მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სააკაშვილს დიდი პაუზა სჭირდება, რომ ისაუბროს, ვერ დადის, წონასწორობას ვერ იცავს... გადავიყვანოთ სამოქალაქო კლინიკაში" - ხატია დეკანოიძე
16:13 / 18-11-2021
"მისი შესაძლებლობები წონასწორობის დაცვის, მეტყველების, კრიტიკულს მიღმაა. დიდი პაუზა სჭირდება, რომ ისაუბროს, ვერ დადის, წონასწორობას ვერ იცავს, დავეყრდნოთ ექიმებს და გადავიყვანოთ სააკაშვილი სამოქალაქო კლინიკაში - არ მესმის, სად დაკარგეს ადამიანობა" - ამის შესახებ “ნაციონალური მოძრაობის” წევრმა ხატია დეკანოიძემ მიხეილ სააკაშვილის ჯანმრთელობის მდგომარეობასთან დაკავშირებით, ჟურნალისტებს პარლამენტში განუცხადა, სადაც მოშიმშილე დეპუტატები მოინახულა.
ამასთან, დეკანოიძის განცხადებით, გადასარჩენია როგორც მიხეილ სააკაშვილი, ისე ელენე ხოშტარია.
"ჯანდაცვის მინისტრიც შეხვდეს ამ კონსილიუმს. ეს ადამიანი და ელენე ხოშტარია არიან გადასარჩენები. არ მესმის, სად დაკარგეს ადამიანობა. ელენე ხოშტარია უმრავლესობის წევრებმა მოინახულეს და ნახეს, რა მდგომარეობაშია. ძალიან სუსტადაა, აქვს სპაზმები. მართლა არ მესმის, რას დაველოდოთ, გამოცხადებული სიკვდილის ქრონიკას, როგორ მოკვდება ორი ადამიანი? არსებობს დასკვნა და დაეყრდნონ ამ დასკვნას”,- განაცხადა ხატია დეკანოიძემ.
გარდა ამისა, დეკანოიძის განცხადებით, სახალხო დამცველის მიერ შექმნილი კონსილიუმის დასკვნა მაღალპროფესიონალურია და სიტუაციიდან ერთადერთი გამოსავალი ისაა, რომ სააკაშვილი სამოქალაქო კლინიკაში დაუყოვნებლივ გადაიყვანონ.
“სახალხო დამცველის კონსილიუმის მიერ დადებული დასკვნა მაღალპროფესიონალურია და შეესაბამება იმ სინამდვილეს, მძიმე რეალობას, რომელშიც მიხეილ სააკაშვილია. დაწყებული იქიდან, რომ ის კლინიკა, რომელზეც ჩვენი ოპონენტები საუბრობენ, არ შეესაბამება სტანდარტებს, ვინაიდან კლინიკა რამდენიმე დღის გახსნილია და გუნდიც არაა ერთმანეთთან შეთამაშებული. ამასთან, მისი კრიტიკული მდგომარეობა უკვე უახლოვდება იმ ზღვარს, როდესაც შესაძლებელია, რომ მკურნალობამ შედეგი ვერ გამოიღოს. ეს არის ძალიან მნიშვნელოვანი. ამიტომ, ერთადერთი გამოსავალი, რაც არ უნდა სხვა ქვეტექსტი დაუდონ ამ დასკვნას, ის არის, რომ სააკაშვილი დაუყოვნებლივ გადასაყვანია სამოქალაქო კლინიკაში, რომელიც მის ინტენსიურ თერაპიას უზრუნველყოფს. მე მინდა გითხრათ, რომ როგორც მისი მდგომარეობის თვითმხილველი, მისი რესურსი იწურება. საუბარია ადამიანის სიცოცხლეზე. როდესაც ჩვენი ოპონენტები საუბრობენ იმაზე, რომ ეს საკითხი პოლიტიკურ კონტექსტში არ განვიხილოთ, ეს ყველაფერი სცდება პოლიტიკურ კონტექსტს. პირველ რიგში, უნდა ვენდოთ ექიმების დასკვნას, რომლებიც მის ძალიან მძიმე მდგომარეობას აღნიშნავენ. იგი გადასაყვანია სამოქალაქო მრავალპროფილურ კლინიკაში”,- განაცხადა დეკანოიძემ.
ცნობისთვის, სახალხო დამცველის მიერ შექმნილი სპეციალისტთა/ექსპერტთა ჯგუფი მიხეილ სააკაშვილის სამედიცინო მდგომარეობის მონიტორინგის შედეგებზე დასკვნას აქვეყნებს.
დასკვნის თანახმად, პაციენტ მიხეილ სააკაშვილის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში კერძოდ ინტენსიური თერაპიის განყოფილებაში, რის პირობებსაც მე-18 დაწესებულების კლინიკა არ აკმაყოფილებს.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩემო ხატია მბრძანებელს უჭირს(ცენტრალურ ნერვულ სისტემას).
წონასწორობას ანუ ბალანსს ეგ ვერასდროს ვერიცავდა .