სა­ქარ­თვე­ლო­ში ან­ტი­ვაქ­სე­რუ­ლი ჯგუ­ფე­ბი გან­სა­კუთ­რე­ბით მას შემ­დეგ გა­აქ­ტი­ურ­დნენ, რაც მო­სახ­ლე­ო­ბის­თვის „ფა­ი­ზე­რის“ ვაქ­ცი­ნა ხელ­მი­საწ­ვდო­მი გახ­და. ვაქ­ცი­ნა­ცი­ის მო­წი­ნა­აღ­მდე­გე აგი­ტა­ტო­რებ­მა სო­ცი­ა­ლურ ქსელ­ში გა­ჩა­ღე­ბუ­ლი პრო­პა­გან­და საკ­მა­რი­სად არ მი­იჩ­ნი­ეს და ქუ­ჩა­ში გა­მო­ვიდ­ნენ.

ან­ტი­ვაქ­სერ­თა პირ­ვე­ლი საპ­რო­ტეს­ტო აქ­ცია სწო­რედ იმ დღეს გა­ი­მარ­თა, როცა სა­ქარ­თვე­ლომ აშშ-სგან ნა­ხე­ვა­რი მი­ლი­ო­ნი დოზა "ფა­ი­ზე­რის" ვაქ­ცი­ნა სა­ჩუქ­რად მი­ი­ღო.

ვინ არი­ან ან­ტი­ვაქ­სე­რე­ბი და სა­ი­დან იღებს სა­თა­ვეს ან­ტი­ვაქ­სე­რუ­ლი მოძ­რა­ო­ბე­ბი?

ჯან­დაც­ვის სფე­როს ექ­სპერ­ტი აკა­კი ზო­ი­ძე სა­კუ­თარ ბლოგ­ში - "ვინ არი­ან და რა ამოძ­რა­ვებთ ან­ტი­ვაქ­სე­რებს“ ან­ტი­ვაქ­სე­რუ­ლი მოძ­რა­ო­ბის პრე­ის­ტო­რი­ას მოგ­ვი­თხრობს. ექ­სპერ­ტი სა­ერ­თა­შო­რი­სო სა­მეც­ნი­ე­რო მტკი­ცე­ბუ­ლე­ბებ­ზე დაყ­რდნო­ბით ამ­ბობს, რომ ან­ტი­ვაქ­სე­თა გზავ­ნი­ლე­ბი სა­უ­კუ­ნე­ე­ბის გან­მავ­ლო­ბა­ში არ შეც­ვლი­ლა. ისი­ნი იმა­ვე ცრუ არ­გუ­მენ­ტე­ბით აპე­ლი­რებ­დნენ მეთ­ვრა­მე­ტე სა­უ­კუ­ნე­შიც, რა­საც დღეს ვის­მენთ პი­რად სა­უბ­რებ­სა თუ სო­ცი­ა­ლურ ქსე­ლებ­ში.

ასევე დაგაინტერესებთ

10:13 / 11-08-2021

"ფეისბუქმა” რუსეთიდან მართულ ანტივაქსერულ კამპანიებში ჩართული ასობით ანგარიში წაშალა - როგორი სქემით მუშაობდნენ ვაქცინებისადმი უნდობლობის დასანერგად

