მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბიბილოვის კოზირი და ბერკეტი ახალი "პრეზიდენტის" წინააღმდეგ - რატომ უყურებენ ცხინვალში სკეპტიკურად ე.წ. რეფერენდუმს: "იმედია, გაგლოევი მაინც დააფასებს ჩვენს ბიჭებს"
19:46 / 19-05-2022
უკრაინის ომში კიდევ ორი ცხინვალელი დაიღუპა. ცხინვალის ე.წ. ოფიციალური საინფორმაციო სააგენტოს cominf.org-ის ცნობით, "სპეცოპერაციის მიმდინარეობისას, სამხედრო ვალის მოხდის დროს დაღუპული სამხედროები, 32 წლის აცამაზ ბესტაევი და 28 წლის აცამაზ ჯიოევი არიან".
ოსური მედია წერს, რომ უკრაინაში მიმდინარე ომს უკვე რამდენიმე ცხინვალელი მოხალისე შეეწირა, რაც ნამდვილად იძლევა განგაშის მიზეზს.
ცხინვალის ქუჩებში რუსეთის მხარდამჭერი აქციების კვალდაკვალ, ოსები სოციალურ ქსელებში წერენ, რომ თავის დროზე დიდი შეცდომა იყო ბიბილოვის პიარსვლა, რომ რეგიონის ტერიტორიაზე რუსეთის მიერ განთავსებული მე-4 სამხედრო ბაზისთვის ე.წ. არმია მიეერთებინა.
მათი თქმით, წლების განმავლობაში ადგილობრივები იქ კონტრაქტით მსახურობდნენ და უკრაინაზე თავდასხმამდე ეს მათთვის სტაბილური შემოსავლის წყარო იყო, თუმცა 24 თებერვლის შემდეგ, ბაზიდან ჯარისკაცებს რეგულარულად გზავნიან, უკან კი ცხედრები მოაქვთ...
ადგილობრივების შეფასებით, ბიბილოვი, რომელიც მხოლოდ თავისი ძალაუფლების გამყარებითა და შენარჩუნებით იყო დაკავებული, რეგიონს საკუთარი შეცდომებით არაერთ პრობლემას უქმნიდა. ზოგი მათგანი მაშინვე აისახა მოსახლეობაზე, ნაწილი კი თანდათან ვლინდება.
"უკვე მერამდენე მსხვერპლი გვყავს და არავინ იცის, წინ რა იქნება. ბიბილოვი რამდენიმე დღის წინ აპროტესტებდა და სიამაყით ამბობდა, ჩვენი ბიჭები ძალიან კარგად არიან მომზადებულები და დიახაც, წინა ხაზზე უნდა იბრძოდნენო... ასეა, როცა მისი შვილი არ იბრძვის იქ. რას ჰპირდება ხელმძღვანელობა დაღუპული ბიჭების მშობლებს, ოჯახს?.. იმედია, გაგლოევი უფრო დააფასებს ჩვენი სამხედროებისა და მოხალისეების სიცოცხლეს" - წერს ინტერნეტმომხმარებელი ზაირა ჯაბიევა.
ახლახან გავრცელდა ინფორმაცია, რომ ცხინვალელმა ჯარისკაცებმა ანატოლი ბიბილოვს უთხრეს, რომ ამ ომს რუსეთი წააგებს. ერთ-ერთმა რუსულმა გამოცემამ მათი საუბარი გაავრცელა, სადაც ოსი სამხედროები ე.წ. ყოფილ ლიდერს ფრონტზე არსებულ სიტუაციაზე, ხარვეზებზე, შეცდომებსა და პრობლემებზე უყვებოდნენ.
გაგლოევის მიმართ შედარებით დადებითი მოლოდინებია. მათ იმედს აძლევთ ციხეში მოკლული ახალგაზრდას, ინალ ჯაბიევის საქმის გარშემო განვითარებული პროცესები, რა დროსაც ბიბილოვმა ე.წ. ძალოვნებს ხელი გადააფარა, ოპოზიციაში მყოფმა გაგლოევმა კი, ოჯახის მხარე დაიჭირა, რეგიონის მოსახლეობა აამხედრა და ხალხის მხარდაჭერით, დამნაშავეების სამაგალითოდ დასჯა მოითხოვა. მალე მიზანს მიაღწია კიდეც - საქმის მთავარი ფიგურანტები დააკავეს.
ძნელია იმის პროგნოზი, რის შეცვლას ან ახალი ინიციატივების წამოწყებას შეეცდება რუსული უშიშროების სკოლა გამოვლილი გაგლოევი, რომელიც ბოლო ხანებში ოპოზიციაში იყო და ბიბილოვის წინააღმდეგ აქტიურად მოქმედებდა. ამიტომ, მოსახლეობის, მათ შორის ადგილობრივი ექსპერტების ნაწილი მიიჩნევს, რომ ბიბილოვის უკანასკნელ სპეცოპერაციად შეფასებული ე.წ. რეფერენდუმი, ყოფილი პრეზიდენტის მიერ ახლად არჩეულისთვის ახალი პრობლემების შექმნის მცდელობაა.
kavkaz-uzel.eu-სთან საუბარში, ბიბილოვის ყოფილი მრჩეველი სოსლან ჯუსოევი ამბობს, რომ ე.წ. სამხრეთ ოსეთის რუსეთთან შეერთების საკითხზე რეფერენდუმი შიდა პოლიტიკური დაპირისპირების გამოხატულებაა, რადგან ანატოლი ბიბილოვი სწორედ ამ ლოზუნგით მოვიდა პრეზიდენტის პოსტზე.
"თუმცა, ამ ხუთი წლის განმავლობაში არც ერთი წინგადადგმული ნაბიჯი არ ჰქონია. ეს ახალი განაცხადი, სხვა არაფერია თუ არა, ახალ პრეზიდენტზე ზეწოლის ბერკეტი - თუ გაგლოევი ძველი კადრების წინააღმდეგ გაილაშქრებს, ბიბილოვს მასზე ზეწოლის ბერკეტი ექნება, რომ მან ეს დიდებული საქმე წამოიწყო, თუმცა, უღირსმა მემკვიდრემ მისი დასრულება ვერ შეძლო. ამით მუდმივად ექნება დესტაბილიზაციის შექმნის საფრთხე" - ამბობს ჯუსოევი.
ადგილობრივი მიმომხილველის ზაურ ფარნიევის თქმით, რეფერენდუმი შესაძლოა, ბიბილოვის კოზირად იქცეს და მას გარკვეული პრივილეგიებით სარგებლობის შესაძლებლობა მიეცეს.
"შესაძლოა, ამ რეფერენდუმის დამსახურებით, თავად ბიბილოვი დაბრუნდეს პარლამენტში, თუნდაც სპიკერის პოზიციაზე. მაშინ, შეიძლება ეს რეფერენდუმი მას გარკვეული პოლიტიკური მიზნების მისაღწევადაც გამოადგეს. გააჩნია, რამდენად ადეკვატური იქნება გაგლოევი" -მიაჩნია ფარნიევს.
ასევე ნახეთ:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბიბილოვი იმიტომ გადააგდეს რუსებმა, რომ ,,მებრძოლი" 300 ოსი უკრაინიდან გამოიქცა, იდეურად ვერ მოამზადა ჯარისკაცები , ახლა ეს გაგლოევი გარეკავს ხალხს ომში, მაგისთვის დასვეს ,,პრეზიდენტის " სკამზე. ისევ გამოიქცევიან ოსები? კიდევ ახალ არჩენებს მოაწყობენ დას ა. შ.