მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აქ დღემდე არ სჯერათ კოვიდის არსებობის, რეგიონში ექიმი აღარ დაგვრჩა, ვაქცინები გაგვიფუჭდა" - ეპიდაფეთქება და უმართავი სიტუაცია ცხინვალში
11:01 / 19-10-2021
ახალგორის რაიონს, ასევე ცხინვალის რეგიონს კოვიდ-ვირუსი უტევს. ადგილობრივების თქმით, ყოველდღიურად, ინფიცირებულთა რაოდენობა რეკორდებს ხსნის. დელტა შტამის გავრცელების პირობებში, ყოველდღიურად იმაზე ორჯერ მეტი ადამიანი ინფიცირდება, ვიდრე შარშან, კოვიდ-19-ის გავრცელების პიკის დროს...
მოსახლეობის ნაწილი, "სპუტნიკის" ვაქცინით აიცრა, ან ვაქცინის ყალბი ცნობა გააკეთა, რადგან ვაქცინას არ ენდობოდა, ან საერთოდ არ აცრილა. ახალგორელი სამოქალაქო აქტივისტი, თამარ მეარაყიშვილი, AMBEBI.GE-სთან საუბარში ჰყვება, რომ ახლა რეგიონში, ყოველდღიურად 100-ზე მეტი ადამიანი ინფიცირდება, ოღონდ ეს, ოფიციალურად, სინამდვილეში კი, რეალობა გაცილებით მძიმეა.
"რამდენი კვირაა ამაზე ვწერ, რომ ხალხი არ იცრება და რაიონში კოვიდ-აფეთქება გარდაუვალია-მეთქი. სოციალურ ქსელში, პრობლემებზე საუბრისას როგორც ქართულ, ასევე, ოსურ მხარეებსაც ვნიშნავ, ვსაუბრობ ჯანდაცვის უწყებაში არსებულ განუკითხაობასა და კორუფციაზე, მაგრამ "წერე და იკითხეს" პრინციპია. ჩვენ ვის დავკარგვივართ. მხოლოდ მაშინ ვახსენდებით, თუ ვინმე გარდაიცვალა ან დააკავეს... ბოლო რამდენიმე დღეა კოვიდი განსაკუთრებით გვიტევს. ცხინვალში აცხადებენ, რომ ყოველდღიურად ოფიციალურად 80-100 ინფიცირებული ჰყავთ, არაოფიციალურად რამდენია, ადვილი წარმოსადგენია... ჩვენს რაიონში, სულ რამდენიმე ადამიანია ვაქცინირებული. აქ ჯანდაცვა ხომ მხოლოდ კორუფციის საშუალებაა" - ამბობს თამარ მეარაყიშვილი.
ახალგორელი სამოქალაქო აქტივისტის თქმით, კარანტინში, იმ სივრცეში, სადაც ქართული მხარიდან, ან ვლადიკავკაზიდან გადმოსული ან სხვა საეჭვო ადამიანები არიან განთავსებული, ცუდი ვითარებაა.
"იქ შეიძლება ქუჩიდანაც შევიდეს ნებისმიერი ადამიანი და იმ სამედიცინო პერსონალს, მორიგე ექიმისა და პაციენტების კამპანიას შეურთდეს, მათთან ერთად მიირთვას საჭმელი, უყუროს ტელევიზორს, ისარგებლონ საერთო ნივთებით. მერე კი სახლში წავიდეს... არავინ აკონტროლებს. ამას ემატება ის კატეგორიაც, რომელთაც დღემდე არ სჯერათ კორონავირუსის არსებობის, მიაჩნიათ, რომ ეს ამბები იმიტომ მოიგონეს, რომ ადამიანებს აცრა გაუკეთონ, მათგან ბევრი ვერ გადარჩეს და ასე გამოხშირავენ კაცობრიობას. ახალგორის რაიონიდან ქართულ მხარეს სამკურნალოდ 300-მდე ადამიანი გადავიდა და მხოლოდ 15 აიცრა. ექიმებიც კი არ იცრებიან... ახლა რომ დაიწყოს აცრის კამპანია, შეუძლებელია, რადგან ახალგორში შემოტანილი ვაქცინები უკვე გაფუჭებულია, ვადა გაუვიდა.
შესაბამისად, ვირუსის გავრცელების პიკიც სახეზეა. ყველაზე ცუდი კი ის არის, რომ რაიონში კვალიფიციური სამედიცინო პერსონალიც აღარ დარჩა, ყველა გააქციეს ან თავად წავიდა..." - ამბობს მეარაყიშვილი.
ცხინვალის მთავარი სანიტარული ექიმი, მარინა კოჩიევა აღნიშნავს, რომ დელტა შტამის გავრცელების მიზეზი, კომპაქტურად ჩასახლებულ ადგილებში ხალხმრავალი წვეულებები, ქორწილები და ქელეხები შეიძლებოდა გამხდარიყო, რაც რეგიონში ძალიან ხშირად ხდება, რადგან მათი ტრადიციული ცხოვრების ნაწილია და ვირუსის საფრთხის მიუხედავად, უარს არავინ ამბობს.
"ადგილობრივი მოსახლეობა სრულიად უპასუხისმგებლოდ იქცევა. ამ დროისთვის ცხინვალში საავადმყოფოში, 140-მდე მძიმე პაციენტი ჰყავთ, 1400-მდე კი ამბულატორიაში მკურნალობს. ეს კი საგანგაშო მაჩვენებელია", - აცხადებს კოჩიევა.
ekhokavkaza.com-თან საუბარში, ახალგორის რაიონის საავადმყოფოს მთავარი ექიმი, ჯემალ ბედოევი ამბობს, რომ უკვე 60-მდე შემთხვევა გამოვლინდა, პსრ-ის ტესტს კიდევ 20-მდე ადამიანი ელოდება.
"ვისაც ვირუსის მსუბუქი ფორმა აქვს, სახლში მკურნალობას ვუნიშნავთ, მძიმე პაციენტებს - ვიტოვებთ" - ამბობს ექიმი.
მისივე ცნობით, ვითარების სტაბილურობა რეგულაციების გამკაცრების გარეშე არ მოხდება. აუცილებელია, მასობრივი ღონისძიებების აკრძალვა, ფინანსური სანქციების შემოღება და მკაცრი კონტროლი, თორემ ვითარება უმართავი გახდება.
ადგილობრივების თქმით, ცხინვალის საავადმყოფოდან გამოდის ხმები, რომ პაციენტები, განურჩევლად ასაკისა, ყოველდღიურად იხოცებიან.
"საავადმყოფოში ადგილი არ არის. უბრალო მოსახლეობას მოუწოდებენ შინ დარჩენისკენ, თავად კი, რესტორნებს ხურავენ, აცრის საბუთებს აკეთებენ. ვლადიკავკაზიდან შემოსულები, კარანტინს არც აღიარებენ და პირდაპირ სახლში მიდიან. ჩვენ კი, კანონის შესრულებისკენ მოგვიწოდებენ" - წერენ ადგილობრივები.
ლალი პაპასკირი
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაი გვჯერა ხო !!! 999
არ სცხელა პუტინს თქვენთვის არაა, ნეტა რა გაწუწუნებთ ახლა. იქნეუქნებს იქ