14
მაისიდღის ზოგადი ასტროლოგიური პროგნოზი
დასასვენებლად ავტომობილით წასვლა სხვა არაერთ საკითხთან ერთად წინასწარ ავტომობილის მომზადებასაც გულისხმობს. ეს შეიძლება მარტივად ჟღერს, მაგრამ ასე ნამდვილად არაა. შეიძლება თქვენ თვლით, რომ ავტომობილი გამართულია და შორ გზაზეც ისევე კომფორტულად და უსაფრთხოდ მოგემსახურებათ, როგორც ქალაქში მოძრაობის დროს ხდება. მაგრამ გაითვალისწინეთ, რომ შორი მანძილის დაფარვა მანქანისთვის უფრო რთული დავალებაა, ვიდრე სამსახურიდან სახლამდე გადაადგილება. ქალაქგარეთ ხშირად გიწევთ არასწორ რელიეფზე გადაადგილება და უფრო მეტი შანსია, რომ ამინდის მოულოდნელ ცვლილებაში, მაგალითად, გაუთვალისწინებელ თავსხმა წვიმაში მოყვეთ.
სწორედ ამიტომ შორ გზაზე წავლამდე უნდა დარწმუნდეთ, რომ ავტომობილი 100%–ით გამართული და მომზადებულია. ხოლო თუ რას ნიშნავს, ავტომობილის მომზადება „თეგეტა მოტორსის“ სერვისების მართვის დეპარტამენტის უფროსი ლევან სუხიტაშვილი დეტალურად გვესაუბრება.
როგორ უნდა მოვამზადოთ მანქანა შორ გზაზე წასასვლელად?
შორ გზაზე გადასაადგილებლად ავტომობილის მომზადება ორ საკითხს მოიცავს: უსაფრთხოებასა და კომფორტს. პირველი არის უმთავრესი, თუმცა მეორეც არანაკლებ მნიშვნელოვანია.
როგორ უნდა მოვამზადოთ მანქანა? ამ კითხვაზე სრულყოფილი პასუხის გაცემა ავტომფლობელს არ შუძლია და საჭიროა, რომ სპეციალისტმა შეამოწმოს ავტომობილი. არსებობს სტანდარტული პარამეტრები, რომელზეც მანქანა უნდ შემოწმდეს და აღმოჩენილი ხარვეზები გამოსწორდეს. ამ მონაცემებში პირველ ადგილზე კი არის სავალი ნაწილი.
რა ნაწილებს მოიცავს სავალი ნაწილი და კონკრეტულად რა უნდა შემოწმდეს შორ გზაზე წასვლამდე?
სავალი ნაწილი არის იმ მრავალი დეტალის ერთობლიობა, რომელიც ავტომობილის გადაადგილებას უზრუნველყოფს. მისი გამართულობა კავშირშია როგორც უსაფრთხოებასთან, ისე კომფორტთან. ერთ-ერთი მთავარი შემადგენელი ნაწილია საბურავები. უნდა შევამოწმოთ სეზონური საბურავი უყენია თუ არა ავტომობილს, ექსპულატაციის ვადა გასული ხომ არ აქვს. გარდა იმისა, რომ უხარისხო საბურავი სამუხრუჭე დისტანციას აგრძელებს და საფრთხეს გიქმნით, ასევე იწვევს ზედმეტ ხმაურს გადაადგილებისას და ასეთი საბურავით გადაადგილება არის საკმაოდ არაკომფორტული და საფრთხის შემცველიც. სავალი ნაწილის ერთ–ერთი მთავარი კვანძი, რომელიც უსაფრთხოებასთან არის კავშირში, სამუხრუჭე სისტემაა.
საჭიროა თუ არა შემოწმდეს ძრავის გამართულობა და როგორ ხდება ეს?
აუცილებლად უნდა შემოწმდეს ძრავის გაგრილების სისტემა. შორ გზაზე წასულებს ხშირად გვიწევს არასწორ რელიეფზე სიარული, ამიტომ ძრავი გადახურებისგან უნდა დავიცვათ. ამისთვის საჭროა, რომ გაგრილების სისტემაში ზამთარშიც და ზაფხულშიც ანტიფრიზი ესხას. ანტიფრიზის დუღილის ტემპერატურა წყლისგან განსხვავდება და ის უფრო მაღალია. ამიტომ ზაფხულის სიცხეში და დიდ დატვირთვაზე მანქანას წყლის ადუღებისგან დავიცავთ. წინააღმდეგ შემთხვევაში შეიძლება ძრავის სერიოზული დაზიანებაც კი გამოვიწვიოთ.
გადაცემათა კოლოფის გამართულობისთვის კონკრეტულად რა უნდა შემოწმდეს?
