61 წლის ანტონიო ბანდერასის ახალი ფოტოები მომხიბვლელ შეყვარებულთან ერთად - როგორ გამოიყურება დღეს გასული წლების ყველაზე სექსუალური მსახიობი
რამდენიმე დღეა, რაც მსოფლიო შოუბიზნესის ერთ–ერთი ყველაზე პრესტიჟული მოვლენა, ვენეციის ყოველწლიური, რიგით 78-ე კინოფესტივალი იმართება. წითელ ხალიჩაზე 61 წლის ანტონიო ბანდერასი და მისი მეგობარი გოგონა, 39 წლის ნიკოლ კიმპელი გამოჩნდნენ.
ანტონიო მეგობარ გოგოსთან ერთად იშვიათად ჩნდება.
ცისფერ კაბასა და ვერცხლისფერ მაღალქუსილან ფეხსაცმელში გამოწყობილ ნიკოლს "ბულგარის" წითელი ჩანთა ამშვენებდა. ფანებს არ გამოჰპარვიათ, რომ თავად მსახიობის გარეგნობა საკმაოდ შეცვლილია. ზოგიერთმა სოციალურ ქსელში ისიც კი დაწერა, რომ საყვარელი მსახიობის ცნობა გაუჭირდათ.
ანტონიო ბანდერასისა და ნიკოლ კიმპელის სასიყვარულო ურთიერთობა 2014 წლიდან დაიწყო. იმ დროისთვის ბანდერასი და მელანი გრიფიტი ახალი განქორწინებულები იყვნენ.
ნიკოლ კიმპელი გერმანულ-ჰოლანდიური საინვესტიციო ბანკის კონსულტანტია. გერმანული წარმომავლობის ლამაზმანს მოდელის გარეგნობა აქვს. საუბრობს ხუთ ენაზე და პრესის ყურადღებას არამხოლოდ მომხიბვლელი ვიზუალით, არამედ ინტელექტითაც იპყრობს.
დაათვალიერეთ ფოტოები ვენეციის კინოფესტივალიდან:
