ტრაგედია რაჭაში - უბედურ შემთხვევას დაავადებათა კონტროლის ეროვნული ცენტრის თანამშრომელი ემსხვერპლა
დაავადებათა კონტროლისა და საზოგადოებრივი ჯანმრთელობის ეროვნული ცენტრი სოციალურ ქსელში ტრაგიკულად გარდაცვლილი თანამშრომლის კახი კობახიძის შესახებ სამძიმრის წერილს ავრცელებს. კახი კობახიძე 2019 წლიდან ცენტრში საფინანსო-ეკონომიკური დეპარტამენტის შესყიდვების სამმართველოს თანამშრომელად მუშაობდა... როგორც გარდაცვლილის ერთ-ერთი ახლობელი წერს, უბედური შემთხვევა რაჭაში მოხდა, კახი კობახიძე ხევში ჩავარდა...
"დაავადებათა კონტროლისა და საზოგადოებრივი ჯანმრთელობის ეროვნული ცენტრი უდიდესი მწუხარებით იუწყება, რომ ტრაგიკულად გარდაიცვალა ცენტრის საფინანსო-ეკონომიკური დეპარტამენტის შესყიდვების სამმართველოს თანამშრომელი კახი კობახიძე. კახი იყო გამორჩეული პიროვნული თვისებებით და მაღალი ღირებულებებით დაჯილდოებული ადამიანი. ყველასათვის საყვარელი, ერთგული და თავდაუზოგავი მეგობარი, განუმეორებელი სიკეთით და სათნოებით დაჯილდოებული, სიყვარულის ნიჭის უბადლოდ მატარებელი.
მას პირადი მაგალითით, სიტყვით და საქმით, ყოველ დღე და ყოველ წუთს ფასდაუდებელი წვლილი შეჰქონდა თითოეული ჩვენგანის ცხოვრებაში და ცენტრის საქმიანობაში. ის 2019 წლიდან დღემდე, მაღალი პროფესიონალიზმით, უშრეტი ენერგიით და წარმატებით ასრულებდა დაკისრებულ მოვალეობას. გამოირჩეოდა დიდი შრომისმოყვარეობით. კახიმ სიცოცხლე ოჯახის, მეგობრების, თანამშრომლების და ქვეყნის კეთილდღეობას მიუძღვნა და იმაზე მეტი სიკეთე გასცა, ვიდრე ეს შესაძლებელია ერთი ადამიანისთვის. მისი უდროოდ წასვლა ჩვენი ცენტრისთვის დიდი და მტკივნეული დანაკლისია. ვუსამძიმრებთ მის ოჯახს, მეგობრებს და კოლეგებს, მისი ნათელი ხსოვნა გაათბობს თითოეული ჩვენგანის ცხოვრებას", - ვკითხულობთ