მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბაბუა-ბებიისგან უცხოპლანეტელებთან ასეთი მისტიკური კავშირიც გამომყვა" - რას ჰყვება თემურ წიკლაურის შვილიშვილი, რომლის მუსიკალური ნამუშევარიც კოსმოსში გაიგზავნება
14:46 / 06-07-2022
4 ოქტომბერს ინგლისიდან კოსმოსში 30 მუსიკალური, 15-წამიანი სიგნალი გაიგზავნება. ამ სიაში შესულია მსოფლიოს ცნობილი თუ უცნობი ავტორების საუკეთესო მუსიკალური ნამუშევრები. მათ შორისაა ქართველი არტისტისა და მუსიკოსის ანდრია გოგიბედაშვილის მუსიკაც.
როგორ მოხვდა ანდრიას ნამუშევარი ამ პროექტში, რას ნიშნავს ემოციურად ეს ახალგაზრდა ხელოვანისთვის და რა გადაეცა ცნობილი ბებია-ბაბუისგან - თემურ წიკლაურისა და ლილი ზღვაურისგან გენეტიკურად, ამაზე ambebi.ge - ს ანდრია უყვება.
- უზბეკეთში "სტიქია ფესტივალი“ გაიმართა, მას ორგანიზატორები არალის ზღვის ფსკერზე ატარებენ, რომლის დიდი ნაწილიც ამჟამად დამშრალია. მისი დაშრობა კი, ჯერ კიდევ გასული საუკუნის 60-იანი წლებიდან დაიწყო და ადამიანის მიერ გამოწვეულ ერთ-ერთ უდიდეს ეკოლოგიურ კატასტროფადაა მიჩნეული. ამიტომ, ფესტივალის საყრდენი ღერძი, დედა-გული, რისთვისაც შეიქმნა და არსებობს, ეკოლოგიური მიმართულებაა. მიაჩნიათ, რომ არალის ზღვის კატასტროფაზე ინფორმაცია ასე მეტად გავრცელდება. ამასთანავე, მსოფლიოს ეუბნებიან, ამ ფაქტმა სამომავლოდ რა ზიანი შეიძლება მოუტანოს დედამიწას და ადამიანებს.
ფესტივალზე მე და ორმა ქართველმა მუსიკოსმა - ჩემმა მეგობრებმა დავუკარით. აღმოჩნდა, რომ ღონისძიების ორგანიზატორებს მოსწონთ ჩემი მუსიკა... ერთ დღესაც დამიკავშირდნენ და შემომთავაზეს პროექტში "სტიქია ბიონთ“ ჩავრთულიყავი. ეს კი თავის თავში მოიცავს 30 აუდიო და კიდევ რამდენიმე ვიზუალური ნამუშევრის კოსმოსში გაგზავნას.
- ვიზუალურში რა იგულისხმება?
- მაგალითად, მენდელეევის ქიმიური სისტემა, ატლასი და ა.შ. მოკლედ, ორგანიზატორებმა სურვილი გამოთქვეს, 30 აუდიო ნამუშევარში ჩემი მუსიკაც ყოფილიყო. ეს რეალურად 15-წამიანი სიგნალებია, რომელიც ინგლისიდან, მსოფლიოში ყველაზე ძლიერი რადიოტელესკოპიდან გაიგზავნება. ის ტელესკოპი კოსმოსში რადიოსიგნალებს აგზავნის. მოკლედ, სერიოზული რამ არის. აქვე ამ ადამიანების მადლიერი ვარ, რომ ამ სიგნალებს შორის ჩემი ნამუშევარიც აღმოჩნდა.
4 ოქტომბერს კი ეს ტრანსმისია - ინგლისიდან პლანეტა K218B-ზე გაიგზავნება. ეს მზის სისტემის გარეთ მყოფი პლანეტაა და თავისი მონაცემებით, ძალიან ჰგავს დედამიწას. იქ, დიდი ალბათობით, არის ატმოსფერო, წყალი და სწორედ ამის გამო მას მეორე დედამიწას ეძახიან.
ამ პროექტის მიზანია, ასეთი არატრადიციული გზითაც კი ფართოდ გაავრცელოს ინფორმაცია ეკოლოგიურ კატასტროფებზე და იმაზე, რომ ადამიანების დაუდევრობით, დედამიწას რა საფრთხე შეიძლება დაემუქროს.
- ე.ი. ამ სიგნალების გაგზავნის მიზანია, დედამიწის მსგავს პლანეტასაც კი აცნობოს ჩვენი ეკოსაფრთხეების შესახებ...
- კი. ამასთანავე, დედამიწის მსგავს პლანეტაზე რომ იგზავნება, ამასაც გარკვეული სიმბოლური დატვირთვა აქვს... სიგნალი იქ 124 სინათლის წლის შემდეგ ჩავა, - დედამიწის დროით, 2146 წლის 11 ოქტომბერს.
ეს როცა გავიგე, ვთქვი - რა მაგარია, მაგ დროისთვის ხომ აღარ ვიქნები, მაგრამ იმ პლანეტაზე ასეთი ფორმით გავჩნდები-მეთქი.
- ძალიან საინტერესოა... საერთოდ, საკლუბო მუსიკას ქმნით?
- ვაკეთებ მოსასმენ მუსიკას, უფრო ფონურს, სარელაქსაციო ხასიათის... კოსმოსში გასაგზავნი 15-წამიანი სიგნალი აღებულია ჩემი ერთი ცნობილი ტრეკიდან, რომელიც ესპანეთში გამოიცა. ეს არის მოსასმენი, სარელაქსაციო მუსიკა.
