15
მაისიდღის ზოგადი ასტროლოგიური პროგნოზი
შოუმენი ვანო ჯავახიშვილი "მთავარი არხის" განცხადებას ეხმიანება და აღნიშნავს, რომ ტელეკომპანიის მიერ მასთან დაკავშირებით გავრცელებული ინფორმაცია სიართლეს არ შეესაბამება.
"გავეცანი ‘’მთავარი არხის’’ განცხადებას ჩვენი გუნდის წასვლასთან დაკავშირებით. მინდა გითხრათ, რომ ეს ინფორმაცია არ შეესაბამება სიმართლეს. ჩემი პრინციპებიდან გამომდინარე ვფიქრობდი, რომ არ იქნებოდა კარგი შიდა ამბების გარეთ გამომზეურება, უბრალოდ ახლა ვთვლით, რომ ეს არის ჩვენი გუნდის მიზანმიმართული დაზიანების მცდელობა. სიმართლე ის არის, რომ ფინანსური კრიზისის გამო არხზე ჩვენი გადაცემები მართლა დაიხურა ("ვანოს შოუ", "ახალი შაბათის შოუ" , "მთავარი ბიჭები", ‘’მთავარი გოგოები’’) და არხზე დარჩა ისეთი გადაცემები, რომლებსაც სპონსორები ჰყავდათ. სამი თვის განმავლობაში ვიმუშავეთ, აბსოლუტურად, უხელფასოდ და ერთი წამითაც არ გაგვიჩერებია ეთერი. ჩემი გუნდის თანამშრომლები ჩაცვივდნენ მძიმე ფინანსურ მდგომარეობაში, დავალიანება დღემდე დავალიანებად დარჩა, იმის მიუხედავად, რომ არხზე დარჩენილი თანამშრომლები ჩვეულებრივად იღებენ ანაზღაურებას.
რაც შეეხება "მთავარი არხის" შემოთავაზებას, არხმა შემოგვთავაზა შემდეგი: მხოლოდ დარჩენს ‘’ვანოს შოუ’’, ხოლო დანარჩენი გადაცემები დაიხუროს. ეს ნიშნავდა იმას, რომ გუნდის 70% სახლში უნდა გაგვეშვა, ის ადამიანები, რომლებიც მთელი ჩვენი არსებობის განმავლობაში გვერდში გვედგნენ და ბოლომდე მოგვყვებოდნენ. ეს ის თანამშრომლები არიან, რომლებიც არც ერთი წამით არ იხევდნენ უკან, როცა არხს გასაჭირი ქონდა. რა თქმა უნდა, ჩვენმა გუნდმა ერთიანობა ამჯობინა და ამიტომ დავთანხმდით ისეთ შემოთავაზებას, რომელიც საშუალებას მოგვცემდა გუნდი მაქსიმალურად შეგვენარჩუნებინა. ‘’მთავარი არხის’’ მხრიდან ამ ტიპის განცხადება და ჩვენთვის ზიანის მოყენების მცდელობა, არის პირდაპირ გეტყვით სრული უნამუსობა და ბოროტება. მივმართავ ზემოთხსენებული განცხადების ავტორს: უკადრებელს ნუ კადრულობ ‘’მეგობარო’’ ერთგულებაზე კრიტიკას ვერ მივიღებთ,რადგან ვთვლით, რომ ერთგულება უნდა იყოს ორმხრივი და არა ცალმხრივი." - წერს ვანო ჯავახიშვილი.
ცნობისთვის, ვანო ჯავახიშვილის საავტორო გადაცემა "ვანოს შოუ" ახალი სატელევიოზიო სეზონიდან "ტვ პირველის" ეთერში გავა. "მთავარი არხის" განცხადებით, "ვანოს შოუს" გუნდ აღმოჩნდა ერთადერთი, რომელმაც განაცხადა, რომ არხის წინაშე შექმნილი ფინანსური პრობლემების გამო ახალ რეალობას ვერ მოერგებოდა და დატოვა ტელეკომპანია.
ასევე იხილეთ:
რომელ რიცხვიდან გავა ტვპირველზე ვანოს შოუ
იცი რა არის, 20 წელიწადი რომ რარაცას აკეტებ გინდა თუი არ გინდა წურავ შენ თავს. ანუ მთლიან რეალიზებას აკეთებ და წყინდები ხლხს, ასეა ამ შემთხვევაშიც. პირადად ჩემ მაგალითზე ვიტყვი, მეც მომწონდა და ვუყურებდი ამ შოუს და ველოდებოდი კიდეც, მაგრამ ახლა საერთოდ აღარ ვუყურებ. იმიტომ რომ ვინც დასაპატიჟებელი ყავდათ ყველა დაპატიჟეს და ყველაფერი უკვე თითქმის ზეპირად ვიცით. მაგათი იუმორიც და მონაყოლი ამბებიც, ასე რომ ამოწურა თავის თავი. ასე ვფიქრობ და არა მარტო ამ შოუმ .. ბევრმა და ზოაგად ტელევიზიამაც.... მე რომ მკითხოთ უკვე მაღიზიანებს კიდეც.
აქეთ გადართავ სამოთხეში გეგონება თავი, ოპოზიციურ არხებზე გადართავ და თვითმკვლელობა მოგინდება, ასე რომ გაითვალისწინეთ მეგობრებო ეს ყველაფერი. რაღაცა უნდა შეცვალოთ პოლიტიკა აქ არფერ შუაშია, ვეღარ ქმნით სდაინტერესო პროდუქტს ესაა და აღიარება გიჭირთ...