"ან­ტი­ვაქ­სე­რუ­ლი მოძ­რა­ო­ბა არა­ხა­ლია, პირ­ვე­ლი ან­ტი­ვაქ­სე­რე­ბი ედუ­არდ ჯე­ნე­რის მიერ 1796 წელს ყვა­ვი­ლის ვაქ­ცი­ნის შე­მუ­შა­ვე­ბის პე­რი­ო­დი­დან გაჩ­ნდნენ. ყვა­ვი­ლი უმ­ძი­მე­სი და­ა­ვა­დე­ბა იყო, რო­მე­ლიც კლავ­და ყო­ველ მე­სა­მე ინ­ფი­ცი­რე­ბულს და რო­მე­ლიც სწო­რედ ვაქ­ცი­ნა­ცი­ის შე­დე­გად სრუ­ლად აღ­მო­ი­ფხვრა მთელ მსოფ­ლი­ო­ში, ისე­ვე რო­გორც ეს ცოტა ხან­ში მოხ­და მე­ო­რე უმ­ძი­მე­სი და­ა­ვა­დე­ბის – პო­ლი­ო­მი­ე­ლი­ტის შემ­თხვე­ვა­ში, რაც კა­ცობ­რი­ო­ბის ის­ტო­რი­ა­ში მე­დი­ცი­ნის და ზო­გა­დად მეც­ნი­ე­რე­ბის ერთ-ერთი უდი­დე­სი მიღ­წე­ვაა. ჯე­ნე­რის პე­რი­ო­დი­დან მო­ყო­ლე­ბუ­ლი, ან­ტი­ვაქ­სე­რე­ბი ცდი­ლობ­დნენ მოგ­ვლე­ნოდ­ნენ „თეთრ რა­ინ­დე­ბად“, რომ­ლე­ბიც სა­ზო­გა­დო­ე­ბის ში­შებს და ეჭ­ვებს გა­მო­ხა­ტავ­დნენ და ავ­რცე­ლებ­დნენ, რათა სა­კუ­თა­რი თა­ვე­ბი სა­ზო­გა­დო­ე­ბის ინ­ტე­რე­სე­ბის დამ­ცველ გმი­რე­ბად წარ­მო­ე­ჩი­ნათ.

ასე, მა­გა­ლი­თად, ოქსფორ­დის უნი­ვერ­სი­ტე­ტის მე­დი­ცი­ნის ის­ტო­რი­ის მკვლე­ვარს, პოლა ლარ­სონს "გარ­დი­ა­ნის" სტა­ტი­ა­ში მო­აქვს დოქ­ტორ ალექ­სან­დრე რო­სის (ექი­მის!) იმ დრო­ის­თვის პო­პუ­ლა­რუ­ლი პამ­ფლე­ტი, რო­მე­ლიც კა­ნა­და­ში ფარ­თოდ გავ­რცელ­და, რო­დე­საც მონ­რე­ალ­ში იყო ყვა­ვი­ლის ეპი­დე­მია 1885 წელს: ის არ­წმუ­ნებ­და მკი­თხველს, რომ ვაქ­ცი­ნა­ცია არ ახ­დენს ყვა­ვი­ლის პრე­ვენ­ცი­ას, მაგ­რამ იწ­ვევს ისე­თი „სა­ზი­ზღა­რი“ და­ა­ვა­დე­ბე­ბის გავ­რცე­ლე­ბას, რო­გო­რიც სი­ფი­ლი­სია (ათა­შან­გი) და თვი­თონ ყვა­ვი­ლიც ასე­ვე აც­რის შე­დე­გად ვრცელ­დე­ბა და „უც­ბად“ კლავს ბავ­შვებს (რო­სის სხვა თა­ნა­მო­აზ­რე­ე­ბი ამ­ტკი­ცებ­დნენ, რომ ეს აცრა ასე­ვე იწ­ვევს უნა­ყო­ფო­ბას)! მე­ტიც, ის ამ­ტკი­ცებ­და, რომ „მონ­რე­ალ­ში რე­ა­ლუ­რად ყვა­ვი­ლის ეპი­დე­მია არ არის და გვა­ტყუ­ე­ბენ" და რომც იყოს, ყვე­ლა­ზე სა­უ­კე­თე­სო სა­შუ­ა­ლე­ბა არის "სუფ­თა ჰა­ე­რი, ჰი­გი­ე­ნის დაც­ვა და ჯან­სა­ღი ცხოვ­რე­ბის წესი (ალ­კოჰო­ლის­გან თა­ვის შე­კა­ვე­ბა)“. "მტკი­ცე­ბუ­ლე­ბე­ბად" როსი სთა­ვა­ზობ­და რამ­დე­ნი­მე ინ­დი­ვი­დის აზრს, რო­მელ­თა წო­დე­ბე­ბი იწყე­ბო­და შთამ­ბეჭ­და­ვი პრე­ფიქ­სე­ბით: "პროფ"; "დოქ­ტო­რი", "სერ" და ა.შ...

