მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორი იქნება ახალი ჩინეთი, რომელიც მსოფლიო ბაზარზე აშშ-ის ჩანაცვლებას აპირებს - სი ძინპინის "საყოველთაო აყვავების" გეგმა მილიარდერებს, ვარსკვლავებსა და ბავშვებს ეხება
13:20 / 26-09-2021
ჩინეთში, როგორც ჩანს, არ ჩერდება ცვლილებათა ახალი ტალღა, რომელსაც სათავეში სი ძინპინი და კომუნისტური პარტია უდგას. ხელისუფლების ახალი გადაწყვეტილებით, "ქვეყნის საყოველთაო აყვავების" ახალი გეგმა მილიარდერებს, შოუ-ბიზნესის ვარსკვლავებსა და ბავშვებს ეხება.
გეგმის მთავარი მიზანია: აიძულონ მდიდრები ქონება სხვებს გაუყონ, მიატოვონ დასავლური ღირებულებები, დაუბრუნონ ჩინეთს ძველი დიდება და დაუბრუნონ ქვეყანა სოციალიზმის გზას, რომელიც ქვეყანას მსოფლიო ბატონობამდე მიიყვანს.
ჩინეთში ძინპინის რეფორმები XXI საუკუნის ყველაზე მასშტაბურ რეფორმად შეფასდა. როგორც ამბობენ, სწორედ ეს რეფორმა გადაწყვეტს უდიდესი აზიური ეკონომიკისა და იმ მილიარდერთა ბედს, რომელთა რიცხვი აშშ-ის მილიარდერთა რიცხვს მცირედით ჩამორჩება. სწორედ ისინი არიან მსოფლიო ბაზარზე ტექნოლოგიური ლიდერები, რომლებიც მოქალაქეთა ციფრული თვალთვალის ყველა საშუალებას ფლობენ და წყვეტენ, ჰქონდეს თუ არა მოსახლეობას წვდომა "ზიანის მომტან" "გამხრწნელ" ინფორმაციაზე.
როგორც ჩანს, ჩინეთში კომუნისტებმა გადაწყვიტეს, პატრიოტიზმის თემა გააძლიერონ და ლოზუნგის ირგვლივ, რომელიც სიღარიბის შემცირებასა და "საერთო აყვავებას" გულისხმობს, მჭიდროდ გააერთიანონ მილიარდერებიც. ისინი საკუთარ თავს დენ სიაოპინის მემკვიდრეებად თვლიან და ამბობენ, რომ სიაოპინის მსგავსად, რომელმაც საბაზრო რეფორმები განახორციელა, ქვეყანას დიდი სისწრაფით განავითარებენ.
კრიტიკოსთა აზრით, ძინპინის ახალი რეფორმა სიაოპინის ნაცვლად მაო ძედუნის კულტურულ რეფორმას უფრო ჰგავს, რომელიც ტერორითა და არეულობით დასრულდა. ექსპერტთა აზრით, ამ რეფორმით ხელისუფლება კერძო ბიზნესსა და ინოვაციურ ტექნოლოგიებს კომპარტიის ხელში მოაქცევს.
- მდიდრებს ქონების განაწილება შესთავაზეს
როცა ჩინეთის სათავეში სი ძინპინი მოვიდა, მაშინ ქვეყანა საყოველთაო სიღარიბეს დაემშვიდობა. ახალმა მმართველმა ქვეყანაში მმართველი რგოლის როლი არ დაასუსტა, თუმცა მთავარი აქცენტი ინოვაციებზე გააკეთა. როგორც ცნობილია, მაშინ ქვეყნის სათავეში ახალ მოსულ ძინპინს ეკონომისტები ურჩევდნენ, რომ "საშუალო შემოსავლის ხაფანგიდან" თავის დასაღწევად, სახელმწიფო ინსტიტუტების მოდერნიზება და, ასევე, მთავრობის გავლენისგან ეკონომიკის გათავისუფლება იყო.
რჩევის მიუხედავად, ძინპინმა სხვა გადაწყვეტილება მიიღო და მოსახლეობას 2035 წლისთვის "სოციალისტური მოდერნიზაციის" დასასრული, ხოლო 2050 წლისთვის - "დიადი, თანამედროვე სოციალისტური სახელმწიფოს" შექმნა დაუანონსა, რომელიც მსოფლიო ბაზარზე აშშ-ს ჩაანაცვლებს.
როგორც ექსპერტები ამბობენ, დაპირება დაპირებად დარჩა. ჩინელების შემოსავალი წლების განმავლობაში მცირე რაოდენობით იზრდება, ღარიბ და მდიდარ ფენას შორის ზღვარი კი აქამდე არ შემცირებულა. ქვეყანაში მოსახლეობის 20% არცთუ ისე ცუდად უზრუნველყოფილია და მათი შემოსავალი ბოლო 5 წლის განმავლობაში 10-ჯერ გაიზარდა, ვიდრე - ქვეყნის მოსახლეობის ნაკლებად უზრუნველყოფილი 20%-ის შემოსავალი.
უნდა აღინიშნოს, რომ ამ წლების განმავლობაში ქვეყნის მთავრობა უსაქმურად არ მჯდარა, სი ძინპინის ხელისუფლება იღებდა სხვადასხვა რეფორმასა თუ კანონს, აწესებდა აკძალვებს, დააკავეს ბიზნესმენებიც.
2021 წლის აგვისტოში, დასვენების ნაცვლად, ქვეყნის მმართველმა კომუნისტური პარტიის ცენტრალური კომიტეტის სხდომა ჩაატარა და მოსახლეობის სხვადასხვა ფენებს შორის არათანაბარი პირობები განიხილა.
