუბრისას უწყების პრესსპიკერი ანატოლი გლაზი აცხადებს, რომ მინისტრის სიკვდილი მოულოდნელი იყო და არავითარი წინაპირობები, ჯანმრთელობის პრობლემები არ ჰქონია.
- დასავლური გამოცემების ცნობით, ბელარუსის საგარეო საქმეთა მინისტრის გარდაცვალებამდე საუბარი იყო იმაზე, რომ მაკეი დასავლეთთან ურთიერთობის დარეგულირებისა და რუსეთთან დისტანცირების მომხრე იყო, მიუხედავად იმისა, რომ ის ლუკაშენკოს პოლიტიკას მიჰყვებოდა.
ასევე ვრცელდებოდა ცნობები იმის თაობაზე, რომ რუსეთში დაიწყო მსჯელობები ბელარუსის ხელისუფლებიდან ლუკაშენკოს გუნდის მოშორებასთან დაკავშირებით, რომლის შედეგად ქვეყანა მთლიანად რუსეთის დაქვემდებარებაში გადავიდოდა, რაც უკრაინასთან ომში, ბელარუსის თავისუფლად ჩართვის წინაპირობა გახდებოდა...
pravda.ru-ს ცნობით, მინსკის დუმილის გამო, ვლადიმირ მაკეის სიკვდილთან დაკავშირებით, საზოგადოებაში უკვე დაიწყო კონსპირაციული საუბრები, არსებობს ინფარქტის ვერსია, მაგრამ ოფიციალური განცხადება არ გავრცელებულა და კითხვებიც გაჩნდა...
"გასულ კვირას, მინისტრი მაკეი, კოლექტიური უსაფრთხოების ხელშეკრულების ორგანიზაციის ცნობილ შეხვედრაზე იმყოფებოდა, რომელიც სომხეთის პრემიერ-მინისტრმა უეცრად გაწყვიტა და ლუკაშენკო გაოცებული დატოვა. იმავე შეხვედრის შემდეგ, ნიკოლ ფაშინიანმა კუხო-ს მიერ აზერბაიჯანის აგრესიის ფონზე სომხეთის მხარდაჭერის შემოთავაზებებს ხელი არ მოაწერა", - წერს "პრავდა".
როგორც ინტერნეტმომხმარებლები წერენ, მინისტრს ჯანმრთელობის პრობლემები რომ ჰქონოდა, ერევანში დელეგაციის შემადგენლობაში არ იქნებოდა... მას ასევე მინსკის დელეგაციის ფარგლებში, შეხვედრა ჰქონდა ვატიკანის წარმომადგენლებთან და უწყების თანამშრომლებთან ერთად, სამომავლო გეგმებზე საუბრობდა.
ინფარქტი თუ მკვლელობა - ამ სათაურით აქვეყნებს გამოცემა pravda.ru სტატიას, მაკეის გარდაცვალებასთან დაკავშირებით. ერთ-ერთი ვერსიით, ის სახლში იმყოფებოდა, რა დროსაც ცუდად გახდა, მაგრამ თავისი მდგომარეობა სახიფათოდ არ მიიჩნია და სამედიცინო დახმარება არ გამოიძახა.
"არსებობს კიდევ ერთი ვერსია, რომლის თანახმადაც ის მოწამლეს, რადგან მინსკის პროდასავლური კურსის მხარდამჭერად მიიჩნეოდა... რასაკვირველია, მისი საქმის გარშემო ფიგურირებს კრემლი და ბელარუსის КГБ. ასევე, ტელეგრამ არხის Brief -ის ინფორმაციით, მთლიანობაში რუსეთი დიდად არ უნდა ყოფილიყო ბელარუსი მინისტრის მოკვლით დაინტერესებული, რადგან ის მოსკოვის დელიკატურ დავალებებს მუდმივად ასრულებდა. თუმცა, შესაძლოა, ომის პარალელურად, მათ შორის განხეთქილება დაიწყო. მაკეის მტრები იმ პარტიის წარმომადგენლები არიან, ვინც ომის მომხრეა. მაკეი კი, სპეცოპერაციაში ბელარუსის ჩართვის წინააღმდეგიც იყო", - წერს გამოცემა.
ბელარუსი ექსპერტის ანდრეი სუზდალცევის მტკიცებით, მაკეი არავის მოუწამლავს და მოუკლავს, თუნდაც იმიტომ, რომ ბოლო ხანებში ძალზე უმწეოდ და არასახიფათოდ გამოიყურებოდა და ლუკაშენკოს საიმედო მხარდამჭერი იყო...
"მას სამომავლოდ, პრეზიდენტობის ამბიციაც ჰქონდა. ასე რომ, სამწუხაროა, რაც მოხდა", - ამბობს ბელარუსი ექსპერტი.
მაკეის უეცარი სიკვდილის შემდეგ, ბელარუსში მისი შემცვლელის შესახებ დაიწყო მსჯელობა. ოპოზიციონერი პოლიტიკოსი დმიტრი ბოლკუნეცის თქმით, საგარეო საქმეთა მინისტრის პოზიციაზე დანიშვნის ყველაზე დიდი შანსი აქვს ანდრეი სავინს, რომელიც ბელარუსის პარლამენტის ქვედა პალატის საერთაშორისო საკითხთა მუდმივმოქმედი კომიტეტის თავმჯდომარე და თურქეთში ყოფილი ელჩია.
- ბრიტანული გამოცემა The Daily Mirror-ის ცნობით, ვლადიმირ მაკეი უკრაინის ომის გარშემო საიდუმლო მოლაპარაკების შემდეგ გარდაიცვალა.
"ბელარუსის საგარეო საქმეთა მინისტრის გაურკვეველ ვითარებაში გარდაცვალების შესახებ ინფორმაცია მას შემდეგ გავრცელდა, რაც ის რომის პაპის წარმომადგენელს, ანტეი იოზიჩს შეხვდა, არსებული ცნობების თანახმად, მათ უკრაინაში მიმდინარე კონფლიქტის მშვიდობიანი გზით მოგვარების საკითხზე ისაუბრეს... მაკეი მინსკსა და დასავლეთს შორის კომუნიკაციის ერთადერთი გზა იყო", - წერს გამოცემა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ალა. ალა, ცემი ვოვოჩკა ამას ალ იკადლებდა!
ხო. ამბობდნენ რომ დასავლეთი ჩალიჩობდა, რომ ბაწკა ამ კაცით შეეცვალა.