28
მარტიდღის ზოგადი ასტროლოგიური პროგნოზი
"ფეისბუქის" ერთ-ერთი მომხმარებელი, დაკო სუდაძე აქვეყნებს ვიდეოს, სადაც პოსტის ავტორის ცნობით, თბილისის 161-ე საჯარო სკოლის შენობაში არსებული ბზარებია ასახული.
"ეს ბზარები თბილისის ცენტრში, იოსებიძის ქუჩაზე, 161-ე საჯარო სკოლას აქვს, კომენტარი თქვენთვის მომინდვია, სანამ რამე უბადურება მოხდება, გამოჩნდეს მშველელი" - წერს სუდაძე.
აღნიშნულ საკითხზე კომენტარისთვის 161-ე სკოლის დირექტორს დავუკავშირდით. როგორც მიხეილ მინდაძემ ambebi.ge- ს განუცხადა, ის ბზარები, რაც ვიდეოში ჩანს, რეალურად არსებობს, თუმცა მხოლოდ ესთეტიკური პრობლემაა და საფრთხეს არ წარმოადგენს.
"ეს ბზარები არის გამოწვეული იმის გამო, რომ სკოლის ორი კორპუსი ერთმანეთის გვერდით არის აშენებული. მათ შორის მცირე დაშორებაა, ამიტომაც გარკვეული პერიოდულობით იკეთებს ბზარებს და სჭირდება შელესვა, მაგრამ გარწმუნებთ ეს მხოლოდ უსიამოვნო შესახედია და მეტი არაფერი.
ის არავისთვის წარმოადგენს საფრთხეს. ასე რომ იყოს, ჩვენ იქ ბავშვებს არ გავაჩერებდით. არ ვიცი ვის უნდა ამ პოსტით ყურადღების მიპყრობა. მოყვანილი გვყავდა სპეციალისტები და მათ შეამოწმეს ყველაფერი", - განმარტა ambebi.ge -სთან მიხეილ მინდაძემ.
ნახეთ ვიდეო:
მშვენიერი სკოლაა, დირექტორიც კარგად მიშაობს არჩევნებზე. კახი აუვცილებლად მოგხედავთ.
გამოვიდეს ოპოზიცია დასახმარებლად. ოპოზიციას შრომაც ევალება.