"ძველი თაობის რჯულისკაცი, ჰყავს 21 შვილიშვილი და 31 შვილთაშვილი" - ვინ არის 106 წლის უხუცესი ხევსური და რას წერს მის შესახებს ამირან არაბული
მწერალი, ფოლკლორისტი ამირან არაბული სოციალურ ქსელში 106 წლის ხევსურის ბეწიწურ არაბულის ფოტოებს აქვეყნებს და წერს:
"106 წლის ხევსური ხუცესი ბეწიწურ ჯარიას ძე არაბული. ძველი თაობის რჯულისკაცი და ჯვარ-ხატების მსახური. წმინდა წიგნების ზედმიწევნით მცოდნე და აქტიური მკითხველი.
კმაყოფილია, რომ ამ ზაფხულს კვლავ შეძლო მშობლიურ წინხადუში ასვლა და ათენგენობის საღვთო რიტუალის ჩატარება. ყავარჯენს იარგნებს, თუმცა უმისოდაც არ ერევა ნაბიჯი. ჰყავს 4 შვილი (ერთი ქალიშვილი, სამწუხაროდ, გარდაეცვალა), 21 შვილიშვილი და 31 შვილთაშვილი. ყველა ჯანმრთელი და საღსალამათი... და მახსენდება ჟინვალის არქეოლოგიური გათხრების დროს აღმოჩენილი ასინეთ შავერდაშვილის საფლავის ქვა, რომელსაც ამშვენებს დაახლოებით ამგვარი შინაარსის ზედწერილი ანუ ეპიტაფია: "ჩემ დედმამას 17 შვილი ვყავდით, მე 19 გავუზარდე სამშობლოს, თქვენ?!.." - წერს ამირან არაბული.
