მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთის გვარდიის ელიტური ნაწილების სამხედროები ტყვედ ჩავარდნენ, შესაძლებელი იქნება მათი " აზოვის" მებრძოლებში გაცვლა" - რა ხდება ფრონტის ხაზზე: უკრაინელებმა ხერსონზე შეტევით რუსები გააცურეს?
12:56 / 08-09-2022
მას შემდეგ, რაც უკრაინა რამდენიმე მიმართულებით კონტრშეტევაზე გადავიდა, წარმატებას წარმატებაზე აღწევს, რაც რუსებში პანიკის საფუძველიც ხდება. როგორც BBC იუწყება, უკრაინელებმა მოულოდნელად შეუტიეს რუსებს ხარკოვის ფრონტზე, ოკუპანტების იზიუმის დაჯგუფებას, გაათავისუფლეს დასახლებული პუნქტი ვერბივკა და სტრატეგიული მნიშვნელობის მქონე ქალაქ ბალაკლეაში შევიდნენ. რუსული ძალები, რომლებიც ძირითადად დონბასის მობილიზებული მაცხოვრებლებისაგან შედგება, ნაჩქარევად გადადიან მდინარე სევერსკი დონეცის გადაღმა. ქალაქი ბალაკლეა იზიუმის ჩრდილო-დასავლეთით მდებარეობს და მისი გავლით გადის რუსული სამხედრო ტვირთების უმრავლესობა, რომლებითაც მარაგდებიან სლავიანსკისა და კრამატორსკის რუსული დაჯგუფებები. შეტაკებები იმდენად ინტენსიურია, რომ ვერბივკას რუს მცველთა კორპუსის აბსოლუტური უმრავლესობა განადგურდა, ნაწილმა კი ბალაკლეასკენ დაიხია. უკრაინელებმა ისარგებლეს იმით, რომ რუსული სამხედრო ელიტის ნაწილი ხერსონის დაცვაზეა გადასული, მეორე ნაწილი კი ბაჰმუტს უტევს. ამ ფონზე უკრაინელებმა იზიუმის ჩრდილო-დასავლეთით სიტუაციის კონტროლის ხელში აღება დაიწყეს.
ქვეყნის სამხრეთ ნაწილში ახალი კონტრშეტევის დაწყებიდან ერთი კვირის შემდეგ, უკრაინული ძალები გარკვეულ წარმატებას აღწევენ, მათი მიზანია რუსეთის მიერ ოკუპირებული ხერსონის ოლქის უმეტესი ნაწილი წლის ბოლომდე დაიბრუნონ, - წერს CNN-ი.
რუსეთის პრეზიდენტი იხტიბარს არ იტეხს და აცხადებს, რომ, რუსეთს, უკრაინაში მიმდინარე სპეცოპერაციის შედეგად, არაფერი დაუკარგავს და არც დაკარგავს.
საერთაშორისო ურთიერთობების სპეციალისტი, GIPA-ს პროფესორი გიორგი კობერიძე ambebi.ge-სთან ომის მიმდინარეობას აფასებს:
- უკრაინელებმა 6 სექტემბერს გახსნეს კონტრშეტევის მეორე - აღმოსავლეთის მიმართულება (უშუალოდ ხარკოვი-დონეცკის მოსაზღვრე პუნქტები) იზიუმის გასათავისუფლებლად და ისინი ბევრად უფრო სწრაფად მიიწევენ წინ, ვიდრე ეს ხერსონის რაიონში ხდება. შეგვიძლია ვთქვათ, რომ იზიუმის მიმართულებით რუსების მომარაგებას სერიოზული საფრთხე ემუქრება. უკრაინელები ამ მიმართულებით ძალიან სწრაფად უტევენ, რუსული გვარდიის დანაყოფები ტყვედ ჩაცვივდნენ, ბევრი მათგანი დაიხოცა. ეს დანაყოფები რუსეთის არმიის ელიტური ნაწილებია და შესაძლებელი იქნება ამ რუსი სამხედროების გაცვლა აზოვის პოლკის მებრძოლებში. ეს ფაქტი იმაზე მეტყველებს, რომ რუსები ამ ყველაფრისთვის არ იყვნენ მზად. 5-ში უკრაინელებმა გადალახეს მდინარე სივერსკი დონეცი და წინ მიდიან... რაც წარმოუდგენელი შოკია რუსებისთვის. გამოდის, რომ ამ მიმართულებაზე რუსული არმია სრულიად მოწყვეტილია ახალი ძალით შევსების შესაძლებლობას. აღსანიშნია, რომ როდესაც ხერსონის მიმართულების დასაცავად რუსეთმა 25 ტაქტიკური ჯგუფი გადაისროლა, სხვა ყველა მიმართულება მოაშიშვლეს.