ხომ არ გეც­ნო­ბათ ეს ყვე­ლა­ფე­რი? დარ­წმუ­ნე­ბუ­ლი ვარ, გეც­ნო­ბათ და არა­ერ­თი მსგავ­სი არ­გუ­მენ­ტი მო­გის­მე­ნი­ათ და „პამ­ფლე­ტი“ წა­გი­კი­თხავთ კო­ვიდ-19-ზე და მის სა­წი­ნა­აღ­მდე­გო ვაქ­ცი­ნებ­ზე, იმ მარ­ტი­ვი მი­ზე­ზე­ბის გამო, რომ ან­ტი­ვაქ­სე­რუ­ლი მოძ­რა­ო­ბა ამ პამ­ფლეტ­ში ასა­ხულ ნა­ცად ტაქ­ტი­კას და ხერ­ხებს იყე­ნებ­და და იყე­ნებს მთე­ლი მისი ის­ტო­რი­ის მან­ძილ­ზე“ - წერს ზო­ი­ძე.

ან­ტი­ვაქ­სე­რე­ბი და სა­ქარ­თვე­ლო

მე­დი­ის გან­ვი­თა­რე­ბის ფონ­დი კომ­პა­ნია "ფე­ის­ბუქ­თან" თა­ნამ­შრომ­ლო­ბით აქ­ტი­უ­რად იბ­რძვის ქარ­თუ­ლი ან­ტი­ვაქ­სე­რუ­ლი პრო­პა­გან­დის წი­ნა­აღ­მდეგ. ორ­გა­ნი­ზა­ცია ინ­ტენ­სი­უ­რად ადევ­ნებს თვალ-ყურს ტრა­დი­ცი­ულ მე­დი­ა­სა და სო­ცი­ა­ლურ ქსე­ლებ­ში გავ­რცე­ლე­ბულ ვაქ­ცი­ნა­ცი­ის სა­წი­ნა­აღ­მდე­გო გზავ­ნი­ლებს.

ორ­გა­ნი­ზა­ცი­ის აღ­მას­რუ­ლე­ბე­ლი დი­რექ­ტო­რი თა­მარ კინ­წუ­რაშ­ვი­ლი გვე­უბ­ნე­ბა, რომ "ფა­ი­ზე­რით" ვაქ­ცი­ნა­ცი­ის გა­აქ­ტი­უ­რე­ბის პა­რა­ლე­ლუ­რად, გა­ი­ზარ­და ყალ­ბი ინ­ფორ­მა­ცი­ის გავ­რცე­ლე­ბის ნა­კა­დი. მისი თქმით, 24 ივ­ლი­სი­დან მო­ყო­ლე­ბუ­ლი, მას შემ­დეგ, რაც აშშ-ს ნა­ჩუ­ქა­რი 0.5 მლნ დოზა ვაქ­ცი­ნა სა­ქარ­თვე­ლო­ში ჩა­მო­ვი­და, ყალ­ბად სულ მცი­რე 200 პოს­ტი მო­ნიშ­ნეს.

