მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მწვრთნელს, რომელიც ფეხბურთელ გოგონებს სექსუალურად ავიწროებდა, რამდენიმე ათასის გადახდა მოუწევს" - უპრეცედენტო საქმე მოსარჩელეების სასარგებლოდ დასრულდა
19:52 / 18-02-2022
დღეს დასრულდა პროცესი, რომელიც წელიწადნახევრის განმავლობაში მიმდინარეობდა. სასამართლომ გადაწყვეტილება მოსარჩელეების სასარგებლოდ გამოიტანა. დავა ეხებოდა სექსუალური ხასიათის შევიწროებას, რასაც გოგონათა საფეხბურთო კლუბ "ნიკეს" მამაკაცი მწვრთნელი არასრულწლოვანი სპორტსმენების მიმართ ახორციელებდა.
გოგონათა ინტერესებს სასამართლოში ორგანიზაცია "პარტნიორობა ადამიანის უფლებებისთვის" იცავდა.
AMBEBI.GE ორგანიზაციის ხელმძღვანელს ანა აბაშიძეს დაუკავშირდა:
"საქმე ეხება გოგონათა საფეხბურთო კლუბის მწვრთნელ მამაკაცს, რომელიც სპორტსმენ გოგონათა თქმით, მათ სექსუალურად ავიწროვებდა. საუბარია არასრულწლოვან ათლეტ გოგონებზე. ჩვენ მოგვმართეს ამ ბავშვებმა, დავრწმუნდით, რომ მართლაც იყო პრობლემა და მივმართეთ სასამართლოს. მოთხოვნა იყო შემდეგი: გოგონათა მიმართ მწვრთნელის მხრიდან ჩადენილი სექსუალური ხასიათის შევიწროება, როგორც დისკრიმინაციის ერთ-ერთი ფორმა, სასამართლოს ეღიარებინა, ანუ ფაქტი დაედგინა და თუ ეს მოხდებოდა, ამის საფუძველზე მწვრთნელს მორალური ზიანი აენაზღაურებინა. გამოკვლეულ იქნა არაერთი მტკიცებულება, მიმოწერები, მოწმეთა ჩვენებები, აუდიო და ვიდეო მტკიცებულებები...
ეს პროცესი წელიწადნახევარი მიდიოდა, ბევრი ხანგრძლივი პროცესი ჩატარდა და საკმაოდ ინტენსიური საქმე იყო ამ თვალსაზრისით. ყველაზე საინტერესო ის იყო, რომ მოსამართლეს მოუწია ემსჯელა პირველად საქართველოს მართლმსაჯულების ისტორიაში, სპორტში გოგონათა მიმართ სექსუალური შევიწროების საკითხზე, ამავდროულად, ეს გოგონები იყვნენ არასრულწლოვნები. მტკიცებულებათა ერთობლიობით, რომელიც საკმაოდ მრავალფეროვანი იყო, სასამართლო მივიდა იმ დასკვნამდე, რომ მწვრთნელმა ნამდვილად შეავიწროვა სექსუალურად არასრულწლოვანი გოგონები - იყო სექსუალური სახის შეურაცხყოფები, გინება, ყვირილი, სექსუალური შინაარსის ვარჯიშების მოთხოვნა, დამცირება, ფიზიკურობაზე დაცინვა, შუაღამით დარეკვები და ა.შ.
ასევე გამოიკითხნენ გუნდის არამოსარჩელე წევრები, რომლებიც კლუბში სხვადასხვა დროს თამაშობდნენ. ერთი სიტყვით, არა ერთი ფაქტი იყო ასეთი, რაც მიანიშნებდა იმაზე, რომ ეს იყო სექსუალური ხასიათის შევიწროება, რაც დაუშვებელია. ამის საფუძველზე, რა თქმა უნდა, მოვითხოვეთ მწვრთნელისთვის მორალური ზიანის დაკისრება, რაც სრულად დაკმაყოფილდა.
სასამართლოს გადაწყვეტილების თანახმად, კლუბის მწვრთნელს რამდენიმე ათასი ლარის გადახდა მოუწევს. ეს ადამიანი დღემდე აგრძელებს მუშაობას და ჩვენი შემდგომი ღონისძიება ის იქნება, რომ ამ სასამართლოს გადაწყვეტილების საფუძველზე ასევე განვიხილავთ საკითხს, როგორი დისციპლინური სანქციები შეიძლება იყოს გამოყენებული სექსუალურად შემავიწროვებელი მწვრთნელის მიმართ. რა თქმა უნდა, ამ კუთხითაც დავიწყებთ დავას, თუ კი მოსარჩელეების სურვილი იქნება. თუმცა აქ გასათვალისწინებელია ის, რომ დიდი ალბათობით, მოწინააღმდეგე ამ გადაწყვეტილებას სააპელაციო სასამართლოში გაასაჩივრებს. დისციპლინურ თემასთან დაკავშირებით, ფეხბურთის ფედერაციაში ალბათ მას მერე ვიმსჯელებთ, რაც ეს გადაწყვეტილება კანონიერ ძალაში შევა.
მწვრთნელი წელიწადნახევრის განმავლობაში საუბრობდა ამ და სხვა საკითხებზე და ამბობდა, რომ ბრალდება უსაფუძვლო და არაარგუმენტირებული იყო. რა თქმა უნდა, მოსამართლემ მისი პასუხები არ გაითვალისწინა. სხვათა შორის, რამდენიმე ასეთი ეპიზოდი, როგორიცაა აგრესიული მიმართვა, გინება და ა.შ. თავად მხარემ აღიარა პროცესზე და აღნიშნა, რომ "ეს არის საფეხბურთო ცხოვრების ნაწილი".
ჩვენი მიზანი ზუსტად ის არის, ყველამ ვაღიაროთ, რომ ჩვენს ქვეყანაში ქალთა უფლებები დაცული უნდა იყოს და გამონაკლისი არც სპორტია. ეს გადაწყვეტილება და დაკმაყოფილებული საქმეები ზუსტად იმის წინაპირობაა, რომ დაიწყება ამ სფეროს გაჯანსაღება და ათლეტი ქალებისთვის უსაფრთხო გარემო შეიქმნება" - აღნიშნა ანა აბაშიძემ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზურა, შე, "ჭკვიანო", შენი ღრმა ლოგიკით, მკვლელობის შემთხვევაშიც მკვლელი არ დავიჭიროთ, ხომ? გარდაცვლილი მაინც ვერ გაცოცხლდება..
მიზანი ისაა, რომ ყველას ეცოდინება და მისი რეპუტაცია შეილახა სამართლიანად, ასევე სხვა დაზარლებულსაც არ შეეშინდება თქვას და მოძალადეები იფრთხილებენ, რომ არ გახმაურდეს და წესიერად მოიქცევიან! გაიგე ახლა?