"არ მყოლია დასაცავთა შორის, ვინც ციხესთან დადგებოდა და მოშიმშილე, სიკვდილის პირას მყოფ ადამიანს დედას აგინებდა... ეს რა კაცობაა…" - ეკა ბესელია
პოლიტიკოსი ეკა ბესელია "ფეისბუქის" პირად გვერდზე ექსპრეზიდენტ მიხეილ სააკაშვილის გარშემო განვითარებულ მოვლენებს და რუსთავის მე-12 სასჯელაღსრულების დაწესებულებასთან მის წინააღმდეგ გამართულ აქციას ეხმაურება.
"ყველა კატეგორიის დასაცავი მყოლია ჩემი ხანგრძლივი, საინტერესო საადვოკატო პრაქტიკის დროს, მაგრამ არ მყოლია დასაცავთა შორის, ვინც ციხესთან დადგებოდა და მოშიმშილე, სიკვდილის პირას მყოფ ადამიანს (როგორც არ უნდა გეჯავრებოდეს) დედას აგინებდა მიკროფონთან მდგომი… და ეს არაა ორგანიზებული მართული აქცია? და კოლექტიური ცნობილი გინება - ბადრის რა? ახლა ამით რომ შეცვალეთ, ეს მორალურია??? ეს რა კაცობაა… ეს რა ადამიანობაა და ეს საერთოდ რა არის, ხალხოოო", - წერს ბესელია.