რუსი მილიარდერის შვილიშვილზე დაქორწინებული ქართველი მოდელი ბავშვს ელოდება - "მირანდა და გრეგორი ცოტა ხნის წინ დაშორდნენ ერთმანეთს, თუმცა ისევ შერიგდნენ..."
რუსეთში მცხოვრები ქართული წარმოშობის ბლოგერი და ინფლუენსერი მირანდა შელია შვილს ელოდება. მიმიმ ორსულობის ამსახველი ფოტოები სოციალურ ქსელში გამოაქვეყნა. მოდელი 25 კვირის ორსულია. 28 წლის მირანდამ ერთი წლის 22 წლის რუსი მილიარდერის შვილიშვილ გრეგორი მამურინზე იქორწინა.
გრანდიოზული ქორწილის შემდეგ შელია ხშირად აქვეყნებდა სოციალურ ქსელში მდიდარ ქმართან ერთად მოგზაურობის ფოტოებს. თუმცა ცოტა ხნის წინ მიმის ინსტაგრამიდან მეუღლესთან ერთად გადაღებული ფოტოები გაქრა. წაშლილი აქვს ასევე ქორწილის ფოტოები. როგორც წყარო გვიყვება გრიშა და მირანდა ცოტა ხნის წინ დაშორდნენ, თუმცა ახლა ისევ შერიგებულები არიან.
მილიარდერის რძალს ხელმოწერის ცერემონიალზე ტომ ფორდის ძვირადღირებული კაბა და ფეხსაცმელი ეცვა. საყვარელმა მამაკაცმა კი რჩეულს „კარტიეს“ ფირმის ძვირადღირებული საქორწინო ბეჭედი აჩუქა.
გრიშა მამურინი რუსი მილიარდერის იგორ ნეკლიუდოვის შვილიშვილია. ნეკლუდოვი ხაბაროვსკის რაიონში რამდენიმე კომპანიას ფლობდა. მის მემკვიდრეობაშია კინოთეატრების ქსელი, რუსეთის სრულ ტერიტორიაზე ფინტეს-კლუბების ქსელი. ნეკლუდოვი გახლდათ ტელეკომპანია Dal TV-TNT დამფუძნებელი.
ბიზნესმენი, რომლის ქონებაც 150 მილიარდ რუბლად არის შეფასებული, 2017 წლის 19 ივლისს გულის შეტევით 73 წლის ასაკში გარდაიცვალა. გრიშას დედა ოჯახური ბიზნესიდან ფიტნეს კლუბების ქსელს ხელმძღვანელობს მშობლიურ ხაბაროვსკში. მამა კონსტანტინე მამურინი წარსულში სპორტსმენი გახლდათ და წლების მანძილზე დაკავებული იყო კარატეთი.
თავად გრიგორი მამურინი "ცნობილი გახდა" 16 წლის ასაკში, როდესაც გორკის პარკში გადაღებულ მის ერთ-ერთ ბლოგზე გამვლელებს ფულის სანაცვლოდ არასტანდარტულ დავალებებს აძლევდა - მაგალითად, უნდა მიერთმიათ გაფუჭებული საკვები, ნაგავი, დაელიათ საკუთარი შარდი.
ამ სკანდალის შემდეგ ბაბუამ იგი ხაბაროვსკში დააბრუნა და მისი განმეორებითი განათლება გადაწყვიტა. რის შემდეგაც დიდი ხანი უცნობი იყო, რას საქმიანობდა გრიშა. მირანდა ერთხელ უკვე იყო დაოჯახებული. ქართველ ფეხბურთელ გიორგი ჭანტურიაზე ჯვარი სამებაში დაიწერა, მაგრამ წყვილის ქორწინება მალე დასრულდა.