მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ახალი გაკვეთილი არის ახალი თავგადასავალი, ახალი შესაძლებლობა, შექმნა, განავითარო და დაინახო შენი შრომის შედეგი!“ - შიდა ქართლის რეგიონის დაწყებით საფეხურზე მათემატიკის საუკეთესო მასწავლებელი
16:52 / 10-02-2022
დალი პაპუაშვილი, გორის მუნიციპალიტეტის სოფელ ახალდაბის საჯარო სკოლის მასწავლებელი, შიდა ქართლის რეგიონის დაწყებითი განათლების მათემატიკის საუკეთესო მასწავლებელია. როგორც თავად ამბობს, მასწავლებელთა აღიარების რეგიონულმა კონკურსმა მას განსაკუთრებული სიხარულის განცდა მოუტანა. მისი ეს გამარჯვება სტიმული გახდა კოლეგებისთვისაც. USAID-ის საბაზისო განათლების პროგრამის ეგიდით, გასულ წელს, წიგნიერებისა და მათემატიკის მიმართულებით „მასწავლებელთა აღიარების რეგიონული კონკურსი“ ჩატარდა. პირველი სამი რეგიონის – კახეთის, შიდა ქართლისა და იმერეთის საუკეთესო მასწავლებლების გამოსავლენად პროგრამას ფინანსური მხარდაჭერა გუდავაძე-პატარკაციშვილის ფონდმა გაუწია. საქართველოში მოქმედი USAID-ის საბაზისო განათლების პროგრამის მთავარი მიზანი სწორედ საგანმანათლებლო რეფორმების
მხარდაჭერა და დაწყებით საფეხურზე მოსწავლეთა მიღწევების გაუმჯობესების ხელშეწყობაა.
რატომ გადაწყვიტა მასწავლებლობა, რას ნიშნავს პედაგოგებისთვის ასეთი ტიპის კონკურსები და რას ურჩევს შიდა ქართლის რეგიონის საუკეთესო მასწავლებელი დამწყებ პედაგოგებს, კოლეგებს? - ინტერვიუ დალი პაპუაშვილთან.
- თქვენ ხართ მასწავლებელთა აღიარების რეგიონული კონკურსის გამარჯვებული, რას ნიშნავს თქვენთვის ამ ტიტულის ტარება?
- ჩემთვის მასწავლებელთა აღიარების რეგიონულ კონკურსში გამარჯვება არის ძალიან დიდი პატივი. ამ ტიტულის ტარება პასუხისმგებლობას მაკისრებს საკუთარი თავის, ჩემი მოსწავლეების, კოლეგებისა და ამ კონკურსის ორგანიზატორების მიმართ, რათა გავამართლო მათი ნდობა. ეს ტიტული არ მაძლევს უფლებას მოვდუნდე და დავკმაყოფილდე ჩემი მიღწევით. ეს არის პასუხისმგებლობა, რომ ვიყო აქტიური, ფეხდაფეხ მივყვე ყველა სიახლეს და მუდმივად ვიზრუნო პროფესიულ განვითარებაზე, ასევე მოსწავლეთა აქტიურ ჩართულობაზე
სასწავლო პროცესში. ხელი შევუწყო მათი უნარების გამოვლენას და რეალიზებას. მოვიპოვო მათი ნდობა და ვიზრუნო მათ აკადემიურ, შემოქმედებით და პიროვნულ ზრდა- განვითარებაზე.
- რა მოგიტანათ კონკურსმა და რა შეიცვალა თქვენთვის, როგორც პედაგოგისთვის?
- კონკურსმა მომიტანა საოცარი განცდა: სიხარული და სიამაყე, რადგან დადებითად შეაფასეს ჩემი საქმიანობა და ვარ ამ კონკურსის გამარჯვებული; ასევე საკუთარი თავის რწმენა და თავდაჯერებულობა, რომ ჩემი პროფესია არის ძალიან მნიშვნელოვანი და საინტერესო, რომ რასაც ვაკეთებ არის სწორი. კონკურში გამარჯვება ჩემთვის არის მოტივაცია, რომ გავხდე კიდევ უფრო უკეთესი და რჩეული. ჩემი წარმატება არის ასევე სტიმული ჩემი კოლეგებისათვის.კონკურსში გამარჯვების შემდეგ მივიღე კიდევ უფრო მეტი ყურადღება და პატივისცემა ჩემი მოსწავლეებისგან, მშობლებისგან, კოლეგებისა და საზოგადოებისგან.ამ სიხარულისა და სასიამოვნო განცდისთვის დიდ მადლობას მოვახსენებ კონკურსის ორგანიზატორებსა და ჟიურის წევრებს, რადგან მათ ერთხელ კიდევ დამანახეს მასწავლებლობა არის პროფესია, სადაც შესაძლებელია წინსვლა და წარმატება, რომელსაც საზოგადოება აფასებს.
