მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთთან სავიზო რეჟიმის ცალმხრივად გაუქმება შეცდომა იყო... ნამდვილად არის საფრთხე, რომ რუსეთიდან შემოსულებს არაერთი აგენტი შემოჰყვეს" - ექსპერტი
12:52 / 07-03-2022
რუსეთს ბლიცკრიგი არ გამოუვიდა, უკრაინა თავგანწირვით იბრძვის და მიწის თითოეულ გოჯს გააფთრებით იცავს. ქვეყნის ოფიციალური უწყებების ცნობით, ომს უკვე შეეწირა 11 000 რუსი ჯარისკაცი. მსხვერპლია უკრაინის არმიასა და მშვიდობიან მოსახლეობაშიც. ბოლო მონაცემებით, გარდაცვლილია 28 ბავშვი. რუსეთს მსოფლიომ მართლაც არნახული ეკონომიკური სანქციები დაუწესა. უდიდესმა უცხოურმა კომპანიებმა, მათ შორის - ტექნოლოგიურმა, უკვე შეწყვიტეს რუსეთში მუშაობა. სანქციები დაუწესდათ ქვეყნის პოლიტიკური თუ ბიზნესელიტის წარმომადგენლებს, ბანკებს, ენერგეტიკულ კომპანიებს. რუსული რუბლი კატასტროფულად უფასურდება. კრემლი საკუთარი მოსახლეობის სრულ იზოლაციაში მოქცევას ცდილობს. მიიღეს კანონი, რომლის თანახმად, რუსეთში „ცრუ ინფორმაციის” გავრცელებისთვის ჟურნალისტებს 15 წლით თავისუფლების აღკვეთა ემუქრებათ. ამის შემდეგ მაუწყებლობა შეაჩერა თითქმის ყველა დამოუკიდებელმა და საერთაშორისო მედიაორგანიზაციამ. უკრაინამ ევროკავშირში დაჩქარებული გაწევრებისთვის განაცხადი შეიტანა. მას მიჰბაძეს საქართველომ და მოლდოვამ. როგორ დასრულდება პროცესი, რთული სათქმელია. რუსეთ-უკრაინის ომსა და მის თანმდევ მოვლენებზე ექსპერტი სანდრო თვალჭრელიძე გაზეთ "კვირის პალიტრასთან" საუბრობს. გთავაზობთ ფრაგმენტს ინტერვიუდან:
- ნება მომეცით, უპირველესად ვთქვა, რომ აღმაშფოთებელია და თანამედროვე მსოფლიოსთვის სრულიად მიუღებელი ის აგრესია, რასაც რუსეთი დამოუკიდებელი უკრაინის წინააღმდეგ იჩენს. 10 დღეზე მეტი გავიდა ომის დაწყებიდან და ბევრი რამის შეფასება უკვე შეგვიძლია.
აშკარაა, რომ პუტინს თავისი "გენიალური" სტრატეგების ექსპერტიზის საფუძველზე ეგონა, ადვილად გაისეირნებდა უკრაინაში, მაგრამ მისთვის საუბედუროდ და მთელი მსოფლიოს სასიხარულოდ, უკრაინამ გამოავლინა გაუგონარი გმირობა და ამაში უზარმაზარია ვოლოდიმირ ზელენსკის როლი, რომელიც სამ დღეში სუსტი პრეზიდენტიდან მსოფლიო დონის ლიდერად და გმირად გადაიქცა. ერი შეკრულია, უკან დახევაზე არავინ ფიქრობს, ჩვენ ყოველდღიურად პირდაპირ ეთერში ვხედავთ გმირობის საოცარ მაგალითებს, როდესაც ხალხი შიშველი ხელებით უკან ახევინებს ოკუპანტებს. ოდესაში მოხალისეებისგან ქალაქის დასაცავად ბრიგადა შეიქმნა. ქვეყნიდან წასული უკრაინელები საბრძოლველად სამშობლოში ბრუნდებიან.
ასევე ვხედავთ რუსეთის უუნარობას სამხედრო თვალსაზრისით. მათ უკრაინის არმიაზე თითქმის ხუთჯერ მეტი შესაძლებლობები ჰქონდათ, მაგრამ ეს უპირატესობა გამქრალია... მათი სტრატეგია არის ერთფეროვანი, რითაც მნიშვნელოვანს ვერაფერს აკეთებენ. აშკარად ჩანს, რომ ელევათ ზუსტი დამიზნების რაკეტები, საკვები, საწვავი და ეს სულ 11 დღეში! უნდა მოესმინათ გენშტაბის უფროსის ყოფილი მოადგილისთვის, როცა ის ამბობდა, რომ რუსეთი ამ ძალებით უკრაინას ვერ მოერეოდა. უკვე იმასაც კი ამბობენ, რომ პუტინი საყოველთაო მობილიზაციას გამოაცხადებს. პუტინის პანიკა იმითაც მჟღავნდება, რომ რუსეთში საინფორმაციო წყაროები, სოციალური ქსელები დაკეტეს. შეჩერებულია საერთაშორისო ფრენა. შიგნიდან კეტავს ქვეყანას, რომ ხალხი არ გაიქცეს. სრული უუნარობა გამოიჩინა სამხედრო დაზვერვამ, არ გამართლდა პროგნოზი, რომ უკრაინელები რუსეთის არმიას სიხარულით შეეგებებოდნენ... რუსი ჯარისკაცების ქმედებაში სტრატეგია არ ჩანს, მეტიც, ისეთი შთაბეჭდილება მრჩება, რომ მათ ომისა არაფერი გაეგებათ. მათი სტრატეგიული შეფასებაც, რა მოხდებოდა მსოფლიოში ომის დაწყების შემთხვევაში, აბსოლუტურად მცდარი გამოდგა. არავინ ელოდა ასეთ სანქციებს, რაც ლავროვმაც აღიარა. არც სეჩინი, არც ტიმჩენკო, არც უსმანოვი თავიანთ იახტებს ევროპაში არ დატოვებდნენ, ასეთი სანქციების მოლოდინი რომ ჰქონოდათ. მარტო ამ სამ ოლიგარქს 2 მილიარდის ქონება წაართვეს.
