ფოტოებზე აღბეჭდილი ერთი წელი - 2021-ის ყველაზე მნიშვნელოვანი კადრები
2021 წელი მიიწურა. კორონავირუსის პანდემიის გათვალისწინებით, მთელი მსოფლიოსთვის ეს კიდევ ერთი, საკმაოდ რთული წელი იყო, "ლოქდაუნით", ვაქცინაციით და სხვა არაერთი გამოწვევით სავსე.
თუმცა იყო სასიამოვნო და პოზიტიური, იმედისმომცემი მოვლენებიც.
ვნახოთ ფოტოებზე აღბეჭდილი ერთი წელი - მნიშვნელოვანი მოვლენები, რომლებიც ფოტოგრაფებმა აღბეჭდეს.
აშშ-ის საპრეზიდენტო არჩევნების შედეგების გასაპროტესტებლად დონალდ ტრამპის მხარდამჭერების აშშ-ის კაპიტოლიუმში შეჭრა. 6 იანვარი
ჯო ბაიდენი კაპიტოლიუმში საპრეზიდენტო ფიცს დებს. 20 იანვარი
სოლსბერის ტაძარში ვაქცინაციის მომლოდინე პაციენტები. ინგლისი. 11 თებერვალი
ფარგრადასფიელის ვულკანი, რომელიც ისლანდიის დედაქალაქ რეიკიავიკთან მდებარეობს. ვულკანმა მარტში დაიწყო ამოფრქვევა. ეს პირველი ამოფრქვევა იყო ბოლო 800 წლის განმავლობაში.
დედოფალი ელისაბედ II მეუღლის, ედინბურგის ჰერცოგ ფილიპის დაკრძალვაზე უინძორის სასსახლეში. 17 აპრილი
3 მაისს მეხიკოში ესტაკადაზე გადმოკიდებული მატარებლის ვაგონები. ესტაკადა ჩამოინგრა და 20-ზე მეტი ადამიანი დაიღუპა.
12 მაისი, ღაზა - ისრაელის საჰაერო თავდასხმის შედეგად, ძლიერი კვამლი და ცეცხლი ამოდის ალ-შარუკის კოშკიდან.
ეთიოპიის დაჭრილი მკვიდრი. 22 ივნისის საჰაერო თავდასხმის ათობით მსხვერპლთაგან ერთ-ერთი.
ასობით ავღანელი აშშ-ს სამხედრო სატვირთო თვითმფრინავის ბორტზე ასვლას ცდილობს. აგვისტოში თალიბების მიერ ქვეყნის დაპყრობის შემდეგ ქაბულიდან გაქცევა სურდათ.
გიგანტურმა პანდამ, სუ შანმა აგვისტოში ჩინეთში, სიჩუანის პროვინციაში, ვოლონგის ეროვნულ ნაკრძალში ორი ბელი გააჩინა.
მომაკვდავი ობოლი გორილა ნდაკაზი, მისი მომვლელის, ანდრე ბაუმას მკლავებში წევს.კონგოს დემოკრატიული რესპუბლიკა, 21 სექტემბერი
გერმანიის ყოფილი კანცლერი ანგელა მერკელი თუთიყუშებთან ერთად. მარლოუ, გერმანია. 23 სექტემბერი
ინსტალაცია სახელწოდებით Together, ლორენცო ქუინის მიერაა შესრულებული და გიზას დიდ პირამიდასთან ახლოს, ქაიროში, 2021 წლის ოქტომბერში გამოიფინა.
აშშ-ში, კენტუკიში მომხდარი ტორნადოს შედეგად დაზიანებული სახლი. ოფიციალური პირების განცხადებით, ეს იყო ყველაზე დამანგრეველი ტორნადო კენტუკის ისტორიაში და მას 70-ზე მეტი ადამიანი ემსხვერპლა. 2021 წლის დეკემბერი
