მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვარ სარეაბილიტაციო ცენტრის მოლოდინში, უკვე ერთი თვეა ჩემთვის ადგილი არ ჩანს, განკურნებამდე ჯერ მაინც შორია" - დავით ანდღულაძე
14:41 / 22-08-2021
ცნობილი ექიმი-ფსიქოთერაპევტი, ფსიქიატრი და ნარკოლოგი, ფსიქოსოციალური კვლევის და მომსახურების ასოციაცია "ნებას" დამფუძნებელი დავით ანდღულაძე, რომელიც სამი თვის წინ მძიმე ავარიაში მოყვა, საკუთარი ჯანმრთელობის მდგომარეობის შესახებ "ფეისბუქის" პირად გვერდზე პოსტს აქვეყნებს:
"მოგესალმებით მეგობრებო, ამდენი ხანია ოროსანი მოსწავლესავით ვემალები "გაკვეთილის მოყოლას", რადგან სათქმელი ბევრი არაფერი მაქვს. არადა სასურველი სიახლეც ძალიან იგვიანებს.
21 ივნისს "შარიტეში" გაკეთებული ოპერაციის შემდეგ, ნაცვლად მოსალოდნელი 5 დღისა, მთელი თვე დავრჩი კლინიკაში, რითაც მგონი რეკორდი მოვხსენი. აქედან უნდა გადავსულიყავი სარეაბილიტაციო ცენტრში, მაგრამ ჩემი მიმღები აქამდე არ გამოჩნდა. ამიტომ შარიტეს კლინიკამ გადმომაგზავნა სარეაბილიტაციო ცენტრთან არსებულ ინტენსიური თერაპიის განყოფილებაში, სადაც 3 კვირის განმავლობაში უნდა მომეხსნა სუნთქვის აპარატი და გადავსულიყავი სარეაბილიტაციო ცენტრში.
აქ გადმოსულმა სუნთქვის აპარატზე მეორე დღიდან უარი ვთქვი, აღარ მჭირდებოდა, მაგრამ სამი კვირის ნაცვლად უკვე ერთი თვეა გასული და სარეაბილიტაციო ცენტრში ჩემთვის ადგილი არ ჩანს. ჩემთვის იმიტომ, რომ ე.წ შიდა ჰოსპიტალური ბაქტერიები და ნაწოლი ნებისმიერი სარეაბილიტაციო ცენტრისთვის ზედმეტი თავის ტკივილია. მაშინაც კი, როცა საჩემო ცენტრი გამოჩნდება ნაწოლის და ბაქტერიების გამო ვერ ჩამიტარდება ბევრი მნიშვნელოვანი პროცედურა. ორივე მათგანით თბილისის "საუკეთესო" კლინიკამ დამასაჩუქრა.
ბარემ ნაწოლზე გეტყვით, ბევრი მირჩევს სხვადასხვა წამლებს, ზოგი საკუთარი გამოცდილებიდანაც, მაგრამ ჩემს შემთხვევაში მსგავსი წამლები არ გაამართლებს, ჰოსპიტალური ინფექციების თანაარსებობის გამო. ამიტომ ვერანაირ სხვა საშუალებას ვერ ვცდი, გარდა იმისა, რასაც გერმანელი პროფესორები მირჩევენ.
ნაწოლის მკურნალობაში გარკვეული პროგრესი არის, მაგრამ განკურნებამდე ჯერ მაინც შორია.
ასე, რომ ვარ სარეაბილიტაციო ცენტრის მოლოდინში. ისევ მაქვს ტრაქეოსტომა, რომელიც უეჭველად მოიხსნება და ხმასაც დავიბრუნებ. მაქვს გასტროსტომა, რადგან ყლაპვას ისევ ვერ ვახერხებ. ამასაც ეშველება. ხელის თითებს როდის მოვხრი და ავამოძრავებ ამის პროგნოზირება მიჭირს. ფეხბზე კი... კაცმა არ იცის რა იქნება.
უღრმესი მადლობა ყველას, ვისაც ვახსოვარ! სოფო პერიოდულად მახარებს თქვენი ამბებით, რაც ფეისბუქში მასთან ჩნდება ხოლმე. ზოგი დაოჯახებულა, ზოგს შვილი შესძენია. ყველას, საცოლეს და გასათხოვარს დაოჯახებას გისურვებთ. მე არავინ დამელოდოს, კაცმა არ იცის ჩემგან რა აეწყობა. ის კი ვიცი, რომ პროფესიას არ ვუღალატებ. ხმა რომ მქონდეს ახლაც კი ფორმაში ვარ.
ყველას ჯანმრთელობას, წარმატებებს, სიხარულს და ბედნიერებას გისურვებთ.
ისევ კარნახით ვაწერინებ ჩემს დას.
სიყვარულით, დათო".
შეგახსენებთ, 22 მაისის ღამით, მას შემდეგ რაც ქვეყანაში "კომენდანტის საათი" გაუქმდა, თბილისში, თამარაშვილის ქუჩაზე ავარია მოხდა, რა დროსაც მსუბუქი ავტომანქანა ველოსიპედისტს დაეჯახა.
მაშინვე გახდა ცნობილი, რომ ველოსიპედს დავით ანდღულაძე მართავდა. ფსიქიატრმა ავარიის შედეგად სერიოზული დაზიანებები მიიღო - მას გატეხილი ჰქონდა ნეკნები, ფილტვი - დაზიანებული, ასევე მიიღო ზურგის ტვინის დაზიანება.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მალე გამოჯანმრთელება დავით..ველოდებით სასიხარულო ამბებს..წარმატებები..წარმატებები.
3 თვის წინ არა, 2020 წლის და 22 მაისს!