მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სააკაშვილს საკნის ოთხივე კედელზე უნდა დაუკიდონ ტელევიზორები და აჩვენონ მისი პერიოდი, უცქიროს, რას სჩადიოდნენ ის და მისი დამქაშები" - სანდრო გირგვლიანის მამა სააკაშვილის პატიმრობაზე
14:58 / 29-10-2021
საქართველოს უახლეს ისტორიაში ერთ-ერთი ყველაზე გახმაურებული დანაშაულის მსხვერპლის, სანდრო გირგვლიანის მამა გურამ გირგვლიანი ambebi.ge -სთან საკუთარ მოსაზრებას გამოთქვამს მიხეილ სააკაშვილის პატიმრობასთან დაკავშირებით და ამბობს, რომ საზოგადოებამ არასწორად გაიგო ექსპრეზიდენტის როლი მისი შვილის საქმეში.
"მე ისიც არ ვიცი, რას მოითხოვს სააკაშვილი, რა უნდა, რატომ შიმშილობს... ამბობს, მინდა, ქართველი ხალხი გავათავისუფლოო... რომელი ქართველი ხალხის გათავისუფლება უნდა? ჩემი გათავისუფლება უნდა? იმათი, ციხეებში რომ ამოალპო? ქუჩაში და გინდაც ისე რომ დახოცა, იმათი? მოკლული ბიჭების ძაძებიანი მშობლების და ოჯახების გათავისუფლება უნდა? რამდენი ოჯახი გააუბედურა, რამდენი?! ყველაფერს რომ თავი დავანებოთ, მარტო ერთი სანდრო გადაწონის ყველაფერს.
ბევრმა არც იცის, რომ მკვლელების შეწყალება აქ არაფერ შუაშია, ამას არავინ ედავება. არავინაა ჩახედული სტრასბურგის სასამართლოს გადაწყვეტილებაში. ევროსასამართლო პირდაპირ ამბობს, რომ სააკაშვილი ეხმარებოდა და მფარველობდა დამნაშავეებს, უშუალოდ იყო ჩარეული გირგვლიანის საქმეშიო.
მან ხელი შეუწყო ამ საქმის დაფარვას და ხელი დააფარა დამნაშავეებს. ნებისმიერ პრეზიდენტს შეუძლია შეიწყალოს ის, ვინც მას უნდა, სულაც 100 კაცი რომ ჰყავდეს მოკლული, ეს მისი ნებაა და პრეზიდენტს კანონი აძლევს ამის უფლებას. უბრალოდ, ის ვერ გაიგეს, რატომაა სააკაშვილი სანდროს საქმესთან კავშირში.
კი ბატონო, მათაც წაიღონ ეს საქმე სტრასბურგში და მოიგონ ისე, როგორც ჩვენ მოვიგეთ.
რა უნდა გაკეთდეს, იცით? სააკაშვილს საკნის ოთხივე კედელზე უნდა დაუკიდონ ტელევიზორები და ყველა მათგანში აჩვენონ მისი პერიოდი, უცქიროს, რას სჩადიოდნენ ის და მისი დამქაშები. გაახელს თუ არა თვალს, იქიდან მოყოლებული, სულ თავის კადრებს უნდა უყურებდეს, დაუკიდონ და ძალით აყურებინონ ყოველ დღე", - ამბობს ის.
შეგახსენებთ, რომ თბილისის საქალაქო სასამართლომ სანდრო გირგვლიანის საქმეზე მსჯავრდებული პირების შეწყალებისას სამსახურებრივი უფლებამოსილების ბოროტად გამოყენების ფაქტზე დამნაშავედ სცნო და გამამტყუნებელი განაჩენი გამოიტანა საქართველოს ყოფილი პრეზიდენტის მიხეილ სააკაშვილის მიმართ, საქართველოს სისხლის სამართლის კოდექსის 332-ე მუხლის მეორე ნაწილით. სასამართლოს განაჩენით მსჯავრდებულ მიხეილ სააკაშვილს სასჯელის ზომად, "ამნისტიის შესახებ“ საქართველოს კანონის გამოყენებით განესაზღვრა სამი წლის ვადით თავისუფლების აღკვეთა, მასვე დამატებითი სასჯელის სახით თანამდებობის დაკავების უფლება ერთი წლითა და ექვსი თვის ვადით ჩამოერთვა.სანდრო გირგვლიანის საქმეზე ახალი გარემოებების გამორკვევა და მიხეილ სააკაშვილისთვის ბრალდების გამოტანა მოხდა საქართველოს პროკურატურის მიერ ჩატარებული განახლებული გამოძიების ფარგლებში, რომელსაც სტრასბურგის სასამართლოს გადაწყვეტილების აღსრულების პროცესში ზედამხედველობას უწევდა ევროსაბჭოს მინისტრთა კომიტეტი სტრასბურგის ადამიანის უფლებათა ევროპული სასამართლოს მიერ მიღებული გადაწყვეტილების საფუძველზე, რომელმაც განმარტა შემდეგი: "სასამართლო გაოგნებულია იმ ფაქტით, რომ სახელმწიფო ხელისუფლების სხვადასხვა განშტოებები - შსს, გამოძიების საწყის სტადიაზე დაშვებული დარღვევებით; პროკურატურა, გამოძიების შემდგომ ეტაპზე დაშვებული სხვა დარღვევებით; სასჯელაღსრულების დეპარტამენტი, მსჯავრდებულების ერთ საკანში უკანონოდ მოთავსებით; შიდა სასამართლოები, არასრულფასოვანი სასამართლო განხილვებითა და მსჯავრდებულების ვადაზე ადრე გათავისუფლებით; საქართველოს პრეზიდენტი, მსჯავრდებულების მიმართ გაუმართლებელი ლმობიერების გამოვლენით, და ა.შ. - ყველა ერთად, ხმაშეწყობილად მოქმედებდა იმ მიზნისთვის, რომ ამ შემზარავი მკვლელობის საქმეზე როგორმე არ განხორციელებულიყო მართლმსაჯულება.“
მკითხველის კომენტარები /
67 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მშვენიერი იდეაა
ერსით კია მიშას მაგის ღირსი