"2020 წლი­დან არა­ერ­თი ყალ­ბი ან­გა­რი­ში გა­მო­ვავ­ლი­ნეთ. მას შემ­დეგ, რაც "ფა­ი­ზე­რის" ვაქ­ცი­ნა ჩა­მო­ვი­და, ჩვენ ვნა­ხეთ დე­ზინ­ფორ­მა­ცი­ის ნა­კა­დის გაზ­რდა, რაც გვიქ­მნის შთა­ბეჭ­დი­ლე­ბას, რომ ან­ტი­ვაქ­სე­რულ მოძ­რა­ო­ბას აქვს ორ­გა­ნი­ზე­ბუ­ლი სახე. ამას მოწ­მობს ისიც, რომ მათ მიერ გა­მარ­თულ საპ­რო­ტეს­ტო აქ­ცი­ა­ზე ჩან­დნენ არამ­ხო­ლოდ ან­ტი­ვაქ­სე­რე­ბი, არა­მედ ლე­ვან ვა­სა­ძის მოძ­რა­ო­ბის წარ­მო­მად­გენ­ლე­ბიც. ისი­ნი აქ­ცი­ის მე­დი­ით გა­შუ­ქე­ბა­საც უზ­რუნ­ველ­ყოფ­დნენ. სწო­რედ ამ ჯგუ­ფებ­თან არის და­კავ­ში­რე­ბუ­ლი ის ფე­ის­ბუქ-ან­გა­რი­შე­ბი, რომ­ლე­ბიც ინ­ტენ­სი­უ­რად ცდი­ლო­ბენ მა­ნი­პუ­ლა­ცი­უ­რი და დე­ზინ­ფორ­მა­ცი­ის შემ­ცვე­ლი ცნო­ბე­ბი გა­ავ­რცე­ლონ სო­ცი­ა­ლუ­რი ქსე­ლე­ბის მეშ­ვე­ო­ბით. აღ­სა­ნიშ­ნა­ვია, რომ ჩი­ნუ­რი ვაქ­ცი­ნის ჩა­მოს­ვლი­სას ასე­თი მძლავ­რი ან­ტი­ვაქ­სე­რუ­ლი ტალ­ღა არ ყო­ფი­ლა“, - ეუბ­ნე­ბა Ambebi.ge -ს თა­მარ კინ­წუ­რაშ­ვი­ლი.

ყვე­ლა­ზე მე­ტად ვის აძ­ლევს ხელს ან­ტი­ვაქ­სე­რუ­ლი კამ­პა­ნი­ის გა­ჩა­ღე­ბა სა­ქარ­თვე­ლო­ში - დგას თუ არა რუ­სე­თი ამის უკან?!

BBC-ის ინ­ფორ­მა­ცი­ით, "ფე­ის­ბუქ­მა" წა­შა­ლა ასო­ბით ან­გა­რი­ში, რომ­ლე­ბიც, კომ­პა­ნი­ის გან­მარ­ტე­ბით, ჩარ­თუ­ლე­ბი იყ­ვნენ რუ­სე­თი­დან მარ­თულ ან­ტი­ვაქ­სე­რულ დე­ზინ­ფორ­მა­ცი­ულ კამ­პა­ნი­ებ­ში.

“ფე­ის­ბუ­ქის“ თა­ნახ­მად, ან­გა­რი­შე­ბის ქსე­ლის სა­მიზ­ნე იყო ინ­დო­ე­თი, ლა­თი­ნუ­რი ამე­რი­კა და აშშ. ისი­ნი ცდი­ლობ­დნენ ინფლუ­ენ­სე­რე­ბის მი­ზიდ­ვას ცრუ ინ­ფორ­მა­ცი­ის გა­სავ­რცე­ლებ­ლად, რათა ამ გზით კო­ვიდ 19-ის სა­წი­ნა­აღ­მდე­გო ვაქ­ცი­ნე­ბის მი­მართ სა­ზო­გა­დო­ე­ბის ნდო­ბა შე­ერ­ყი­ათ.

სპე­ცი­ა­ლის­ტე­ბის თქმით, არ არის გა­მო­რი­ცხუ­ლი ქარ­თუ­ლი ან­ტი­ვაქ­სე­რუ­ლი მოძ­რა­ო­ბე­ბის უკა­ნაც რუ­სუ­ლი ინ­ტე­რე­სე­ბი იდ­გეს.

"მე­დი­ის გან­ვი­თა­რე­ბის ფონ­დის" კვლე­ვამ ამ მხრივ არა­ერ­თი სა­გუ­ლის­ხმო მიგ­ნე­ბა აღ­მო­ა­ჩი­ნა. თა­მარ კინ­წუ­რაშ­ვი­ლის თქმით, ისი­ნი, ვინც სხვა­დას­ხვა სა­შუ­ა­ლე­ბით ვაქ­ცი­ნა­ცი­ის სა­წი­ნა­აღ­მდე­გო მო­საზ­რე­ბებს გა­მოთ­ქვამ­დნენ, რუ­სუ­ლი ვაქ­ცი­ნის უპი­რა­ტე­სო­ბა­ზე ამახ­ვი­ლებ­დნენ ყუ­რა­დღე­ბას.

