"ნაციონალური მოძრაობის“ ხელვაჩაურის ორგანიზაციის თავმჯდომარის თქმით, პარტიის ოფისი გატეხილი დახვდათ
პარტიის ოფისი გატეხილი დაგვხვდა, წაღებულია მხოლოდ კომპიუტერი, - ამის შესახებ „ერთიანი ნაციონალური მოძრაობის“ ხელვაჩაურის ორგანიზაციის თავმჯდომარე მიშა ბოლქვაძემ "ინტერპრესნიუსს” განუცხადა.
მისი თქმით, ოფისში კომპიუტერის გვერდით, თანხა და სხვა ძვირფასი ნივთებიც იდო, თუმცა მიზანმიმართულად კომპიუტერი არის წაღებული.
მიშა ბოლქვაძის თქმით, შესაძლოა, მომხდარის უკან სუს-ი იდგეს.
"ხელისუფლებამ უნდა დაამტკიცოს, რომ ეს მათი დავალებით არ მომხდარა. მომხდარის გამო, მივმართეთ შინაგან საქმეთა სამინისტროს, რათა გამოძიება დაიწყო”,- აცხადებს მიშა ბოლქვაძე.