"ჩვენ დროგამოშვებით ერთმანეთის სისხლს ვსვამთ... შეუძლია, გატეხილი შუშით მკერდი დაისეროს და მითხრას: "ჩემი სული წაიღე" - მეგან ფოქსი საყვარელ მამაკაცზე
მეგან ფოქსისა და Machine Gun Kelly-ს (იგივე რიჩარდ კოლსონ ბეიკერი) ნიშნობა მიმდინარე წლის იანვარში შედგა. ხელის თხოვნის ამბავი განსაკუთრებით რეზონანსული ერთი დეტალის გამო იყო. როგორც მსახიობმა თქვა, ნიშნობისას მათ "ერთმანეთის სისხლი დალიეს."
"მან ხელი მთხოვა, მე ვთქვი "დიახ".. და შემდეგ ჩვენ ერთმანეთის სისხლი დავლიეთ", - წერდა მეგანი "ინსტაგრამზე" გამოქვეყნებულ პოსტში.
ამჯერად, მეგან ფოქსმა ჟურნალ "გლამურს" მისცა ინტერვიუ და თავის საქმროსთან იდილიური ურთიერთობის საიდუმლოებაც გაამხილა: "დიახ, ჩვენ დროგამოშვებით ერთმანეთის სისხლს ვსვამთ. მხოლოდ რამდენიმე წვეთს და მხოლოდ რიტუალური მიზნებისთვის.
დიახ. შეიძლება ხალხმა სხვანაირად აღიქვას ერთმანეთის სისხლის დალევა და სისხლით სავსე თასებით ხელში წარმოგვიდგინოს, თითქოს "სამეფო კარის თამაშებში" ვიყოთ. მხოლოდ რამდენიმე წვეთს და მხოლოდ რიტუალური მიზნებით ვსვამთ ერთმანეთის სისხლს", - ამბობს ჰოლივუდის ვარსკვლავი და დასძენს, რომ რიტუალებს ახალ მთვარისა და სავსე მთვარის დღეებში ატარებენ.
მსახიობმა MGK-ს და მის ხასიათზეც ისაუბრა: "ის ბევრად უფრო ქაოსური და მოუსვენარია, ვიდრე მე, თანაც იმდენად, რომ შეუძლია, გატეხილი შუშით მკერდი დაისეროს და მითხრას: "ჩემი სული წაიღე". მეგანმა გაიცინა ამაზე და შემდეგ დაამატა - "არა, ზუსტად ასე არ მომხდარა, მაგრამ ძალიან ბევრჯერ გვქონია მსგავსი სიტუაცია".
წყარო: ew.com
- ნახეთ ასევე: "სისხლიანი ნიშნობა" - მეგან ფოქსი და რიჩარდ ბეიკერი დაინიშნენ: "მე ვთქვი "დიახ" და შემდეგ, ერთმანეთის სისხლი დავლიეთ"
მოამზადა: ანა სიბოშვილმა