TOP 5 რჩევა მომავალ პატარძლებს - როგორ მოვემზადოთ ცხოვრების ყველაზე მნიშვნელოვანი დღისთვის

ქორწილი - განსაკუთრებული მოვლენაა ქალის ცხოვრებაში. პატარძლობაზე ფიქრს გოგოები ადრეული ასაკიდანვე იწყებენ. ოცნებობენ ლამაზ საქორწილო კაბაზე, ათვალიერებენ ვარცხნილობების, მაკიაჟის და საქორწინო აქსესუარების ფოტოებს და ამ საოცარ დღეს გონებაში ათასნაირად წარმოიდგენენ. ქორწილის დღეს ყველა პატარძალი განსაკუთრებულად ლამაზად უნდა გამოიყურებოდეს. ეს პირველ რიგში, საკუთარი თავდაჯერებულობისთვისაა მნიშვნელოვანი, რადგან ქორწილი ხომ სწორედ ის ჯადოსნური დღეა, როცა უსაზღვროდ ბედნიერი უნდა იყო და არც ერთი წუთით არ უნდა შეგიპყროს სევდამ?!

როგორც წესი, ამ მნიშვნელოვანი დღისთვის ქალები წინასწარ ემზადებიან. ეწერებიან სილამაზის სხვადასხვა პროცედურებზე, ვარჯიშობენ, დადიან აუზზე, სოლარიუმში. ყველა პატარძალს სურს, იდეალურად გამოიყურებოდეს საკუთარი ქორწილის დღეს, მაგრამ ხშირად, წინასაქორწილო პერიოდს თან ნერვიულობა და დიდი ფუსფუსი ახლავს. ეს ერთის მხრივ საკმაოდ სტრესული პერიოდია, რომლის დროსაც შეიძლება რაღაც მნიშვნელოვანი გამოგრჩეს, ან პირიქით, რაღაცებში გადააჭარბო. იმისათვის, რომ წინა საქორწილო პერიოდმა მაქსიმალურად მშვიდად და ზედმეტი ნერვიულობის გარეშე ჩაიაროს, გთავაზობთ რამდენიმე რჩევას, რომელიც მომავალ პატარძლებს დაეხმარებათ, შეუდარებლად გამოიყურებოდნენ.

1. ყურადღება მიაქციეთ თქვენს ღიმილს

შინაგან ბედნიერებას ადამიანები ღიმილით გამოვხატავთ. პატარძალი კი საკუთარ ქორწილში ხშირად უნდა იღიმოდეს. ღიმილი ყველა ქალს ბევრად ლამაზს ხდის. ამიტომ, საპატარძლოს „პირველი გაჩერება“ კლინიკა „მედის“ ჯადოსნურ სტომატოლოგიურ განყოფილებაში უნდა იყოს, სადაც თავისუფლად შეგიძლიათ თქვენი კბილები პროფესიონალ სტომატოლოგებს ანდოთ. კბილების გათეთრება ძალიან მარტივი პროცედურაა, რომლისთვისაც მხოლოდ ერთი დღე უნდა გამოყოთ. ამის გაკეთება ექსტრემალურ პირობებშიცაა შესაძლებელი, როცა ქორწილი წინასწარ არ დაგიგეგმავთ და გადაწყვეტილება სპონტანურად მიიღეთ. კბილების წმენდის პროცედურის ჩატარება, ყოველ ექვს თვეში ერთხელაა სასურველი. Zoom 4 წარმოადგენს კბილების გათეთრების უახლეს ტექნოლოგიას თანამედროვე სტომატოლოგიაში. მაქსიმალურად ეფექტური და რაც მთავარია უსაფრთხო შედეგისთვის, პროცედურისას გამოიყენება სპეციალური LED ნათურის ცივი სხივი, რომელიც გამორიცხავს კბილის ქსოვილის და გარშემო სტრუქტურების დაზიანებას. კბილების გათეთრება ამ უახლოესი ტექნოლოგიით, მხოლოდ ერთ ვიზიტშია შესაძლებელი.

2. მოაგვარეთ წონის პრობლემა მარტივად, საჭიროების შემთხვევაში

ყველა პატარძალს სურს, რომ საქორწილო კაბა ტანზე ლამაზად ედგეს და არ გამოკვეთოს პრობლემური ზონები. თუ ეს პრობლემა გაწუხებთ, დაგაიმედებთ და გეტყვით, რომ ის სისტემური პროცესით მარტივად მოგვარებადია. მთავარი ნების ყოფა და გეგმის შესრულებაა. მოაწესრიგეთ კვების რაციონი, გაზარდეთ ფიზიკური აქტივობა და დაიხმარეთ აპარატული პროცედურა „ზელტიკი“, რომელიც ლოკალურად ჩალაგებული ცხიმის მოშორებაში დაგეხმარებათ.

