მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დასავლეთის ხელმძღვანელები საუბრობენ მოლდოვასა და უკრაინაზე და ჩვენ ამოვვარდით... ხელისუფლებამ არა თუ რაიმე გააკეთა, დააზიანა ჩვენი შანსები" - ომბუდსმენი
22:04 / 16-06-2022
საშიშროება დავინახე, რომ მთელი ამ წლების განმავლობაში პირველად, მაღალმა პოლიტიკურმა პირებმა საჯაროდ, დაუფარავად და პირდაპირ გაავრცელეს სკეპტიკური გზავნილები ქვეყნის ევროპული ინტეგრაციის მიმართ. გვითხრეს, რომ შესაძლოა მმართველ წრეებში განიხილებოდეს საკითხი, რომ ქვეყანამ საერთოდაც გადახედოს მის მისწრაფებებს ევროკავშირში ინტეგრაციის თაობაზე , - ამის შესახებ სახალხო დამცველმა, ნინო ლომჯარიამ "პალიტრანიუსის“ გადაცემა "თავისუფალ სტუდიაში“ განაცხადა.
მან ისაუბრა საქართველოს პრეზიდენტის სალომე ზურაბიშვილის ინიციატივით საქართველოს ევროპული კურსის მხარდამჭერ აქციაზე და განაცხადა, რომ მსგავსი ტიპის შეკრებები, რომელიც დღეს პრეზიდენტის ინიციატივით ევროპის მოედანზე გაიმართა, მნიშვნელოვანია იმისთვის, რომ საქართველოს ხელისუფლებამ ქართველი ხალხისგან კონკრეტული გზავნილები მიიღოს.
როგორც სახალხო დამცველმა აღნიშნა, ბოლო დროინდელმა განცხადებებმა, რომელიც "ქართული ოცნების“ ლიდერებისგან ისმის, ვითარება უარესობისკენ შეცვალა.
მისი განცხადებით, დღეს უკვე ევროპულ გზაზე, არა უკრაინასა და მოლდოვასთან ერთად, არამედ ცალკე განვიხილებით.
"ძალიან მნიშვნელოვანია ქართველი ხალხის ერთიანობის ჩვენება არა უფრო ევროპისთვის, არამედ ჩვენი ხელისუფლებისთვის. ჩემთვის უფრო მნიშვნელოვანია ასეთი ტიპის შეკრებები ხელისუფლებისთვის გზავნილების გასაკეთებლად და უფრო მეტ მნიშვნელობას მივანიჭებდი, რა არის ამ აქციების მოთხოვნა, ვიდრე ვინ და როდის ეძახის მოქალაქეებს შესაკრებად. საშიშროება დავინახე, რომ მთელი ამ წლების განმავლობაში პირველად, მაღალმა პოლიტიკურმა პირებმა საჯაროდ, დაუფარავად და პირდაპირ გაავრცელეს სკეპტიკური გზავნილები ქვეყნის ევროპული ინტეგრაციის მიმართ და გვითხრეს, რომ შესაძლოა მმართველ წრეებში განიხილებოდეს საკითხი იმის შესახებ, რომ ქვეყანამ საერთოდაც გადახედოს მის მისწრაფებებს ევროკავშირში ინტეგრაციის თაობაზე.
ეს ძალიან სახიფათოა ჩვენი ქვეყნისთვის. ჩვენდა სამწუხაროდ, მოვისმინეთ დასავლეთის ხელმძღვანელების განცხადება, რომ ისინი საუბრობენ მოლდოვასა და უკრაინაზე და ჩვენ ამოვვარდით ამ ორ ქვეყანასთან ერთად ერთ კონტექსტში მაშინ, როდესაც წლების წინ პირიქით იყო, საქართველო იყო მოწინავე. ეს არის ძალიან მძიმე შედეგის მომტანი. ჩვენ არ უნდა დავრჩეთ ამ "ტრიოს“ მიღმა, ეს "ტრიო“ არ უნდა დაიშალოს და ერთნაირი გადაწყვეტილება უნდა მიიღონ სამივე ქვეყნის მიმართ. სხვა შემთხვევაში, ჩვენ ეს უკან დაგვხევს და სახიფათო ზღვრამდე მიგვიყვანს. მმართველმა პარტიამ უკვე დაგვიანონსა, რომ თუ უარი იქნება ან ევროკავშირის მხრიდან ისეთი მოთხოვნები, რაც მათთვის მიუღებელი იქნება, საერთოდ გადახედავენ ევროპულ მისწრაფებას.
არ ვიცი დარჩენილ დღეებში რამე თუ გამოასწორებს ვითარებას და ძალიან გულდასწყვეტია, რომ ის 2-3 თვე, რაც გვქონდა, ხელისუფლებამ არა თუ რაიმე გააკეთა, დააზიანა ჩვენი შანსები. თუ დასაწყისში ერთად განვიხილებოდით, გადაწყვეტილების ბოლო დღეებში საერთოდ ორი ქვეყანა განიხილება და ჩვენ ცალკე ვართ. იმ განცხადებებმა, რაც ბოლო დღეებში გაკეთდა, მათ შორის პრეზიდენტის მხრიდან არასათანადო და არასაკმარისმა გაბედულებამ გარკვეული საკითხების გასაპროტესტებლად, მიგვიყვანა იქამდე, რომ დღეს საერთოდ ცალკე განვიხილებით“, - განაცხადა ნინო ლომჯარიამ.
00:00 / 00:00
მკითხველის კომენტარები /
40 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს შენ "ამოვარდი" თორემ საქართველო თავის ადგილზეა!!!!
იმპიჩმენტი ქალბატონ დამცველს