ქართველი მორაგბეების "სელფი" ისტორიული გამარჯვების შემდეგ და სალომე ზურაბიშვილი "ბორჯღალოსნებთან" - ფოტოები კარდიფიდან
საქართველოს მორაგბეთა ნაკრებმა ნოემბრის მესამე ტესტ-მატჩი უელსის ნაკრების წინააღმდეგ, კარდიფში გამართა და ისტორიული გამარჯვება მოიპოვა.
მატჩის პირველი ტაიმი შეხვედრის მასპინძლებმა 12-3 მოიგეს. მეორე ნახევარში "ბორჯღალოსნებმა" მატჩში დაბრუნება მოახერხეს და დრამატულ ბოლო წუთებში ანგარიშით 13:12 იმარჯვეს.
გადამწყვეტი სამი ქულა ჯარიმით საქართველოს ნაკრებს ლუკა მატკავამ მოუტანა. ლევან მაისაშვილის გუნდმა ისტორიაში პირველად მოახერხა უელსის ნაკრების დამარცხება. ქართველმა მორაგბეებმა ნოემბერში გამართული სამი ტესტ-მატჩიდან ორის მოგება მოახერხეს.
შეხვედრას საქართველოს პრეზიდენტი სალომე ზურაბიშვილიც ესწრებოდა. ფოტოები მის სოციალურ ქსელში გავრცელდა. პრეზიდენტმა ისტორიული გამარჯვების შემდეგ "ბორჯღალოსნებთან" საერთო ფოტოც გადაიღო.
ასევე გამარჯვების შემდგომი "სელფი" გამოაქვეყნა "ფეისბუქზე" გუნდის კაპიტანმა მერაბ შარიქაძემ.
ნახეთ ასევე: ისტორიული გამარჯვება - ქართველმა მორაგბეებმა უელსის ნაკრები დაამარცხეს
