16
მაისიდღის ზოგადი ასტროლოგიური პროგნოზი
16 მარტს Hyundai Motor Company-მ გახსნა პირველი ქარხანა სამხრეთ-აღმოსავლეთ აზიაში - „Hyundai Motor Manufacturing Indonesia“. ქარხანა ინდონეზიაში, დელტამას ინდუსტრიულ კომპლექსში მდებარეობს, ციკარაგნთან ახლოს, დედაქალაქ ჯაკარტასგან აღმოსავლეთით, 40 კილომეტრში.
ქარხნის გახსნა განაპირობა ჰიუნდაის და ინდონეზიის მთავრობას შორის ურთიერთგაგების მემორანდუმის გაფორმებამ, რომელიც ეხებოდა ინდონეზიაში საწარმოს აშენებას, რომელიც გახდება ჰიუნდაის საწარმოო ცენტრი სამხრეთ-აღმოსავლეთ აზიის ბაზრისთვის. ჰიუნდაი გეგმავს დაახლოებით 1.55 მილიარდი ამერიკული დოლარის ინვესტიციას ქარხანაში, რის შედეგადაც წარმოების მოცულობა 250,000 ერთეულამდე გაიზრდება.
„ინდონეზია ჰიუნდაი მოტორის მობილობის სამომავლო სტრატეგიის საკვანძო ნაწილია. ეს ქარხანა ითამაშებს წამყვან როლს საავტომობილო ინდუსტრიაში და კონკრეტულად ელექტრო ავტომობილების სფეროში,“ თქვა ჩუნგმა, ჰიუნდაი მოტორის გუნდის აღმასრულებელმა თავმდჯომარემ. „ამასთანავე, ინდონეზიაში ელექტრო ავტომობილების წარმოების ხელშეწყობიის მიზნით, ჰიუნდაი ააშენებს ბატარეების მწარმოებელ ქარხანას. ეს შემდგომში დაეხმარება ინდონეზიას ითამაშოს მნიშვნელოვანი როლი მსოფლიო ასპარეზზე. ჩვენ ვიმედოვნებთ, რომ ჰიუნდაის მომავლის ტექნოლოგიები გახდება ინდონეზიასთან უფრო მტკიცე თანამშრომლობის საფუძველი.“
ჰიუნდაის ახალი ქარხანა აწარმოებს არამხოლოდ რეგიონისთვის სტრატეგიულ მოდელებს, როგორიცაა CRETA, არამედ კონკურენტუნარიან ელექტრო მანქანებს, როგორიცაა ბატარეაზე მომუშავე ელექტრო ავტომობილი IONIQ 5 და გააგრძელებს ინდონეზიაში ელექტრო ავტომობილების გაყიდვების მზარდ ტენდენციას, რაც ელექტრო მოდელებმა IONIQ5-მა და KONA-მ განაპირობა. ამ მოდელების გაყიდვები შეადგენდა ინდონეზიაში 2021 წელს გაყიდული ელექტრო ავტომობილების 87.3 პროცენტს.
ელექტრო ავტომობილების ეკოსისტემის გასაფართოებლად გარკვეულ ნაბიჯებს გადადგამს ინდონეზიის მთავრობაც. ერთ-ერთი ასეთი ნაბიჯი იქნება 130,000 სახელმწიფო ავტომობილის ელექტრო ავტომობილებით ჩანაცვლება 2030 წლამდე. ჰიუნდაი მოტორს სურს ხელი შეუწყოს აღნიშნულ პროცესს, რათა გააფართოვოს ელექტრო ავტომობილების ეკოსისტემა. გარდა ამისა, კომპანია მუშაობს LG Energy Solutions-თან ერთად, რათა შექმნას ბატარეების ქარხანა კარავანგში, ინდონეზიაში, რომლის დასრულება 2023 წლის პირველ ნახევარშია დაგეგმილი, ხოლო წარმოების დაწყება კი 2024 წელს იგეგმება.
R
