მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბასილაშვილს გმირობის ორდენი რომ არ მიანიჭა არ გიკვირთ?! რამდენი მოძალადე კაცი წახალისდა" - როგორ ეხმაურებიან ბოლო წლების ყველაზე ხმაურიანი საქმის განაჩენს "ფეისბუქზე"?
20:31 / 21-10-2022
დღეს მთელი ყურადღება საქალაქო სასამართლოსკენ იყო მიმართული, სადაც ბოლო წლების ყველაზე ხმაურიანი საქმის განაჩენი გამოცხადდა. მოსამართლე ხათუნა ხარჩილავამ ფიზიკურ და ფსიქოლოგიურ ძალადობაში ბრალდებული ჩოგბურთელი, ნიკოლოზ ბასილაშვილი უდანაშაულოდ ცნო.
გადაწყვეტილებას საზოგადოების ნაწილი მწვავედ შეხვდა. ვერდიქტის გამოცხადების შემდეგ აღნიშნულ საკითხზე სოციალურ ქსელსი უამრავი პოსტი დაიწერა. საზოგადოების ნაწილი თვლის, რომ მოსამათლემ ამ განაჩენით ძალადობა წაახალისა:
ნიკა სიმონიშვილი, საიას თავმჯდომარე:
ბასილაშვილის საქმეზე მოსამართლემ განაჩენი ბრალდებულს კი არა, დაზარალებულს გამოუტანა და სხვათაშორის, ამ მოსამართლეს უფრო ნაკლები მტკიცებულებებითაც გაუმტყუნებია ხალხი ოჯახში ძალადობის საქმეებზე.ოჯახში ძალადობის საქმეზე ვისაც აქვს შეხება, განსაკუთრებით კი, მოსამართლეს, ყველასათვის ორჯერ ორია, რომ მსხვერპლში დამნაშავე არ უნდა მოძებნო და მას ბრალი არ უნდა დასდო იმაში, თუ რატომ არ დაიცვა თავი ეფექტურად.სულ რომ ბრალდებული ცამდე მართალი იყოს, დაზარალებულის გამტყუნება სრული კატასტროფაა და ეს, რა თქმა უნდა, უარყოფითად იმოქმედებს მსხვერპლ ქალებზე. მოსამართლის დასმული აქცენტები და მისი ტონი პირდაპირ ადანაშაულებდა დაზარალებულს და მაშინ, როდესაც იცი, რომ შენი დასაბუთება საჯაროდ გადაიცემა, ლაპარაკისგან თავი მით უმეტეს უნდა შეიკავო. 39George Kikabidze, Tamta Muradashvili და 37 სხვა 4 კომენტარი
ნათია მეზვრიშვილი, პარტია "საქართველოსთვის" ერთ-ერთი ლიდერი: საქმის მასალების დეტალურად არცოდნის პირობებში, მხოლოდ ორი რამის თქმა შემიძლია:
1. ასეთი (მინიმუმ განაჩენის სამოტივაციო ნაწილიდან რაც გავიგე) მტკიცებულებითი სტანდარტით სხვა შემთხვევებში, სხვა ბრალდებულების მიმართ, უამრავ გამამტყუნებელ განაჩენს იცნობს სასამართლო პრაქტიკა. რა თქმა უნდა, აქ იგულისხმება არა უდანაშაულო ადამიანის დამნაშავედ ცნობა მტკიცებულებების გარეშე, არამედ ის, რომ ოჯახში და ქალთა მიმართ ძალადობებზე უფრო მაღალი სტანდარტის დადება ხშირად პრაქტიკულად შეუძლებელია (მსხვერპლები არ და ვერ დადიან კამერებით) და უფრო მაღალი სტანდარტის მოთხოვნა პრაქტიკულად შეუძლებელს ხდის ძალადობის წინააღმდეგ ბრძოლას.
2. ამ გადაწყვეტილებას (თავისი კონტექსტით, კამპანიით და ა.შ.) აუცილებლად ექნება ნეგატიური გავლენა ოჯახში და ქალთა მიმართ ძალადობის წინააღმდეგ ბრძოლის ეფექტიანობაზე. ამიტომ, სახელმწიფო ვალდებულია გააათმაგოს საკუთარი ძალისხმევა ძალადობის წინააღმდეგ საბრძოლველად
ეკა კვესიტაძე, ჟურნალისტი:
რატომ არის საჭირო სამართლიანი სასამართლო? იმიტომ, რომ ერთ დღეს უსამართლობა თითოეულ ადამიანს შეიძლება შეეხოს, მათ შორის მათაც, ვისაც ჰგონია, რომ პოლიტიკური მართმსაჯულება მას არ ეხება, რადგან პოლიტიკაში არ ერევა. რამდენიმე ხნის წინ სასამართლოს მიერ გამოშვებულმა მოძალადემ ახალგაზრდა გოგო მოკლა. დღეს ნეკა დოროყიშვილზე იძალა უსირცხვილო სასამართლომ. ხვალ გათავხედებული მოძალადეები კიდევ უფრო გაიმართებიან წელში და ძალადობის ახალი ტალღა დაიწყება. მოკლედ, პოლიტიკურ წუმპეს წუმპე მოჰყვება ყველა სფეროში და ყველა ადამიანს შეეხება.