- რუსი პროპაგანდისტების განცხადებებიდანაც ჩანს, რომ რუსები პანიკაში არიან, ე.წ. ექსპერტები შეშფოთებას გამოთქვამენ შექმნილ სიტუაციაზე და აღნიშნავენ, რომ უკრაინელთა მხრიდან ხერსონზე შეტევის გაპიარების მიზანი, სინამდვილეში, რუსების მოტყუება იყო - ამით უკრაინელებმა რუსებს დონბასის ძალები ხერსონისკენ, სამხრეთის დასაცავად გადაასროლინეს, შეტევა კი ხარკოვიდან დაიწყესო...
- ეს ძალზე ჭკვიანური იყო და იმასაც აღვნიშნავ, რომ ეს ტაქტიკური ჯგუფები, რომლებიც 600-დან 800 სამხედრო და მომსახურე პერსონალისგან შედგება, უკვე გადასროლილია მდინარე დნეპრის დასავლეთ სანაპიროზე და ისინი უკან ვეღარ ბრუნდებიან, ვინაიდან უკრაინელებს ხიდები დაბომბილი აქვთ, მაგალითად, ნოვა კახოვკას როგორც სარკინიგზო, ასევე სატრანსპორტო ხიდი, ასეთივე სიტუაციაა ანტონოვის ხიდზე. რუსები თუ უკან დაიხევენ, მდინარის გადალახვა ყველა ვარიანტში ტექნიკის გარეშე მოუწევთ, პონტონურ ხიდებს ვეღარ გამოიყენებენ. ერთი სიტყვით, ინიციატივა უკრაინელებს აქვთ ხელში აღებული.
ხერსონის რაიონში შეტევა სამი მიმართულებიდან მიმდინარეობს და უკრაინელები ყველგან წარმატებას აღწევენ. ამ რაიონში უკრაინული შეტევის ანდრიივკას ცენტრის ჯგუფმა რუსული თავდაცვის ზღუდის კიდევ უფრო დიდი მასშტაბით გარღვევა დაიწყო. კოსტრომკას შემოგარენის გათავისუფლების შემდეგ, სამხრეთით დაიკავეს ბეზიმენე და უტევენ შასლივეს.
მოკლედ, როგორც ჩანს, ხერსონის მიმართულებით გადასროლილი რუსული არმიის ელიტის ნაწილი მდინარე დნეპრის დასავლეთ სანაპიროზე ლოჯისტიკური მომარაგების გარეშეა ჩარჩენილი, ხოლო აღმოსავლეთში, ხარკოვის რაიონში უკრაინელები რუსულ, შედარებით სუსტ ნაწილებს მეთოდურად ანადგურებენ. ამ ფონზე, პრაქტიკულად, იზიუმი ჩრდილოეთიდან მომარაგების გარეშე რჩება. ეს კი რუსული არმიის კატასტროფულ მდგომარეობაში აღმოჩენას გულისხმობს.
ამასთანვე, 7 სექტემბერს, დღის განმავლობაში, უკრაინულმა ავიაციამ 50-მდე ავიაიერიში მიიტანა რუსულ პოზიციებზე. რუსების მხრიდან დიდია დაღუპულთა, დაჭრილთა და დაშავებულების რაოდენობა. რუსული საჰაერო-სადესანტო ძალების ნაწილებმა პოზიციების მიტოვება ძალიან გაახშირეს, ეს კი რუსების დანარჩენ სამხედრო ძალებზე კატასტროფულად აისახება.
- როგორ შეიძლება განვითარდეს მოვლენები, უფრო გაიზრდება უკრაინელთა შანსები?