გადაცემათა კოლოფში არსებული შესაპოხი სითხე უნდა იყოს დროულად შეცვლილი. ზოგადად, ამ სითხის ხშირი გამოცვლა არაა საჭირო და სწორედ ამიტომ არ აქცევენ ხოლმე ყურადღებას ავტომფლობელები. შორ გზაზე წასვლისა და დიდი დატვირთვის დროს კი ზეთი, რომლის ხარისხი უკვე გაფუჭებულია, შეიძლება ადუღდეს და დიდი პრობლემები შეგიქმნათ. სწორედ ამიტომ არის აუცილებელი გადაცემათა კოლოფში ზეთის შემოწმება.
კიდევ რა დეტალები უნდა შემოწმდეს შორ გზაზე წასვლამდე?
რეგლამენტის მიხედვით ეს არის ფილტრები როგორც ზეთის, ისე საწვავის და სალონის. მაგალითად, თქვენ შეიძლება საერთოდ ვერ ამჩნევდეთ, რომ საწვავის ფილტრი დაზიანებულია, შორ გზაზე კი მოულოდნელად გაფუჭდეს და შუა გზაზე მანქანა გაგიჩერდეთ.
ერთი შეხედვით, უპრობლემო საკითხია, მაგრამ შეიძლება საფრთხე შეგიქმნათ წინა მაშუქებმა. გარდა იმისა, რომ ნათურა არ უნდა იყოს გადამწვარი, უნდა დარწმუნდეთ, რომ შუქის მიმართულება არის სწორი. გარკვეული ტექნიკური ჩარევების დროს, ხდება ხოლმე ნათურების მოხსნა და ხელახლა დამაგრება. დამაგრების შემდეგ კი მიმართულების გასწორება არ ხდება. ავტომფლობელმა ხშირად არც იცის, რომ საჭიროა მაშუქის სინათლის სხივის გასწორება გასწორება. არასწორი ნათების შემთხვევაში გზაზე გარკვეული საფრთხე შეიძლება შეგექმნათ როგორც თქვენ, ასევე, შემხვედრ ნაკადსაც.
კიდევ ერთი საკითხი არის მინისმწმენდები. სისტემაში წყალთან ერთად ჩასხმული უნდა იყოს შესაბამისი ქაფოვანი სითხე, რომელიც საქარე მინას კარგად აპირიალებს. აშორებს მწერებსაც, რომლებიც მაღალ სიჩქარეზე სიარულის დროს ინტესიურად ეკვრება მინას.
რას ურჩევთ ავტომფლობელებს, რომ შორ გზაზე მგზავრობა მაქსიმალურად კომოფრტული იყოს?
ამისთვის კონდინცირების სისტემა არის უმნიშვნელოვანესი. ის უნდა იყოს ფრეონით დატუმბული, თუმცა ეს საკმარისი არაა. უნდა შეიცვალოს სალონის ფილტრიც, რომ მივიღოთ სათანადო სიგრილე და თავიდან ავიცილოთ არასასიამოვნო სუნი. კონდინცირების სისტემაში ილექება მტვერი, ჩნდება ბაქტერიები, რაც საბოლოოდ იწვევს არასაიამოვნო სუნს.
შორ გზაზე წასასვლელად ავტომობილის მომზადება რამდენი ხნით ადრე უნდა დავიწყოთ?
ზოგადად, მანქანის გამართულობა მხოლოდ შორ გზაზე წასვლის წინ არ უნდა შევამოწმოთ და ეს ჩვევაში უნდა გვქონდეს მთელი წლის განმავლობაში. თუმცა შორ გზაზე წასვლა დამატებით რისკებთანაა დაკავშრებული და ამიტომ მომზადება მინიმუმ 2 კვირით ადრე უნდა დავიწყოთ. შემოწმების დროს, შეიძლება ისეთი სათადარიგო ნაწილი აღმოჩნდეს დაზიანებული, რომელსაც ადგილობრივად ვერ ვიშოვით და გამოწერა გახდეს საჭირო. ამიტომ აუცილებელია შემოწმება 2–3 კვირით ადრე ჩავუტაროთ. ეს პერიოდი გვაზღვევს, რომ მანქანა სრულყოფილად მოვაწესრიგოთ.
სამწუხაროდ, ხშირია შემთხვევები როდესაც წასვლის დღეს დილით შემოივლიან და მანქანას გვამოწმებინებენ. ასეთ დროს ბევრი ჩაშლილი მოგზაურობაც გვინახავს, რადგან მანქანას ისეთი პრობლემა აღმოჩენია, რომ წასვლა უბრალოდ შეუძლებელი იყო.
ამ მიმართულებით პაკეტური შეთავაზებები თუ გაქვთ?
დიახ, რა თქმა უნდა, გვაქვს, მაგრამ ამ შეთავაზებებს უმეტესად ავტომობილის ყიდვა–გაყიდვის დროს იყენებენ ხოლმე. ეს მოიცავს სავალი ნაწილის ტექნიკურ დათვალიერებას, ელექტროდიაგნოსტიკას, ძრავის შემოწმებას, ზეთისა და ფილტრების შემოწმებას.
ამ ყველაფრის შემოწმებისა და დიაგნოსტიკისთვის ერთი დღე სრულიად საკმარისია.
