"ისტორიული ღამე ვერსალში - ევროკავშირის ლიდერებმა თქვეს "დიახ“ უკრაინის ევროინტეგრაციაზე"- ლიეტუვას პრეზიდენტი

10 მარტს, ვერსალში, ევროკავშირის ქვეყნების ლიდერები შეიკრიბნენ და უკრაინაში მიმდინარე ომის საკითხზე იმსჯელეს. უფრო სწორედ, სამიტზე განსახილველი საკითხი იქნება, თუ როგორ შეამცირონ რუსულ ენერგიაზე დამოკიდებულება და ასევე, როგორ გააძლიერონ უკრაინის პოლიტიკური და მორალური მხარდაჭერა. შეკრება ორდღიანია. შესაბამისად, მსოფლიო ლიდერები უკრაინის საკითხზე მსჯელობას დღესაც განაგრძობენ.ლიეტუვას პრეზიდენტი გიტანას ნაუსედა ვერსალში ევროკავშირის ლიდერების შეხვედრას ეხმაურება და აცხადებს, რომ გაერთიანება უკრაინის მისაღებად მზადაა. მისი თქმით, გმირი უკრაინელი ერი იმსახურებს იცოდეს, რომ მათ ევროკავშირში მიესალმებიან.

"ისტორიული ღამე ვერსალში. ხუთსაათიანი მწვავე დისკუსიის შემდეგ ევროკავშირის ლიდერებმა თქვეს "დიახ“ უკრაინის ევროინტეგრაციაზე. პროცედურა დაიწყო. ახლა ჩვენი და უკრაინელების გადასაწყვეტია, რომ ეს სწრაფად განხორციელდეს. გმირი უკრაინელი ერი იმსახურებს იცოდეს, რომ მათ ევროკავშირში მივესალმებით“, - განაცხადა გიტანას ნაუსედა.

ამ სამიტამდე საფრანგეთის პრეზიდენტმა ემანუელ მაკრონმა განაცხადა, - შეგვიძლია თუ არა გავხსნათ გაწევრიანების პროცესი იმ ქვეყანასთან, რომელიც საომარ მდგომარეობაშია? მე ასე არ ვფიქრობო... მაგრამ, როგორც ჩანს, ევროკავშირს მოუწევს ამ ისტორიულ სამიტზე ისტორიული გადაწყვეტილებების მიღება.

იხილეთ ასევე:

• "სანქციები რომ საკმარისი ყოფილიყო, თავდასხმა უკვე შეწყვეტილი იქნებოდა... მოგიწევთ კიდევ უფრო მეტის გაკეთება პოლონეთის, მოლდოვას, საქართველოს დასაცავად" - ვოლოდიმირ ზელენსკი
• "უკრაინა ეკუთვნის ევროპულ ოჯახს" - რა განცხადებას ავრცელებს ევროკავშირის საბჭო