"ჩრდილოეთ კორეის მიერ გასროლილი ჭურვი ჰიპერბგერითი რაკეტაა და მან მიზანს წარმატებით მიაღწია" - ჩრდილოეთ კორეის მედია
ჩრდილოეთ კორეის ახალი ამბების ცენტრალური სააგენტო აცხადებს, რომ ოფიციალური ფხენიანის მიერ ოთხშაბათს გასროლილი ჭურვი ჰიპერბგერითი რაკეტაა. სააგენტოს ცნობით, რაკეტის სამიზნე 700 კილომეტრის მანძილზე მდებარეობდა და მან ობიექტამდე წარმატებით მიაღწია. ახალი ამბების ცენტრალური სააგენტოს ინფორმაცით, მსგავსი ტიპის რაკეტა ქვეყანაში უკვე მეორედ გამოსცადეს და ჩრდილოეთ კორეის სამხედრო შესაძლებლობების გაზრდას ისახავს მიზნად.
გამოცემა Reuters წერს, რომ ჰიპერბგერითი რაკეტები ბალისტიკურ ჭურვებთან შედარებით 5-ჯერ უფრო სწრაფია და 1 საათში 6 200 კილომეტრის დაფარვა შეუძლია.