- როგორც მითხარით, პროფესიით მუსიკოსი არ ხართ, რადგან "ჯიპაში“ მედიახელოვნებას სწავლობდით... მაგრამ, როგორც ჩანს, გენეტიკა თავისას შვრება და მუსიკის სიყვარულს, მაინც ვერ გაექეცით.
- კი, პროფესიით მედიახელოვანი ვარ, თუმცა რეალურად მუსიკოსი, არტისტი... გენეტიკა ვახსენეთ და მუსიკის გარდა, ბაბუა-ბებიისგან უცხოპლანეტელებთან ასეთი მისტიკური კავშირიც გამომყვა, რომელიც სულ ჰქონდათ, "ივერიის“ დროსაც და მანამდეც... მოკლედ, ეს ყველაფერი ჩემზეც გადმოვიდა...
- კონკრეტულად რას გულისხმობთ?
- ერთ ამბავს გავიხსენებ - დაახლოებით, 80-იან წლებში, "ივერიას“ კონცერტი თელავში ჰქონდა, ამ ამბავს დედაც მიყვება ხოლმე. ვინც მაგ კონცერტზე იყო, ყველას ახსოვს, - კონცერტი რომ მორჩა, საკმაოდ მაღლა, ცაში დაკიდული უზარმაზარი სინათლის დისკო გამოჩნდა. კარგა ხანს იყო, ანათებდა და შემდეგ გაქრა... ამ ფაქტით ყველა დაინტერესდა, მეცნიერები იკვლევდნენ კიდეც... ბაბუამ და ცნობილმა ქართველმა უფოლოგმა თალეს შონიამ კი ამის შემდეგ რუსთავში ასეთი ექსპერიმენტი ჩაატარეს, - უცხოპლანეტელებს წერილი დაუწერეს და ბაბუაჩემის ფირფიტებთან ერთად, ოთახში დატოვეს. ოთახის კარი კი, რომელსაც ფანჯრები არ ჰქონდა, საგანგებოდ დალუქეს. მას ვერავინ გააღებდა. ერთი კვირის შემდეგ რომ მივიდნენ, ოთახში არაფერი აღარ იყო, თუმცა ფირფიტების ადგილას იდო წერილი: "მოვუსმინეთ თქვენს მუსიკას. ქალბატონო ლილი და ბატონო თემურ, ძალიან მოგვწონს თქვენი სიმღერები“... ბაბუას ამ მიმართულებით ბევრი რამ ჰქონდა მოსათხრობი, რომელსაც მიყვებოდა კიდეც... თან, ეს ყველაფერი აინტერესებდა და უცხოპლანეტელების ამოუცნობი მხარეების თაობაზე, მისტიკურ ამბებზე, მისტერიებზე იმ ცოდნას მიზიარებდა, რაც ჰქონდა. მსგავსი შინაარსის გადაცემებსაც ძირითადად ერთად ვუყურებდით ხოლმე.
- ანუ სჯეროდა, რომ უცხოპლანეტელები არსებობენ...
- მგონი, კი, სჯეროდა, რომ რაღაც არსებობდა და ალბათ, მართლაც არსებობს...
- მუსიკის მიმართულებით რას გეუბნებოდათ, რას გირჩევდათ?
- თავისუფლებას მაძლევდა, მიბიძგებდა, რომ ექსპერიმენტები ჩამეტარებინა იმისთვის, რომ ჩემი გზა მეპოვა.
- იპოვეთ, რასაც ეძებდით, თუ ძიების პროცესი უწყვეტია?
- ასე თუ ისე, კი, მაგრამ ისე არაა, რომ ვიპოვე და მორჩა. ეს პროცესი გრძელდება და გაგრძელდება სულ... თუ ვთქვი, რომ ეს არის და მოვრჩი, მაშინ უნდა გავჩერდე...
- ვიცი, რომ ბაბუას ძალიან უყვარდით და თქვენით ამაყობდა...
- კი და მეც ვამაყობდი იმით, რომ ასეთი ბაბუა მყავდა, მიყვარდა, ვმეგობრობდით და ძალიან კარგი მეგობრები ვიყავით. სამწუხაროდ, ადრე წავიდა... ერთად ძალიან კარგი დრო გავატარეთ, - საუკეთესო მოგონებები დამრჩა...
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დღეშია ხალხი...
უცხოპლანეტელებთან მისტიური კავშირის რა გითხრათ და აინშტაინაის ფარდობითობის თეორიის მიხედვით, დროის მცნებაც ასევე ფარდობითი მნიშვნელობაა ,რომლის მსვლელობა ათვლის წერტიზე და სისტემაზე დამოკიდებული, მაგ თეორიის მიხედვით,რაც უფრო სწრაფად მოძრაობს სხეული მით უფრო ნელა გადის მისთვის დრო, მაგალითად სინათლის სიჩქარესთან მიახლობული სიჩქარით მოძრაობისას ( დაახლოებით 300000კმ/წმ ვაკუუმში) 3- 4 კვირის განმალობაში, დედამიწაზე რამოდენიმე ათწლეული გაივლის, ასე რომ თუ დავუშვებთ რომ ადამიანებმა ოდესმე შეძლეს მაგ სიჩქარის მოძრაობა, მომავალში მოხვედრა ფანტასტიკის სფერო ნამდვილად აღარ იქნება!