საინტერესოდ იქცევა აბრამოვიჩი - ის ყიდის "ჩელსის" და ამბობს, რომ მთელ ფულს უკრაინას გადაურიცხავს. ერთ-ერთმა გავლენიანმა რუსმა ბიზნესმენმა ოლეგ დერიპასკამ, რომელიც კა-გე-ბეს გენერალი და პუტინის მარჯვენა ხელია ევროპასთან ფინანსური კავშირის თვალსაზრისით, თქვა, ომი დამღუპველია და მალე რუსეთში დაახლოებით ისეთი მასშტაბის ეკონომიკური კრიზისი დაიწყება, 1998 წლის კრიზისი სამზე რომ გავამრავლოთო.
ჩიპებს ვერ ყიდულობენ, არადა, საფრენი აპარატები, რაკეტები ტაილანდურ ჩიპებზე იგება, ამიტომაც მოუწევთ მათი წარმოების შეწყვეტა. თვითმფრინავებს, რომლებიც რუსებს ლიზინგით აქვთ, უცხოური კომპანიები უკან ითხოვენ. რა თქმა უნდა, არ დააბრუნებენ, ამიტომაც მათი საერთაშორისო ფრენები შეწყვეტილია და როგორც კი რომელიმე ასეთი თვითმფრინავი უცხოეთში დაჯდება, მას დააყადაღებენ. ორიოდე თვეში რუსეთში თვითმფრინავი ვეღარ აფრინდება. მოგეხსენებათ, მათ მუდმივი მოვლა სჭირდება, "ბოინგმა" და "აერბუსმა" კი რუსეთში პროფილაქტიკური ოფისები დაკეტეს. ეგ კი არა, მალე "ჟიგულისაც" ვეღარ აწარმოებენ, რადგან ძალიან ბევრი ნაწილი უცხოეთიდან შეჰქონდათ. მოკლედ, მოუწევთ ურმებზე გადასხდომა. რუსი ექსპერტებისვე თქმით, უცხოური ტექნოლოგიების გარეშე ცოტა ხანში მტვერსასრუტსაც კი ვერ ააწყობენ. გააგრძელეთ კითხვა
მკითხველის კომენტარები /
60 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასაცილო ხომ არაა დღევანდელი პრობლემები წინა ხელისუფლებას ვაბრალოთ,რომელიც 10 წლის წინ შეიცვალა. მთავრობა არ გვყავს, თუ პასტა და ფურცელი არ გაგვაჩნია. შემოიღონ სავიზო რეჟიმი.
თბილისთან რუსის ტანკის ღრენა იმას არ ნიშნავს, რომ რუსი საქმეს არ გაიადვილებს (მითუმეტეს ახლანდელი დანაკარგების ფონზე). კიევში 6000 დივერსანტი გააუვნებლეს, რომლებიც იქ 1 წლის წინ ჩავიდნენ და სამოქალაქო ცხოვპებას ეწეოდნენ. არადა კიევის აღებას პუტლერი ერთ დღეში აპირებდა, მაგრამ დივერსანტები მაინც გააგზავნა (საქმის გაადვილებაზე უარს არავინ ამბობს). ამიტომ დივერსანტების ამბავი საყურადღებოა. და აქ გამორბიან კიარა თავიანთი მანიაკი პრეზიდენტი შეაჩერონ! ამათ პირადი კეთილდღეობის დათმობა არ უნდათ და ამის გამო ჩვენ მუდმივ საფრთხეში უნდა ვიყოთ, თორემ პუტლერი ურდოს რომ მოგვიქსევს, აქედანაც ისევე გაიქცევიან, როგორც აქ ჩამორბიან. შეცვალონ თავიანთი ქვეყანა! ადვილი არც ჩვენთვის ყოფილა, ტყვიები, რეზინის ტყვიები და არაადამიანური მოპყრობა ვის უყვარს? მაგრამ გავაკეთეთ ის, რაც გვევალებოდა. მათაც გააკეთონ ის, რაც ევალებათ, რადგან სხვა ამას არ გააკეთებს.