მოშიშვლებული მუცელი და უჩვეულო სტილი - რიანა ორსულებისთვის ახალ ტრენდს ამკვიდრებს (ფოტოები)

მას შემდეგ, რაც რიანამ ორსულობის ამბავი გაამხილა, მომღერალს საზოგადოების თვალისგან შიშველი მუცელი აღარ დაუმალავს.

თავდაპირველად ბარბადოსელი მომღერალი ორსულობას მალავდა და მედიაში გავრცელებულ ინფორმაციაზე პასუხის გაცემას თავს არიდებდა.

რიანა რეპერსა და პროდიუსერს A$AP Rocky-ს ხვდება. წყვილი ერთმანეთს ათწლეულზე მეტია იცნობს, მაგრამ რომანტიკულ ურთიერთობაში 2020 წლიდან არიან.

მომღერალმა ახლახანს განაცხადა, რომ როცა მისი პატარა ქვეყანას მოევლინება, ის და მისი რეპერი საქმრო იქორწინებენ.

წყაროს ცნობით ქორწილი ბარბადოსზე გაიმართება. როგორც რირის, ასევე ასაფ როკის ოჯახები აქ ცხოვრობენ და ამას გარდა, სწორედ ბარბადოსმა განაპირობა მათი დაახლოვება.

ამიტომ მათ გულებში ამ კუნძულს განსაკუთრებული ადგილი უკავია.

33 წლის მომღერალმა 1 თვის წინ გაამხილა, რომ ის და A$AP Rocky ბავშვს ელოდებოდნენ. რიანა ზამთარსა და ნიუ იორკულ სუსხს არ უშინდება და ქუჩაში, პაპარაცების წინ, მოშიშვლებული მუცლით ჩნდება.

გარკვეულწილად, შეგვიძლია ვთქვათ, რომ მან ორსული ქალებისთვის ახალი ტრენდი დაამკვიდრა.

მოამზადა ანა სიბოშვილმა