„ზელტიკი“ არის ლიპოსაქცია ოპერაციის და რეაბილიტაციის გარეშე. პროცედურის დროს იყინება და მცირდება ცხიმის უჯრედები. პროცედურიდან სამი საათის შემდეგ პაციენტის სხეული უკვე ფორმაშია, თუმცა მაქსიმალური შედეგი მიიღწევა 2-4 თვის შემდეგ. ამ პერიოდის განმავლობაში კრისტალიზებური ცხიმის უჯრედები იშლება და ბუნებრივად გამოდის ორგანიზმიდან. პროცედურა საკმაოდ კომფორტულია და გრძელდება 1- 2 საათამდე. პროცედურის დასრულებისთანავე პაციენტი უბრუნდება ცხოვრების ჩვეულ რითმს.

3. დაიტენიანეთ სახის კანი

სტრესი, ნერვიულობა, ცხოვრების არაჯანსაღი წესი - ყველაფერი ეს კანზე აისახება. აკნე, ჩაშავებული თვალის უპეები, კანის ფერი, გამომშრალი, აქერცლილი კანი ნამდვილად პრობლემაა, რომელიც აუცილებლად უნდა მოაგვაროთ ქორწილამდე. სახის კანის გაახალგაზრდავებისა და ბრწყინვალებისთვის ერთ-ერთი ეფექტური თერაპიული მეთოდი არის ბიოსტიმულაცია (ბიორევიტალიზაცია), რომლის დროსაც ხდება კანის სტრუქტურული გაჯანსაღება, გამკვრივება და დატენიანება. ბიორევიტალიზაციის პროცედურისას ხდება კანისა და კანქვეშა ქსოვილების გამდიდრება ჰიალურონის მჟავით, რომელიც პასუხისმგებელია ლამაზი და ჯანსაღი კანის შენარჩუნებაზე. პროცედურის შემდგეგ საგრძნობლად იცვლება კანის სტრუქტურა, ხდება გლუვი, ელასტიური და დატენიანებული. გარდა ამისა მცირდება წვრილი ნაოჭების რაოდენობა და კანს უბრუნდება ჯანსაღი ფერი. იმისათვის, რომ კანს ბზინვარება და ნატურალური ეფექტი ჰქონდეს, აუცილებელია, წინასწარ მოვამზადოთ კანი და დავატენიანოთ, ინტენსიური მაკიაჟისთვის. ამისთვის, იდეალური პროცედურაა Hydra facial სახის დატენიანება. ჰაიდრაფეიშალი (Hydra facial) წარმოადგენს კანის მოვლის ამერიკულ ტექნოლოგიას, რომელიც სრულიად უმტკივნეულოდ, ყოველგვარი ინექციის გარეშე აგვარებს კანის რამოდენიმე პრობლემას ერთდროულად.

4. გათავისუფლდით არასასურველი თმისგან

თუკი ადრე, ქალები არასასურველი თმის მოშორებაზე ბევრს წვალობდნენ, დღეისათვის ეს პრობლემა მარტივად და უსაფრთხოდ მოგვარებადი გახდა. ლაზერული ეპილაცია წარმოადგენს უსაფრთხო და სწრაფ საშუალებას არასასურველი თმის მოსაშორებლად. კლინიკა მედიში გამოიყენება მეოთხე თაობის ალექსანდრიტის ლაზერი, რომელიც უკვე 20 წელია პაციენტებს დაუჯერებელ შედეგებს აძლევს. ალექსანდრიტის ლაზერით კანის ზედაპირი არ ზიანდება და ხდება რამოდენიმე ფოლეკულაზე ერთდროულად ზემოქმედება (თმის მოშორება შედარებით დიდი ზონიდან დროის მოკლე პერიოდში).

5. იყავით თავდაჯერებული!

ქორწილი სამუდამოდ რჩება ქალის მეხსიერებაში. იმ შემთხვევაში, თუ საკუთარ გარეგნობაში რაღაც დეტალის შეცვლა უფრო აგიმაღლებთ თვითშეფასების კოეფიციენტს, შეგიძლიათ მცირე კორექტივები შეიტანოთ და სწრაფად მიიღოთ შედეგი ბუნებრივი შემავსებლით, ცხვირ-ტუჩის კორექციაში. ტუჩის გადიდება ყველაზე მოთხოვნადი პროცედურაა, რომელსაც ქალბატონები ნებისმიერ ასაკში იტარებენ. ქორწილის წინა დღეებში შეინარჩუნეთ სიმშვიდე და ეცადეთ მოიხსნათ სტრესი. მოერიდეთ აურზაურს. ჩამოწერეთ გეგმები ბლოკნოტში, ყოველ დღე, სარკეში უმეორეთ საკუთარ თავს, რომ ყველაზე ლამაზი ხართ! შეგიძლიათ დაკავდეთ მედიტაციით, ის დაგეხმარებათ გათავისუფლდეთ უარყოფითი აზრებისგან და კონცენტრაცია მხოლოდ დადებითზე მოახდინოთ.

ბედნიერებას გისურვებთ!

R