მარჯანიშვილის თეატრში მსახიობ მიხეილ გომიაშვილის სამოქალაქო პანაშვიდი მიმდინარეობს

კოტე მარჯანიშვილის სახელობის სახელმწიფო აკედმიურ თეატრში მსახიობ მიხეილ გომიაშვილის სამოქალაქო პანაშვიდი მიმდინარეობს. ხელოვანის ხსოვნას პატივს მიაგებენ მსახიობები, მომღერლები, პოლიტიკოსები და საზოგადოების სხვა წარმომადგენლები.

ქართული კინოსა და თეატრის მსახიობი, მიხეილ გომიაშვილი 61 წლის ასაკში გარდაიცვალა.

არსებული ინფორმაციით, მსახიობის გარდაცვალება გულის შეტევას უკავშირდება. მიხეილ გომიაშვილი კლინიკაში მკურნალობდა.

მიხეილ გომიაშვილი 1994 წლიდან მარჯანიშვილის თეატრის სამსახიობო დასში ირიცხებოდა. მიღებული აქვს „ოქროს ნიღბის“ საერთაშორისო თეატრალური ფესტივალის გრან-პრი სპექტაკლებში „მამა“ და „ART-ხელოვნება“. იყო არაერთი კინო თუ თეატრალური როლის შემსრულებელი.

მსახიობს მახათას მწერალთა და საზოგადო მოღვაწეთა პანთეონში დაკრძალავენ.