- რა იყო მთავარი მოტივი, რის გამოც მიიღეთ ამ კონკურსში მონაწილეობის გადაწყვეტილება?
- მასწავლებლის პროფესია ერთ-ერთი საპასუხისმგებლო და რთული პროფესიაა, რომელიც დიდ ენერგიასა და ძალისხმევას მოითხოვს. მასწავლებელს არ უნდა აშინებდეს სიახლეები და ის გამოწვევები, რომელიც მისი განვითარებისა და წინსვლის ერთ-ერთი მთავარი პირობაა. ვცდილობ თამამად შევხვდე ამ გამოწვევებსა და ინოვაციებს, ვზრუნავ ჩემს პროფესიულ განვითარებაზე, ვისმენ სხვადასხვა ტრენინგებს, ახალ მიდგომებსა და მეთოდებს ვნერგავ სასწავლო პროცესში. როდესაც ახალს ნერგავ პრაქტიკაში, გინდა ვიღაცას გაუზიარო, რათა შეგიფასოს რამდენად სწორად გამოგივიდა. ეს კონკურსი ჩემთვის იყო საუკეთესო საშუალება საკუთარი საქმიანობის და პრაქტიკის შეფასების. კონკურსის გამოცხადების შემდეგ გადავწყვიტე მონაწილეობის მიღება კონკურსში, რათა მომესინჯა და გამომეცადა საკუთარი შესაძლებლობები.
- როდის და რატომ გადაწყვიტეთ პედაგოგობა?
- ჯერ კიდევ სკოლაში სწავლის დროს მსურდა, რომ სკოლის დამთავრების შემდეგ პედაგოგის პროფესია ამერჩია. ეს სურვილი გამიძლიერა ბავშვების სიყვარულმა და მათმა ამოუცნობმა სუფთა სამყარომ. გადავწყვიტე ამომეცნო ეს სამყარო და ჩემი წვლილი შემეტანა მათი პიროვნებად ჩამოყალიბების პროცესში. ჩემი სურვილი მიზანდასახული იყო და გადავწყვიტე რეალობად მექცია. ძალიან კმაყოფილი ვარ ჩემი გადაწყვეტილების, ვინაიდან იმაზე საინტერესო აღმოჩნდა, ვიდრე ვფიქრობდი ჩემი სასწაული, უნიკალური და საყვარელი მოსწავლეების წყალობით.
- რას ურჩევდით დამწყებ პედაგოგებს?
- დამწყებ პედაგოგებს მინდა ვურჩიო, რომ უყვარდეთ მასწავლებლის პროფესია და საკუთარი საგანი. მუდმივად ზრუნავდნენ ცოდნის ამაღლებასა და პროფესიულ განვითარებაზე. იყვნენ შრომისმოყვარენი, ინოვატორები და არ შეუშინდნენ სიახლეების დანერგვას პრაქტიკაში. ჰქონდეთ რწმენა საკუთარი შესაძლებლობებისა. იყვნენ თავდაჯერებულები, სწამდეთ რომ რასაც აკეთებენ არის საუკეთესო. რაც ყველაზე მთავარია, უანგაროდ უყვარდეთ ბავშვები- მოსწავლეები სწორედ ისეთები, როგორებიც არიან: დადებითი და უარყოფითი, ძლიერი და სუსტი მხარეებით. მოიპოვონ მათი ნდობა და აგრძნობინონ მხარდაჭერა. იყვნენ მათთვის მოდელები და მისაბაძები, მუდმივად ზრუნავდნენ მათი მოტივაციის ამაღლებაზე.ყოველივე ეს კი მოუტანს მათ სიხარულს, წარმატებას და წინსვლას პროფესიული განვითარების საპასუხისმგებლო გზაზე.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