- სამხედრო-სტრატეგიული თვალსაზრისით, ამ შემთხვევაში იზიუმის აღება იქნება რუსეთის წელში გადატეხა მთელს დონეცკის რაიონში, იმიტომ, რომ სლავიანსკზე შეტევა საბოლოოდ ჩავარდება, რაც ნიშნავს იმას, რომ უკრაინის ხელში გადავა დიდი ინიციატივა. ამასთანავე, საფრთხე მოეხსნება მთლიანად ხარკოვის რაიონს, ისევე, როგორც დონეცკის რაიონის ჩრდილოეთ ნაწილში შემცირდება რუსული საფრთხე. ამასთანავე, ხერსონის გათავისუფლება იქნება უზარმაზარი მორალური გამარჯვება უკრაინისთვის.
ტერიტორიების სწრაფი ოკუპაციისათვის რუსეთს რა რესურსის გაღებაც შეეძლო, ის უკვე ამოწურა. ახლა მათ აქვთ საშუალება ამ არსებული ტერიტორიების შენარჩუნების და ლოკალური შეტევების წარმოების, რაც აღარ ნიშნავს ფართომასშტაბიან შეტევებს, რუსეთმა ამის უნარი ამოწურა და მობილიზაციის გარეშე ამას ვერც გააკეთებს. მობილიზაციას სჭირდება ომის გამოცხადება და ბევრი მიზეზის გამო ამ ეტაპზე ეს დაგვიანებულია - მობილიზებულ ჯარს სჭირდება უზარმაზარი გადამზადება და ომში პროფესიონალ სამხედროებთან ერთად წასვლა. პროფესიონალი სამხედროების დიდი ნაწილი რუსებს აღარ ჰყავს...
- ყირიმზე მასშტაბურ შეტევას თუ ელით?
- ეს ყველაზე დიდი გამოცანაა იმიტომ, რომ ყირიმზე შტურმს, არ ვიცით, რა შეფასება შეიძლება მოჰყვეს დანარჩენი მსოფლიო საზოგადოების მხრიდან. თუ კი ყირიმზე დიდი შტურმი იქნება, რუსეთში შესაძლოა მართლაც გამოცხადდეს ომის მდგომარეობა და ამ ომთან დაკავშირებით აზრიც შეიცვალოს - ახლა არის განცდა, რომ ეს არის თავდასხმითი ომი და მერე შეიძლება სამამულო ომის ხასიათი მიიღოს. თუ კი უკრაინელებმა დონეცკისა და ლუგანსკის რაიონი დაიბრუნეს და ყირიმს მიადგნენ, დიდი ალბათობით, რუსეთი მოლაპარაკებებზე დათანხმდება იმ პირობებში, რომელიც უკრაინას უფრო აწყობს და მისთვის უფრო მისაღები იქნება.
რა თქმა უნდა, ყირიმზე კომპრომისი ასე მარტივი არ იქნება, მით უმეტეს, მოგებული ომის შემთხვევაში, უკრაინელები ყირიმს მარტივად არ დათმობენ, მაგრამ აქ ყველა ვარიანტში მოლაპარაკების ისეთი ფორმა შეიძლება იყოს შერჩეული, რომელიც ყველასათვის მისაღები იქნება. თუ კი ომი საკმაოდ დიდხანს გაგრძელდა და რუსეთმა მეტი აგრესია და ომის დანაშაულები ჩაიდინა, არც ყირიმში შეჭრა იქნება გამორიცხული. ახლა კიევშიც ამბობენ, რომ ეს ომი შეიძლება რუსეთის კაპიტულაციით დასრულდეს. მათაც კარგად ესმით, რომ რუსეთი თუ არ დაისაჯა და თუ ერთ ქალაქზე მეტი შერჩა, ვიდრე მას ომამდე ჰქონდა, ეს ნიშნავს, რომ რუსეთმა რაღაცა უპირატესობა მოიპოვა...
მკითხველის კომენტარები /
46 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ ჯერ პირველი არმია მითხარი რომელია, ის ვინც 20 წელი ებრძოდა ავღანეთს და ბოლოს აქეთ რო გამოიქცა სამარცხვინოდ? თუ ვიეტნამიდან რო გამოიძურწა?
ომის მეფე მე ვარ!