"თუ ან­ტი­ვაქ­სე­რი ხარ, ყვე­ლა ვაქ­ცი­ნის მი­მართ უნდა იყო ან­ტი­ვაქ­სე­რი. ადა­მი­ან­თა გარ­კვე­უ­ლი ჯგუ­ფე­ბი კი წერ­დნენ, რომ ყვე­ლა ვაქ­ცი­ნა ცუ­დია, გარ­და რუ­სუ­ლი­სა. ისი­ნი ამ­ბობ­დნენ, რომ თუ მა­ინ­ცდა­მა­ინც გა­და­წყვეტ­დნენ ვაქ­ცი­ნის გა­კე­თე­ბას, ეს მხო­ლოდ რუ­სუ­ლი წარ­მო­ე­ბის იქ­ნე­ბო­და. ეს და სხვა გა­რე­მო­ე­ბე­ბი ტო­ვებს შთა­ბეჭ­დი­ლე­ბას, რომ ან­ტი­ვაქ­სე­რუ­ლი გან­წყო­ბე­ბის უდი­დე­სი ნა­წი­ლი უფრო პო­ლი­ტი­კუ­რი დღის წეს­რი­გის ნა­წი­ლია, ვიდ­რე ადა­მი­ა­ნუ­რი შიში", - ეუბ­ნე­ბა Ambebi.ge ს თა­მარ კინ­წუ­რაშ­ვი­ლი.

ჯან­დაც­ვის ექ­სპერ­ტი აკა­კი ზო­ი­ძე ფიქ­რობს, რომ სა­ქარ­თვე­ლო­ში ვაქ­ცი­ნა­ცი­ის კამ­პა­ნი­ის ჩა­ვარ­დნა ყვე­ლა­ზე მე­ტად აძ­ლევს ხელს რუ­სეთს. მისი დაკ­ვირ­ვე­ბით, ან­ტი­ვაქ­სე­რულ ჯგუ­ფებ­ში გავ­რცე­ლე­ბუ­ლი ცრუ ინ­ფორ­მა­ცი­ე­ბის დიდი ნა­წი­ლი რუ­სუ­ლე­ნო­ვა­ნი წყა­რო­ე­ბია.

"ეს არის რუ­სუ­ლად ნა­თარ­გმნი, ან რუ­სუ­ლი სა­ი­ტე­ბი­დან აღე­ბუ­ლი ცნო­ბე­ბი. მო­დით, ასე ვთქვათ, რად უნ­დათ რუ­სებს ტან­კე­ბის შე­მოგ­ლი­ჯი­ნე­ბა, რო­დე­საც შე­უძ­ლი­ათ ძა­ლი­ან მი­ნი­მა­ლურ ფა­სად ჩა­აგ­დონ ვაქ­ცი­ნა­ცი­ის პრო­ცე­სი და ამით რე­ა­ლუ­რი საფრ­თხე მი­ა­ყე­ნონ ჩვე­ნი ქვეყ­ნის უსაფრ­თხო­ე­ბას. საკ­მა­რი­სია, მათ ეს მო­ა­ხერ­ხონ, რომ ჩა­მო­ი­შა­ლოს ქვე­ყა­ნა და მუდ­მი­ვად და­ზაფ­რულ მდგო­მა­რე­ო­ბა­ში აღ­მოვ­ჩნდეთ. მათ­თვის ეს არის იდე­ა­ლუ­რი და ია­ფ­ფა­სი­ა­ნი სა­შუ­ა­ლე­ბა ჩვენს გა­სა­ნად­გუ­რებ­ლად" - გვე­უბ­ნე­ბა აკა­კი ზო­ი­ძე.

რო­გორ უნდა ებ­რძო­ლოს სა­ხელ­მწი­ფო ან­ტი­ვაქ­სე­რებს?