ვიკა ბუკია, ჟურნალისტი:
რამდენი მოძალადე კაცი წაახალისა დღეს ამ მოსამართლემ, მაგას ვერავინ დაითვლის. ამ სასამართლოსგან “N1 ჩოგანის” გამართლებას არც ველოდი, მაგრამ იდეალური ქმარი იყოო, ფაქტობრივად. გაუსაძლისია ამ ქალის მოსმენა. ამ ტონის.ამაზრზენია
ნანა გეგეჭკორი, ამერიკაში მოღვაწე ქართველი ექიმი:
ქვეყანაში სადაც ნაყოფს იცილებენ მხოლოდ იმიტომ რომ გოგოა, და მხოლოდ ვაჟიშვილის მამა მიაჩნიათ მამაკაცად, რატომ გიკვირთ, რომ ქალზე ძალადობა წახალისებულია საზოგადოების, საკანონმდებლო ორგანოს, სასამართლოს თუ რელიგიური ორგანიზაციების დონეზე...აბა საკუთარ გულში ჩაიხედეთ, რამდენს გიოცნებიათ ბიჭის მშობლობაზე და რამდენი ყოფილხართ იმედგაცრუებული გოგოს რომ აღმოაჩენთ ექოსკოპიაზე?ჩანასახიდანვე ქალზე მოძალადე საზოგადოება ვართ სამწუხაროდ... არც უნიკალურები ვართ ამ მხრივ. ბევრი ჩვენნაირი საზოგადოება არსებობს.
მე და გიორგის ორ ქალიშვილზე ამოგვდის მზე და ოდესმე ვინმემ მათ რომ გული ატკინოს, მთელს სამყაროს შევძრავთ და არც ერთ ცრემლს არ შევარჩენ.თუ მეუღლის, შეყვარებულის ან მეგობრის საქციელი არ მოგწონს მოშორდი და მათ გარეშე გააგრძელე ცხოვრება. არავის აქვს უფლება ძალით სცადოს იმის გამოსწორება რაც არ მოსწონს. არ არსებობს მიზეზი რაც ძალადობას გაამართლებს. არც მსუბუქი ძალადობა არსებობს. ადამიანის ნების საწინაამღდეგოდ მისი იძულება რაიმე ფორმით არის ძალადობა და ის უნდა ისჯებოდეს კანონით. ალტერნატიული ახსნები მხოლოდ ველურ ადამიანებს აქვთ და არა ცივილიზირებულ ერებს.
ლაშა თორდია, ყოფილი მთავარი აუდიტორი: ფარცხალაძე გაამართლა და ბასილაშვილს გმირობის ორდენი რომ არ მიანიჭა არ გიკვირთ?!
თამარ ჩეგროლეიშვილი, ჟურნალისტი: არ გვექნება სასამართლო მანამდე, სანამ არ გვექნება ახალი რესპუბლიკა. რესპუბლიკა არ გვექნება იქამდე, სანამ ხელისუფლებაში არ მოვა ღირსეული ხალხი, რომელიც სისტემურად აზროვნებს და იცის, როგორ იქმნება ასეთი სისტემა.
ნახეთ ასევე:
- "პირველ რიგში, შვილთან გაციებული ურთიერთობის აღდგენა მინდა დავიწყო" - ნიკოლოზ ბასილაშვილის პირველი კომენტარი განაჩენის შემდეგ
- "ახლა ვიწყებ რეალურ ბრძოლას... ამ ქალბატონმა დღეს განაჩენი გამოუტანა მთელი საქართველოს ქალებს" - ნეკა დოროყაშვილის პირველი კომენტარი განაჩენი შემდეგ
- "ამას თქვენ მწარედ ინანებთ!" - ნეკა დოროყაშვილის ადვოკატი ბასილაშვილის საქმის მოსამართლეს მიმართავს: რას წერს ანა აბაშიძე?
მკითხველის კომენტარები /
62 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სად მოძებნეთ ეს ''ქართველ ქალთა (უკაცრავად, მანდილოსანთა) დიდებული ლაშქარი?'' ამათი აზრების ფრქვევაღა აკლდა ამ საქმეს!!! ამათი ''წყალობითა და მოღვაწეობითაა'' ქვეყანა არეული!!!
ეს აფთრები ნახე რააა. თეორიულადაც არ უშვებენ იმის შანსს, რომ კაცი მართალი შეიძლება იყოს. დავუშვათ, ხელი ან ფეხი რამეს მივარტყი და დამილურჯდა. მივედი ექიმთან და მომცა ცნობა, რომ სხეულზე მაქვს ფიზიკური დაზიანება. წავედი სასამართლოში ამ ცნობით და ვუჩივლე ჩემს მეუღლეს, რომ ფიზიკურად იძალადა. გაამტყუნებს მოსამართლე ჩემს მეუღლეს? არადა სასამართლოზე ამაზე "წონიანი" საბუთი, თავისი მონაყოლის გარდა, არაფერი წარმოუდგენია იმ ქალბატონს. მოსამართლემ მხოლოდ იმის გამო დაუჯეროს, რომ ქალია? იმ ვიდეოებზეც, დარწმუნებული ვარ, წინასწარ სპეციალურად აგიჟებდა ნიკას, რომ მას ეყვირა, ეგინებინა და თუ ხელსაც დაარტყავდა, მთლად უკეთესი. აბა ადამიანი გირტყავეს და შენ ვიდეოს იღებდე, ნორმალური რეაქციაა?