კომიტეტის მთავარი მიზანი ძინპინმა ასე განსაზღვრა: უნდა ჩატარდეს რეფორმები "სოციალური თანასწორობის ხელშეწყობისთვის, სამართლიანობისა და ადამიანის ყოველმხრივი განვითარებისთვის, რათა ყველამ შეძლოს საყოველთაო მიზნებისკენ სწრაფვა და განვითარება".
ეს ყველაფერი კი უნდა მოხდეს, "მაღალი შემოსავლის გონივრული რეგულირებით და დაბალშემოსავლიანი მოსახლეობის შემოსავლის გაზრდით". ამ განცხადებამ მოსახლეობის გარკვეულ ნაწილში უკმაყოფილება გამოიწვია, რამდენიმე დღეში კი კომპარტიის წარმომადგენელმა ვრცელი განმარტება გააკეთა:
"საყოველთაო აყვავება არ ნიშნავს, რომ მდიდრებს უნდა წავართვათ და ღარიბებს დავურიგოთ, როგორც ამას დასავლური მედია ამბობს. კერძო საკუთრების უფლება კონსტიტუციით დაცულია".
"უფრო მეტიც, საყოველთაო განვითარება არა მხოლოდ მატერიალურ, არამედ - კულტურულ მნიშვნელობას ატარებს, საყოველთაო განვითარება - არ არის მხოლოდ ეკონომიკური საკითხი და საერთოდ არ არის სიმდიდრის ჩვეულებრივი გადანაწილება", - განაცხადა მმართველი პარტიის წარმომადგენელმა სინჰუამ.
- პირველი მსხვერპლი
ქვეყნის მთავარი კომუნისტის - ძინპინის გადაწყვეტილებებს ყველაზე პირველად მთავარი კაპიტალისტი, ინტერნეტგაყიდვების გიგანტის, Alibaba-ს დამფუძნებელი ჯეკ მა შეეჯახა.
როგორც ცნობილია, ბიზნესმენს სურდა Alibaba-ს ერთ-ერთი ნაწილის, მობილური გადახდების განყოფილება Ant Group-ის აქციები ბაზარზე რეკორდულ ფასად - 30 მილიარდ დოლარზე მეტად გაეყიდა, თუმცა აქციების პირველადი განთავსება ვეღარ მოხერხდა, ჯეკ მა რამდენიმე თვეა, საზოგადოების წინაშე აღარ გამოჩენილა, ჩინეთში კი ინტერნეტბიზნესის ცუდი პერიოდი დაიწყო. ეს გასაჭირი შეეხო არა მხოლოდ ეკონომიკას, არამედ - სხვა სფეროებსაც, მათ შორის - მასობრივ კულტურას.
მთავრობის გადაწყვეტილებით, ფაქტობრივად, აიკრძალა არასასკოლო სწავლებები, კერძო პედაგოგთან სწავლა და სასწავლებლების დაფინანსება დასავლური რესურსებით. სასკოლო პროგრამაში წიგნის - "სი ძინპინის ფიქრების" სწავლება შემოიღეს, აქამდე ბავშვებს კომპარტიის წესდებასა და ჩინეთის კონსტიტუციას ასწავლიდნენ.
კომპარტიის გადაწყვეტილებით, არასრულწლოვან ბავშვებს კომპიუტერული თამაშების თამაში აეკრძალათ. მათ თამაში კვირაში მხოლოდ სამი საათით, პარასკევს და შაბათ-კვირას, მხოლოდ 8-დან 9 საათამდე შეუძლიათ.
ბავშვების შემდეგ კომპარტიის სამიზნე შოუ-ბიზნესი გახდა. ჩინეთის ერთ-ერთი ყველაზე ცნობილი მსახიობი ჟენ შუანი თითქმის 50 მილიონი დოლარით დააჯარიმეს, ფილმები და ტელეშოუები მისი მონაწილეობით ყველა პლატფორმიდან ერთი ხელის მოსმით გაქრა.
მედიის კონტროლის მიზნის, ტელევიზიებმა მიიღეს მარეგულირებლის ბრძანება, ეთერიდან მოხსნან "ქალური გარეგნობის მამაკაცები" და უარი თქვან "ვულგარულ ინფლუენსერებზე", ასევე, აიკრძალა პირდაპირ ეთერში ვარსკვლავების ნებისმიერი რეიტინგის გამოქვეყნება და ფასიანი ხმის მიცემა. მარეგულირებელმა მოითხოვა, მეგავარსკვლავებს ხელფასი ჩამოეჭრათ.
ეს ყველაფერი "ზიანის მომტანი კონტენტი" და "დასავლეთის გამხრწნელი ზემოქმედებაა" - ახსნეს მკაცრი გადაწყვეტილებები მარეგულირებელი ორგანოს წარმომადგენლებმა. მათ ტელევიზიებს მასკულინური ხასიათის პერსონების, პატრიოტიზმისა და სოციალიზმის ტრანსლირებისკენ მოუწოდეს. წაიკითხეთ სრულად
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამერიკას ჩინეთი ვერ ჩაანაცვლებს გადაყვება მაგ ცივ ომს ვნახავთ ყველა :)))
ათასწლოვანი ჩინური კულტურა და უზარმაზარი ისტორიული გამოცდილება. წარმატებები ჩინელებს, ფაქტია რომ კაცობრიობას რაღაც ახალი უფრო ჰუმანური უფრო კეთილშობილური თანაარსებობის ფორმა ესაჭიროება, ვფიქრობ ინდივიდუალურ გამდიდრებისა თუ თავის გადარჩენის პრინციპებით თანაცხოვრების ფორმა დალპა და კაცობრიობის ტვირთად იქცა.