14
მაისიდღის ზოგადი ასტროლოგიური პროგნოზი
ქალაქის ისტორიულ უბანს კიდევ ერთი ახალი, განსხვავებული კონცეფციის მქონე რესტორანი შეემატა. „Orbeliani Garden“ - ი ხაზინის ქუჩაზე (ორბელიანის მოედანზე) გაიხსნა, ადგილზე, რომელიც ჩვენი ქვეყნის წარსულიდან მრავალ საინტერესო ისტორიას იტევს. ამ ისტორიისა და მისი თანამედროვეობასთან ავთენტურად შერწყმის ამბავს კი „ორბელიანის ბაღი“ გვიყვება.
რესტორნის ეზოში შესვლისთანავე მიხვდებით, რომ სიმწვანე და მინიმალიზმი ამ ადგილის მთავარი ხაზია. თავად რესტორნის შიდა სივრცე კი თანამედროვეობის სრულ გამოხატულებასთან ერთად სიძველის ელემენტების შენარჩუნებას ემსახურება. აქ მუდამ ისმის გემოვნებიანი ფონური მუსიკა, პარასკევიდან კვირის ჩათვლით კი, ცოცხალი მუსიკის დღეები იმართება.
ვირტუალურად რომ გამოგზაუროთ, დეტალურად მოგიყვებით ჩემი კულინარიული აღმოჩენების შესახებ „ორბელიანის ბაღში“.
საკმაოდ საინტერესო მენიუდან, რამდენიმე კერძი შევარჩიე დასაგემოვნებლად. სამზარეულოდან პირველი შეფის კომპლიმენტი - ამუსბუში შემომაგებეს. სპეციალური რეცეპტით დამზადებული პური მადის აღსაძვრელად ნადუღის კრემთან და ბაზილიკის ზეთთან ერთად დავაგემოვნე. მესიამოვნა შეფის კომპლიმენტი.
აპეტაიზერებიდან ჩერი პომიდვრის ხემსი შევარჩიე პარმეზანისა და ნიგვზის პესტოთი. ამ ქართულ-ევროპულმა კერძმა ჯერ ვიზუალით, შემდეგ კი გემოებით მომხიბლა. როგორც რესტორნის მიმატნმა - ევამ (სახელი დამამახსოვრდა) ამიხსნა, მწვანე ბაზილიკის ზეთთან ერთად კახური ზეთი და ვაშლის ძმარიც ყოფილა გამოყენებული.
ამ ჩამონათვალიდან ვერც ჭარხლის ტარტარს კივისა და ტარხუნის სოუსით ავუარე გვერდი. როგორც ამიხსნეს ამ კერძში სამი სახის ჭარხალია გამოყენებული: გამომცხვარი, ვარდისფერ ცქრიალა ღვინოში დამარინადებული და მიწის სახით. ლიმონის ქერქი ძველი კახეთის კონიაკში იყო დამარინადებული. აპეტაიზერის ეს გემოები სვანურმა ყველმა - ნაჩვმა და მდოგვის მარცვლების მარინადმა კიდევ უფრო გაამდიდრა.
მთავარ კერძებზე გადასვლისას ხბოს აფხაზურა ელარჯის რგოლით შევარჩიე - სახელი უკვე გემრიელად ჟღერდა. დაგემოვნებისას შემწვარმა ელარჯმა კიდევ უფრო მომხიბლა. ხბოსა და ღორის ხორცის აფხაზურამ კი, პომიდვრის სოუსთან ერთად გემოების სრული აფეთქება მოახდინა.
ჩემი სტუმრობა „ორბელიანის ბაღში“ თითქოს დასასრულისკენ უნდა წასულიყო. მაგრამ, გრილზე მომზადებული ბურგერის დაგემოვნებაზე უარი ვერ ვთქვი. წვნიანი, 100% საქონლის ხორცი, პური ბრიოში და ნახევრად ტკბილ ქინძმარაულში ჩაშუშული ხახვის ჯემი - დაგემოვნებისას თითქოს პირში დნებოდა.
რაც მთავარია, დრო. მხოლოდ 15-15 წუთი მომიწია ლოდინი აპეტაიზერიდან ძირითად კერძზე, ძირითადიდან კი გრილზე მომზადებულზე რომ გადავსულიყავი.
და ბოლოს, ამ კერძების შემოქმედზე, „ორბელიანის ბაღის“ შეფ-მზარეულზე მოგიყვებით, რომელსაც ქართული კულინარია და ჩვენი სამზარეულოს სახელი მრავალჯერ წარუდგენია საქართველოს ფარგლებს გარეთ. საერთაშორისო კონკურსების არაერთგზის მონაწილე ახლა უკვე „ორბელიანის ბაღში“ გელოდებათ, რათა საკუთარი ინსპირაცია, ხედვები და გემოები თქვენამდე მოიტანოს.
R
მიყვარს ეს ადგილი
ეს 100% საქონლის ღორცი რა ნიშნავს? არის კიდევ სხვა საქონლის ხორცი რომელიც 90% ან 50%-ია?