პარაძიუდოისტმა ინა ქალდანმა ტოკიოს პარალიმპიურ თამაშებზე ვერცხლის მედალი მოიპოვა
70 კილოგრამამდე წონით კატეგორიაში პარაძიუდოისტი ინა ქალდანი ტოკიოს პარალიმპიური თამაშების ვერცხლის მედალოსანი გახდა.
ქართველი სპორტსმენი ფინალში მსოფლიოს მოქმედ ჩემპიონთან, ბრაზილიელ ალანა მალდონადოსთან ვაზარით დამარცხდა.
ფინალში გასასვლელად ქალდანმა 2 ორთაბრძოლა მოიგო. ის ტურნირში მეორე წრიდან ჩაერთო, სადაც მექსიკელი ლენია რუვალკაბა დაამარცხა, ხოლო ნახევარფინალში იაპონელ კაზუსა ოგავას სძლია.
ცნობისთვის, ინა ქალდანი პირველი ქართველი ქალი ძიუდოისტია, რომელმაც პარალიმპიურ თამაშებზე ვერცხლის მედალი აიღო.