ჯან­დაც­ვის მი­ნის­ტრის მო­ად­გი­ლე თა­მარ გა­ბუ­ნი­ამ გა­ნა­ცხა­და, რომ სა­მი­ნის­ტრო იწყებს აქ­ტი­ურ სა­ინ­ფორ­მა­ციო კამ­პა­ნი­ას ვაქ­ცი­ნა­ცი­ის პრო­ცე­სის გა­აქ­ტი­უ­რე­ბის ხელ­შე­წყო­ბის მიზ­ნით. მისი თქმით, იგეგ­მე­ბა სპე­ცი­ა­ლის­ტე­ბის ვი­ზი­ტე­ბი რე­გი­ო­ნებ­ში და მო­სახ­ლე­ო­ბას­თან პი­რის­პირ შეხ­ვედ­რე­ბი.

აკა­კი ზო­ი­ძის გან­მარ­ტე­ბით, სა­ხელ­მწი­ფოს მიერ მი­ღე­ბუ­ლი ეს გა­და­წყვე­ტი­ლე­ბა გარ­კვე­ულ­წი­ლად დაგ­ვი­ა­ნე­ბუ­ლია.

"სამ­წუ­ხა­როდ, გვი­ან ვი­წყებთ პრო­ვაქ­სე­რულ კამ­პა­ნი­ას, ეს მი­ნი­მუმ 4-5 თვით ადრე უნდა გაგ­ვე­კე­თე­ბი­ნა, რომ ახლა შე­დე­გი გვქო­ნო­და. თუმ­ცა სჯობს გვი­ან, ვიდ­რე არას­დროს. ეს უნდა იყოს მა­სობ­რი­ვი ძა­ლის­ხმე­ვა და ამა­ში მო­ქა­ლა­ქე­ებ­მაც უნდა შე­ვუ­წყოთ ხელი სა­ხელ­მწი­ფოს. ჯერ­ჯე­რო­ბით ეფექ­ტი­ა­ნი, მი­ზან­მი­მარ­თუ­ლი და თან­მიმ­დევ­რუ­ლი კო­მუ­ნი­კა­ცია სა­ხელ­მწი­ფოს მხრი­დან არ წარ­მო­ებს, მა­შინ, რო­დე­საც კო­ვიდ-19-თან ერ­თად გა­აქ­ტი­უ­რე­ბუ­ლი ან­ტი­ვაქ­სე­რუ­ლი მოძ­რა­ო­ბა აგ­რე­სი­ულ, კარ­გად ორ­გა­ნი­ზე­ბულ და თან­მიმ­დევ­რულ კამ­პა­ნი­ას აწარ­მო­ებს კო­ვიდ-19- ის საფრ­თხის ნი­ვე­ლი­რე­ბი­სა და ვაქ­ცი­ნე­ბის სა­წი­ნა­აღ­მდე­გოდ გლო­ბა­ლუ­რად და სა­ქარ­თვე­ლო­ში, სა­ხელ­მწი­ფო მუდ­მი­ვად უნდა აკონ­ტრო­ლებ­დეს, თუ რა ინ­ფორ­მა­ცი­ას ავ­რცე­ლე­ბენ ან­ტი­ვაქ­სე­რე­ბი, რა ახალ ბერ­კე­ტებს იმუ­შა­ვე­ბენ ხალ­ხის შეც­დო­მა­ში შე­საყ­ვა­ნად და მი­ზან­მი­მარ­თუ­ლად ებ­რძო­ლოს მათ. გარ­და ამი­სა, კარ­გი იქ­ნე­ბა გარ­კვე­უ­ლი ბე­ნე­ფი­ტე­ბის შე­მო­ღე­ბა აც­რილ­თათ­ვის, რათა ეს სტი­მუ­ლი გახ­დეს სხვე­ბის­თვის" - გვე­უბ­ნე­ბა აკა­კი ზო­ი­ძე.

რო­გორ უნდა ვებ­რძო­ლოთ თი­თო­ე­უ­ლი ჩვენ­გა­ნი

ყვე­ლა თან­ხმდე­ბა იმა­ში, რომ პან­დე­მი­ის წი­ნა­აღ­მდეგ ბრძო­ლა­ში ყვე­ლა­ზე დიდი როლი თი­თო­ე­უ­ლი ადა­მი­ა­ნის მო­ქა­ლა­ქე­ობ­რივ პა­სუ­ხის­მგებ­ლო­ბას და თვით­შეგ­ნე­ბას ენი­ჭე­ბა. რე­გუ­ლა­ცი­ე­ბის დაც­ვი­სა და აც­რის გარ­და, ახლა სა­ხელ­მწი­ფობ­რი­ვად მო­აზ­როვ­ნე თი­თო­ე­ულ მო­ქა­ლა­ქეს კი­დევ ერთი ვალი აქვს - შე­ი­ტა­ნოს სა­კუ­თა­რი წვლი­ლი ან­ტი­ვაქ­სე­რუ­ლი პრო­პა­გან­დის გა­უვ­ნე­ბელ­ყო­ფა­ში.

ჯან­დაც­ვის ექ­სპერ­ტი ფსი­ქო­ლო­გი­ურ მეც­ნი­ე­რე­ბებ­ზე და­ფუძ­ნე­ბულ რამ­დე­ნი­მე რე­კო­მენ­და­ცი­ას გვთა­ვა­ზობს.

"არა­ვი­თარ შემ­თხვე­ვა­ში პო­ლე­მი­კა­ში არ შეხ­ვი­დეთ ან­ტი­ვაქ­სე­რებ­თან სო­ცი­ა­ლუ­რი ქსე­ლის მეშ­ვე­ო­ბით. სა­უ­კე­თე­სო გა­მო­სა­ვა­ლია იგ­ნო­რი და დაბ­ლოკ­ვა. გარ­და ამი­სა, ნუ გა­ა­ზი­ა­რებთ თუნ­დაც უარ­ყო­ფით კონ­ტექ­სტში მათ პოს­ტებს, რად­გან ისი­ნი ამით სარ­გე­ბელს ნა­ხუ­ლო­ბენ. ვინც ფუ­ლის სა­ნაც­ვლოდ ეწე­ვა ასეთ პრო­პა­გან­დას, გა­სამ­რჯე­ლოს სწო­რედ მო­პო­ვე­ბუ­ლი გა­ზი­ა­რე­ბე­ბი­სა და ნახ­ვე­ბის შე­სა­ბა­მი­სად იღებს.

თუ ან­ტი­ვაქ­სე­რი ჩვე­ნი ახ­ლო­ბე­ლია, ვე­სა­უბ­როთ პი­რად­ში და ვე­ცა­დოთ, რომ გა­და­ვარ­წმუ­ნოთ. ბოლო კვლე­ვე­ბით, ჩვე­ნი მო­სახ­ლე­ო­ბის 50% მზად არის, რომ აიც­რას. ამი­ტომ თუ ჩვენ ვეც­დე­ბით, მათი ში­შე­ბის გა­ქარ­წყლე­ბას რე­ა­ლუ­რი ინ­ფორ­მა­ცი­ის მი­წო­დე­ბით, მნიშ­ვნე­ლო­ვან საქ­მეს გა­ვა­კე­თებთ. ჭეშ­მა­რი­ტი ან­ტი­ვაქ­სე­რი, რო­მე­ლიც რე­ლი­გი­უ­რი ფა­ნა­ტიზ­მის დო­ნე­ზე ქა­და­გებს, სულ 5-10 %-ია. და­ნარ­ჩე­ნი ნა­წი­ლი უბ­რა­ლოდ, ზე­გავ­ლე­ნის ქვეშ არის მოქ­ცე­უ­ლი. შე­სა­ბა­მი­სად, მათი გად­მო­ბი­რე­ბა კვა­ლი­ფი­ცი­უ­რი ახ­სნა-გან­მარ­ტე­ბი­თა და ყვე­ლა მათ კი­თხვა­ზე პა­სუ­ხის გა­ცე­მის შემ­თხვე­ვა­ში, შე­საძ­ლე­ბე­ლია" - გვიხ­სნის აკა­კი ზო­ი­ძე.

ან­ტი­ვაქ­სე­რულ მოძ­რა­ო­ბას მო­მა­ვა­ლი არ აქვს

რო­გორც მთელ მსოფ­ლი­ო­ში, ისე სა­ქარ­თვე­ლო­ში ვაქ­ცი­ნა­ცი­ის დღი­უ­რი მაჩ­ვე­ნე­ბე­ლი სულ უფრო იზ­რდე­ბა. უახ­ლე­სი სტა­ტის­ტი­კუ­რი მო­ნა­ცე­მე­ბით, სა­ქარ­თვე­ლო­ში სულ აც­რი­ლია - 715919 ადა­მი­ა­ნი. მხო­ლოდ ერთ დღე­ში, 11 აგ­ვის­ტოს 25933 პირი აიც­რა.

სპე­ცი­ა­ლის­ტე­ბი ამ­ბო­ბენ, რომ სა­ზო­გა­დო­ე­ბის ნა­წილ­ში აც­რე­ბი­სად­მი სკეპ­ტი­კუ­რი და­მო­კი­დე­ბუ­ლე­ბა ყო­ველ­თვის არ­სე­ბობ­და, თუმ­ცა ის­ტო­რი­ამ აჩ­ვე­ნა, რომ სა­ბო­ლო­ოდ, დო­მი­ნი­რე­ბას მა­ინც მეც­ნი­ე­რულ მტკი­ცე­ბუ­ლე­ბებ­ზე და­ფუძ­ნე­ბუ­ლი გან­წყო­ბე­ბი ახერ­ხებ­დნენ. სწო­რედ ასე შეძ­ლო მე­დი­ცი­ნამ და­ე­მარ­ცხე­ბი­ნა კა­ცობ­რი­ო­ბის ის­ტო­რი­ა­ში არა­ერ­თი მკვლე­ლი და­ა­ვა­დე­ბა და ადა­მი­ა­ნე­ბის­თვის სი­ცო­ცხლე ეჩუ­ქე­ბი­ნა. წი­თე­ლა, წი­თუ­რა, ყბა­ყუ­რა, ტუ­ბერ­კუ­ლო­ზი, ტე­ტა­ნუ­სი - ეს იმ ვე­რა­გი და­ა­ვა­დე­ბე­ბის არას­რუ­ლი ჩა­მო­ნათ­ვა­ლია, რო­მე­ლე­ბიც ვაქ­ცი­ნამ სრუ­ლად გა­ა­უვ­ნე­ბელ­ყო.

თუმ­ცა არ­ცერთ ასეთ გა­მარ­ჯვე­ბას ძა­ლის­ხმე­ვის გა­რე­შე არ ჩა­უვ­ლია. აქ­ტი­უ­რი სა­ინ­ფორ­მა­ციო კამ­პა­ნი­ე­ბის წარ­მო­ე­ბა თუ პი­რა­დი მა­გა­ლი­თე­ბის მი­ცე­მა ყო­ველ­თვის სა­ჭი­რო იყო.

1956 წელს, ედ სა­ლი­ვა­ნის შო­უ­ში, იმ დრო­ის­თვის ყვე­ლა­ზე პო­პუ­ლა­რუ­ლი ამე­რი­კე­ლი, ელ­ვის პრეს­ლი პო­ლი­ო­მი­ე­ლიტ­ზე სა­ჯა­როდ აიც­რა, რის შე­დე­გა­დაც ამე­რი­კა­ში აც­რე­ბის რა­ო­დე­ნო­ბა 0.6%-დან 80%-მდე გა­ი­ზარ­და.

არ­სე­ბობს ის­ტო­რი­უ­ლი ცნო­ბა, რომ რო­დე­საც ქარ­თლში შავი ჭი­რის და ყვა­ვი­ლის ეპი­დე­მი­ე­ბი მძვინ­ვა­რებ­და, ერეკ­ლე მე­ო­რემ 1772 წელს თა­ვი­სი ვაჟი იუ­ლო­ნი სა­ჯა­როდ ააც­რე­ვი­ნა, რის შემ­დე­გაც ხალ­ხი ენდო სი­ახ­ლეს და მა­თაც მა­სობ­რი­ვად და­ი­წყეს სა­კუ­თა­რი შვი­ლე­ბის აცრა.

მთა­ვა­რი ფოტო: მე­დი­ის გან­ვი­თა­რე­ბის ფონ­დი