"არ გამიკვირდება კოცონი დაანთონ და დაწვან. ერთი უწყინარი ხუმრობის გამო რა დღე აყარეს..." - ნატო დუმბაძე თამარ მაყაშვილის გარშემო ატეხილ ხმაურს ეხმაურება
მუსიკალური პროდიუსერი ნატო დუმბაძე სოციალური ქსელის მეშვეობით ბათუმის დრამატული თეატრის გადაწყვეტილებას ეხმიანება. იგი მხარს უჭერს მსახიობ თამარ მაყაშვილს, რომელიც ბათუმის თეატრმა მის მიერ გაკეთებული დისკრიმინაციული განცხადების გამო რეპერტუარიდან მოხსნა.
"გაოგნებული ვარ მართლა, არ გამიკვირდება, კოცონი დაანთონ და დაწვან. ეს რა უბედურებაა, მართლა რა ხდება? ერთი უწყინარი ხუმრობის გამო თამარ მაყაშვილს რა დღე დააყარეს, კომპარტიაა თუ რა ხდება?! აჭარაზე და აჭარლებზე ვგიჟდები, მაგრამ ეს რა დამოკიდებულებაა მართლა არ მესმის! გარიცხეს ანუ თეატრიდან?! მეტს კი არაფერს აკეთებდნენ კომუნისტები! მე მაპატიეთ, მაგრამ პირადად ჩემთვის ეს ყოვლად მიუღებელია! თუ შეეშალა, ბოდიშიც მოიხადა! თამარ, მიყვარხარ ჩემო ოქრო, ეს ისტორიაში ჩაიწერება!" - წერს პროდიუსერი.
ცნობისთვის, ბათუმის ილია ჭავჭავაძის სახელობის პროფესიულმა სახელმწიფო დრამატულმა თეატრმა მსახიობი თამარ მაყაშვილი მის მიერ გაკეთებული დისკრიმინაციული განცხადების გამო სპექტაკლიდან მოხსნა.
თეატრის მიერ გავრცელებულ განცხადებაში ნათქვამია, რომ თეატრი ემიჯნება დასის წევრის თამარ მაყაშვილის მიერ გამოთქმულ შეურაცხმყოფელი შინაარსის გამონათქვამს.
საქმე შეეხება მსახიობის მიერ "იმედზე“ ერთ-ერთ გადაცემაში გაკეთებულ განცხადებას, სადაც მაყაშვილმა "ხულოელი ბავშვი“ დამაკნინებელ კონტექსტში მოიხსენია, რის გამოც მან მოგვიანებით ბოდიში მოიხადა.
ასევე იხილეთ: