მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ილონ მასკმა ბილ გეითსს "ტვიტერში" ვულგარულად დასცინა - ორი მაგნატის დაპირისპირება გრძელდება
15:00 / 06-06-2022
ილონ მასკსა და ბილ გეითსს შორის უთანხმოება სულ უფრო მძაფრდება. ახლახან Microsoft-ის დამფუძნებელმა ფრანგ "იუთუბერთან" ინტერვიუში, დაიცვა საკუთარი პოზიცია კლიმატის ცვლილებებთან ბრძოლაში და ილონ მასკი გააკრიტიკა.
"მე ბევრად მეტი გავიღე კლიმატის ცვლილების პრობლემასთან ბრძოლაში, ვიდრე მასკმა ან ვინმე სხვამ. საკმაოდ დიდ თანხებს ვდებ ამაში, კომპანიებსაც ვუმაგრებ ზურგს..." - განაცხადა გეითსმა და იქვე დასძინა აქციების გაყიდვა არც ბიზნესს შეაჩერებს და არც ვინმეს რაიმეს ავნებსო... .
"იუთუბერთან" გეითსმა ისიც განმარტა, თუ რატომ არ შეუერთდა მასკის, "ამაზონის" დამფუძნებელი ჯეფ ბეზოსის და რიჩარდ ბრანსონის "კოსმოსურ რბოლას" 2021 წელს, როგორც გეითსმა აღნიშნა, მას წითელასა და მალარიის მსგავსი დაავადებების არსებობა უფრო მეტად აწუხებდა.
შეგახსენებთ, მანამდე მასკმა გეითსი "ტვიტერში" გააშარჟა, გამოაქვეყნა რა მისი ფოტო ორსული მამაკაცის "ემოჯისთან" ერთად და ვულგარული წარწერაც დაურთო. ორ მაგნატს შორის გაუგებრობა რომ არსებობდა, ა.წ. აპრილში გახმაურდა. იმჟამად Twitter-ის მომხმარებელმა, რამდენიმე სქრინშოტი გაავრცელა, რომელზეც, სავარაუდოდ, Tesla-სა და SpaceX-ის მთავარი აღმასრულებელი დირექტორის, ილონ მასკისა და Microsoft-ის თანადამფუძნებლის - ბილ გეითსის მიმოწერა ჩანდა. ამ მიმოწერის თანახმად, გეითსმა მასკს ფილანთროპიის გზებზე ჰკითხა, მილიარდერმა კი მისწერა, რომ მისგან საუბარს სერიოზულად ვერ აღიქვამდა.
in case u need to lose a boner fast pic.twitter.com/fcHiaXKCJi
— Elon Musk (@elonmusk) April 23, 2022
"უკაცრავად, მაგრამ შენს ფილანთროპიას კლიმატის ცვლილებაზე სერიოზულად ვერ მივიღებ, როდესაც ასეთი სკეპტიკური პოზიცია გიჭირავს Tesla-ის მიმართ - კომპანიისადმი, რომელიც ყველაფერს აკეთებს კლიმატის ცვლილების პრობლემის გადასაჭრელად", - უპასუხა მასკმა გეითსს. მასკის უკმაყოფილება კი გამოწვეულია იმით, რომ გეითსმა აღიარა, რომ მან გაყიდა Tesla-ს ნახევარი მილიარდი დოლარის ღირებულების აქციები. ამის მოტივი კი გახდა მისი მოლოდინი, რომ კომპანიის აქციების ფასი მომავალში დაეცემოდა. ამგვარი ნაბიჯები კი, მით უმეტეს, როდესაც ბილ გეითსის მსგავს გავლენიან ადამიანზეა ლაპარაკი, სხვა ინვესტორებსაც უბიძგებს აქციების გაყიდვას, რაც ამ უკანასკნელის ფასს აიაფებს და კომპანიის საჯარო იმიჯსაც აზიანებს.
მოგვიანებით გამოქვეყნებული მომოწერის ავთენტურობა მასკმა დაადასტურა.
ამის შემდეგ ბილ გეითსი გამოეხმაურა მასკის მიერ "ტვიტერის" ყიდვას და განაცხადა, რომ მას ილონ მასკის ხელში Twitter-ის მომავალი აეჭვებდა, - მან პლატფორმას, შესაძლოა, უარესი დამართოსო.
"ტვიტერის" მომხმარებელთა ნაწილის აზრით, გეითსს ფარისევლად წარმოაჩენს ის ფაქტი, რომ იგი კლიმატის ცვლილებასთან ბრძოლას საჯაროდ უჭერს მხარს, თუმცა ამავდროულად, ელექტრომობილების კომპანიის მიმართ სკეპტიკური პოზიცია უჭირავს და Tesla-ს აქციებს ყიდის.
წყარო: businessinsider
მოამზადა ანა სიბოშვილმა
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვინ შეაჩერებს კლიმატის დამანგრეველ ცვლილებებს, საერთოდ შეუძლიათ რამე?!
ამათი დაპირისპირებაღა გვაკლდა, ისე ოლიგარქებიც თუ ამოჭამენ ერთმანეთს, დედამიწა ამოისუნთქავს