მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ფაიზერით" სრულად ვაქცინირებულ დედაჩემს უთხრეს, რომ კოვიდი აქვს და "სუფთა" საავადმყოფოში ვერ შეუშვებენ" - რას წერს ჟურნალისტი დავით ნიკურაძე?
07:03 / 17-07-2021
ჟურნალისტი დავით ნიკურაძე წერს, რომ დედას, რომელიც "ფაიზერით" ორჯერ ვაქცინირებულია, საქართველოში კოვიდი შეცდომით დაუდგინეს.
აღნიშნულის შესახებ ნიკურაძე ინფორმაციას სოციალურ ქსელში ავრცელებს.
"აბა, ახლა კარგად მომისმინეთ, ამბავი უნდა გიამბოთ დაუჯერებელი და გაუგონარი, "კოვიდისა". საქმე ჩემს მშობელ დედა ლალის ეხება. აქვე ვიტყვი, რომ არის "ფაიზერით" სრულად ვაქცინირებული. ამერიკაში იყო 2 კვირით წასული. წასვლამდე გაიკეთა PCR ტესტი, უკან დაბრუნებისას გაიკეთა PCR ტესტი და ჩამოვიდა მშობლიურ საქართველოში.
ჩამოსვლიდან მეორე დღეს, დაეწყო თირკმელში კენჭის გავლა და ჯოჯოხეთური ტკივილებით, დაზღვევის სასწრაფომ ბოხუას კლინიკაში გადაიყვანა. შესვლამდე გაუკეთეს სწრაფი ტესტი. აი, ის, აფთიაქებში რომ იყიდება და უამრავი ცრუ დადებითი და ცრუ უარყოფითი პასუხი აქვს. 15 წუთში გამოვიდა ექიმი და გვითხრა, რომ დედაჩემს კოვიდი აქვს, "სუფთა" საავადმყოფოში ვერ შეუშვებენ და უნდა გადავიყვანოთ კოვიდიანების განყოფილებაში. ახსნამ, რომ ქალს არანაირი სიმპტომი არ აქვს, "ფაიზერის" ორივე დოზით აცრილია, პისიარი ახალი გაკეთებული აქვს, ამერიკაშიც კოვიდიანთან კონტაქტი არ ჰქონია, არ გაჭრა.
გვაწვებოდნენ, გადავსულიყავით კოვიდ განყოფილებაში. თან დედაჩემის მონაცემები სასწრაფოდ ატვირთეს კოვიდიანების ბაზაში, პორტალზე, როგორც ინფიცირებული. ეს იმას ნიშნავს, რომ კოვიდ განყოფილების გარდა, ვერც ერთი საავადმყოფო ვერ მიგიღებს, რაც არ უნდა გჭირდეს. დედა არ დათანხმდა კოვიდ განყოფილებაში გადასვლას და მტანჯველი ტკივილებით დაბრუნდა სახლში. მთელი ღამე ჰქონდა უმძიმესი შეტევა. ვინც იცის, რა სიმწარეა კენჭის გავლა, დამეთანხმება. ყველაფერთან ერთად ჩაიკეტა ოთახში, აღარ ეკარებოდა არაფერს, რადგან მაინც ვუშვებდით შანსს, რომ დაემართა ე.წ. ბრეიქსრუ ინფექცია და ფაიზერით აცრილიც დაავადდა.
მეორე დღეს გამოვიძახეთ სახლში ლაბორატორია, PCR ტესტის გასაკეთებლად. გავიტესტეთ მთელი ოჯახი. საღამომდე მაინც არ ვეკარებოდით ერთმანეთს, რადგან გვეგონა, რომ შესაძლოა დედას კოვიდი აქვს და ასევე ჩვენც ინფიცირებულები ვართ, როგორც მისი კონტაქტები. გვიან საღამოს ლაბორატორიიდან პასუხები მოვიდა და კოვიდი არავის არ დაგვიდასტურდა. არ ვჩივით ნერვიულობას, არ ვჩივით ტკივილში გათენებულ ღამეს და ყოველ საათში გაკეთებულ გამაყუჩებელს. მიზანი დაგვრჩა ის, რომ ჩამოგვეხსნა კოვიდ პორტალიდან, რადგან ჰქონოდა საშუალება საავადმყოფოში მისულიყო და ამბულატორიულად მკურნალობა გაეგრძელებინა.
აბა რა ხდება? თურმე კოვიდ პორტალზე ერთხელ თუ აგტვირთეს, არავინ აღარ ჩამოგხსნის. მიუხედავად იმისა, რომ ინფიცირებული არ ხარ, მიუხედავად იმისა, რომ ბაზაში მეორე, ახალი უარყოფითი პისიარ ტესტიც ატვირთულია, რომელიც განსხვავებით სწრაფი ტესტისგან ოქროს სტანდარტია, პორტალზე მაინც დაგტოვებენ. ვრეკავთ 112-ზე, ვრეკავთ ჯანდაცვის ცხელ ხაზზე, გვამისამართებენ ბოხუაში, ბოხუა გვამისამართებს დაავადების კონტროლის ცენტრში, ცენტრი გვამისამართებს ისევ ბოხუასთან და ასევ ვტრიალებთ წრეზე.
ახლა რამდენიმე შეკითხვა მაქვს:
1. იმ ღამეს, ტკივილებით შეწუხებული დედაჩემი რომ გადასულიყო კოვიდ განყოფილებაში და ვირუსით დაინფიცირებულიყო, ვინ იყო ამაზე პასუხისმგებელი?
2. რატომ არ ჰქონდა აღმატებული ძალა ოქროს სტანდარტის პისიარ ტესტს და რატომ არ აბათილებდა ის ავტომატურად, 7 ლარიანი სწრაფი ტესტის არასწორ პასუხს? პისიარიც ხომ იმავე სისტემაში აიტვირთა?
3. რომ გამოხვალთ და მოყვებით სტატისტიკას, რომ თურმე პფაიზერით აცრილებიც დაინფიცირდნენ, სიმართლე იქნება? შვილები კი არა... დედები გახიზნეთ ჯერ!
პ.ს. წეღან კიდევ დაურეკეს დედაჩემს ეპიდემიოლოგიური სამსახურიდან და მოიკითხეს, როგორც "კოვიდიანი". ლაპარაკით და ახსნით დაიღალა ქალი და პირდაპირ ჩემ სტატუსზე ამისამართებს უკვე" - წერს ნიკურაძე.
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სომართლე ვთქვათ ხო იყო თუნდაც მცირე მაგრამ შანსი მართლა ჰქონოდა კოვიდი? პსრ მაშინვე უნდა აგეღოთ და არა მეორე დღეს მე თუ მკითხავთ, რაც შეეხება ბაზაში შესწორებას მაგაში გეთანხმებით, ბიუროკრატიული იწილო ბიწილოა არა მარტო მანდ ყველა სახელმწიფო სტრუქტურაში, არამგონია ეხლა კოვიდსტატისტიკის და მართვის პროგრამული უზრუნველყოფაში შესწორების გაკეთების შესაძლებლობისთვის ახალი პროგრამული დანამატის გაკეთებას მოაბან თავი ამაზე საწყის ერაპზე უნდა ეფიქრათ, მაგრამ პსრ ით თუ მიხვალთ კლინიკაში რომლის თარიღიც წინა ტესტისაზე ახალია ეს პროტოკოლით გათვალისწინებული უნდა იქნეს
არ იცოდი სად მოდიოდი? ტიკარაძისა და ტრი–ტრიის სამეფოში!