"ამასობაში მარიკოც გავაჩინე და იყო სიტუაცია, როდესაც ბავშვის საჭმლის ფულიც არ მქონდა" - ლელა წურწუმია
გადაცემაში "მხოლოდ ლელასთან“ მომღერალმა რეჟისორი დავით დოიაშვილი მიიწვია. წლებია რაც ლელა წურწუმია და დოი მეგობრობენ. ამჯერად, სტუმრის ეთერში შესვლამდე მომღერალმა მისი ცხოვრების ერთ-ერთი ყველაზე მძიმე პერიოდი გაიხსენა...
ლელა წურწუმია:
- 2002 წელი დგებოდა, 31 დეკემბერია და ამ დღეს ყოველთვის კონცერტი მქონდა. როდესაც სახლში დავბრუნდი, მაშინ ორსულად ვიყავი და სახლი გატეხილი და გაქურდული დამხვდა. რაც მქონდა ყველაფერი წაიღეს, ჩემი საკონცერტო კაბებიც კი. რა მდგომარეობაში აღმოვჩნდებოდი, ალბათ მიხვდებით, გარდა იმისა, რომ ამ ყველაფერმა ფინანსურად უკან დამწია, მორალურად ვიყავი ძალიან განადგურებული.
ამასობაში მარიკოც გავაჩინე და იყო სიტუაცია, როდესაც ბავშვის საჭმლის ფულიც არ მქონდა. გაჭირვებაში როდესაც ვარ და გამოსავალს ვეძებ და ეს ადამიანი ყოველთვის ჩნდება ხოლმე, ჩემს ცხოვრებაში. მაშინაც, როდესაც რაღაც მნიშვნელოვანი ხდება და ეს ადამიანი არის დოი.
მამულიჩა ყოველთვის არის ჩემს ცხოვრებაში და იღებს მნიშვნელოვან გადაწყეტილებებს, მაგრამ დოი საჩუქარივით დამეცემა ხოლმე თავზე.
იმ მძიმე პერიოდში მოვიდა ჩემთან და მითხრა, - კონცერტი გავაკეთოთო. ფიზიკურად ძალიან ცუდად ვიყავი, მჭირდებოდა მატერიალური უზრუნველყოფა და მორალური შეგულიანება, რომ ჩვეულ ცხოვრებას და პროფესიას დავბრუნებოდი.
2002 წლის მაისში დაგეგმა ჩემი სოლო კონცერტი სპორტის სასახლეში, ბევრს აღარ გავაგრძელებ და იცით, როგორი კონცერტი იყო და რა რაოდენობით ადამიანი მოვიდა. ჩემს ცხოვრებაში ძალიან მნიშვნელოვანი ადამიანია დავით დოიაშვილი...