მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რა უნდოდა ირინა ენუქიძეს ან მალხაზ მაჩალიკაშვილი რისთვის იბრძვის?! ერთი ცრემლიც კი, თანაგრძნობით რომ ჩნდება მოძალადის თვალში, საკმარისია ზოგჯერ პატიებისთვის" - მაია ცირამუა
11:07 / 24-11-2021
ცნობილი ფსიქოლოგი მაია ცირამუა სოციალურ ქსელში ქვეყნაში მიმდინარე პოლიტიკურ პროცესებს ეხმაურება და აღდგენითი მართლმსაჯულების ფსიქოლოგიური თავისებურებების შესახებ წერს.
ცირამუას შეფასებით, ხელისუფლებაში ყოფნა ადამიანებს ემპათიის და სამართლიანობის განცდას აკარგვინებს.
"ვარდების რევოლუციაზე" მეც ვიტყვი, გუშინ არ დავწერე, რადგან აქ საზეიმო განწყობა იყო და არ მინდოდა სევდიან ამბებზეც მეთქვა. მახსოვს, მაშინ, როგორი აღფრთოვანებული ვიყავი, ისიც მახსოვს რამხელა შვება იყო, რომ ბოლოს და ბოლოს ხელისუფლება დათმო ადამიანმა, რომელიც ბაღის ასაკიდან მახსოვდა წამყვან თანამდებობებზე და მართლა გამიჩნდა განცდა, რომ სხვა ქვეყანაში ვიწყებდით ცხოვრებას, ხელისუფლებაში ჩემი თაობის პროგრესული ადამიანები მოვიდნენ და მართლაც ბევრი რამ შეცვალეს.
ქვეყანა ქვეყანას დაემსგავსა, მაიკლ სქოულის ხატი გაქრა ჩვენი ცნობიერებიდან და სინათლე და იმედი შემოვიდა.
ამის პარალელურად ბევრი უსამართლობა მახსოვს. რომლებსაც არანაირი ახსნა და გამართლება არ აქვს. არცერთი ადამიანი არ დამვიწყებია, რომელსაც ზიანი მიაყენა რეჟიმმა - არც წინა და არც ახლანდელი.
როცა ხელისუფლებიდან მიდიხარ, ალბათ ცხოვრება შანსს გაძლევს გვერდიდან შეხედო საკუთარ თავს, რაღაცები გადააფასო, გაუგო იმ ადამიანებს, რომლებიც უსამართლობას ებრძვიან.
არ ვიცი, ეს შანსი როგორ გამოიყენა "ნაციონალურმა მოძრაობამ". არ ვიცი როდის მიხვდება "ოცნების" მთავრობა რას დაამსგავსა ეს ქვეყანა და როგორი გაუსაძლისი გახადა აქ ცხოვრება.
ერთადერთი დასკვნა გამომაქვს - ხელისუფლებაში ყოფნა ემპათიის და სამართლიანობის განცდას აკარგვინებს ადამიანებს და თავის გამოგონილ სისულელეებში გადაბარგდებიან ხოლმე, საკუთარ მომხრეებთან ერთად. ალბათ გავა დრო და მომავალი თაობები ობიექტურად შეაფასებენ ჩვენი ქვეყნის ისტორიის ამ 18 წელს. აღდგენით მართლმსაჯულებას აქვს ერთი ჯადოსნური ხერხი - მსხვერპლი და მოძალადე ერთმანეთის პირისპირ სხდებიან და ერთმანეთის ტყავში ძვრებიან, ასე იგებენ ზიანს, ტანჯვას, უსამართლობის განცდას, რაც დაზარალებულს მიადგა. მერე იწყება ყველაზე საინტერესო პროცესი, მოძალადეში იღვიძებს სინანული, ეს ის განცდაა, როცა გული გეგლიჯება ტკივილით, თანაგრძნობით და მოდის იმპულსი რაღაც გააკეთო იმისათვის, რომ მსხვერპლს ტკივილი შეუმსუბუქო. და რა უნდა მსხვერპლს? რა უნდოდა ირინა ენუქიძეს ან მალხაზ მაჩალიკაშვილი რისთვის იბრძვის?! განა მათ არ იციან, რომ მკვდარ შვილს ვეღარაფერი გაუცოცხლებთ, ერთი ცრემლიც კი, თანაგრძნობით რომ ჩნდება მოძალადის თვალში, ერთი ცრემლიც კი საკმარისია ზოგჯერ პატიებისთვის. მაგრამ ეს ერთი ცრემლი დიდი პროცესის შედეგია, რომელიც მოაქვს ფიქრს, გადაფასებას, აღიარებას და უბრალოდ შენში ადამიანის გაღვიძებას." - წერს ფსიქოლოგი "ფეისბუქში"
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დიახ! მე მინტერესებს ვინ არის ეს ქალი. დედის ერთი ცრემლიაო დედამიწა, დედის ერთი ცრემლიაო ჩვენი პლანეტა, დედის ერთ ცრემლზეაო დამოკიდებული ხალხთა ჯამრთელობა და აძროვნება. დედას არ უნდა მოწყდეს ის ერთი ცრემლი, ვინც მოწყვეტს ის ადამიანი არ არის, ადამიანის მაგვარი პირუტყვია. მე არ ვიცი რამდენ ხანში უშრება დედას ცრემლი თვალზე. ბებიაცემმა 96 წელი იცხოვრა და თავზე შავი არ მოუხდია ომში დაღუპულ შვილს გლოვობდა. 6 წელი ხდება შვილი დამეღუპა და მზისთვის არ შემიხედავს, მეუბნებოდნენ ჭირისუფლად რომ ვიჯექი, შენ რომ ასეთი უბედურება დაგემართა, სხვებს რისი იმედი გვქონესო. ხო, მე ყველას ვაკვირებდი რატომ დავისაჯე ასე, მაგრამ სიკვდილი საშინელებაა ვიღაცა რომ სპეციალურად გიგზავნის. გაყვა თავის შვილს ის საწყალი ქალი და თურმე უნდა ვაპატიოთ ჯალათებს, ვაი, ვაი, ასეთი ქალებიც რომ დადიან...
გამცემლიძის მამას ისევ რომ კლავთ ამ თქვენი განცხადებებით, თქვენ არ ხართ დამნაშავები? შეიძლება ადამიანს ნერვიულობაზე გულიც გაუსკდეს. ძლივს სამართალს მიაღწია. აბა თქვენი შვილი ყოფილიყო? დაიმახსოვრეთ, ჩვენ ამ ადამიანებს არ მივატოვებთ,