15
მაისიდღის ზოგადი ასტროლოგიური პროგნოზი
ოკუპირებული აფხაზეთის ე.წ. ხელმძღვანელობამ კოვიდ-19-თან საბრძოლველად რუსეთს დახმარება სთხოვა, რომ გაუგზავნოს მედპერსონალი, რადგან რეგიონში მესამე ტალღას ვეღარ უმკლავდებიან.
ადგილობრივი მედიის ცნობით, წერილობითი თხოვნა უკვე გაგზავნილია. ამის შესახებ ე.წ. ჯანდაცვის მინისტრმა ედუარდ ბუთბამ განაცხადა და აღნიშნა, რომ პანდემია რუსეთშიც მძვინვარებს, მაგრამ იმედი აქვს, რომ მთავარი მოკავშირე მათ მძიმე ვითარებაში არ დატოვებს.
"მარტო ვერაფერს გავხდებით. სრული დატვირთვით მუშაობს ყველა სამედიცინო დაწესებულება, მათ შორის გუდაუთის კლინიკა. თუმცა, ეს საკმარისი არ არის, რადგან მოსახლეობა რეგულაციებს არ ასრულებს. მხოლოდ სოხუმის საავადმყოფოში დღეში 50-მდე პაციენტი შეჰყავთ. შეგახსენებთ, რომ აფხაზეთში ჩამოსული რუსეთის მოქალაქეების უფასო მკურნალობის პასუხისმგებლობაც ავიღეთ..." - აცხადებს ბუთბა apsnypress.info -სთან საუბარში.
ბუთბას განცხადებამ ადგილობრივი მოსახლეობა გააღიაზანა. მათი თქმით, "დახმარების თხოვნა ანქვაბი-ბჟანიას გუნდისთვის ტრენდად იქცა... დახმარების სანაცვლოდ კი ექიმებს ხან მიწას ჩუქნიან, ხან კი სტრატეგიული დანიშნულების ობიექტებს აძლევენ უვადოდ".
მძიმე შედეგების მიუხედავად, აფხაზეთის ე.წ. სამთავრობო მედია აცხადებს, რომ რეგიონში ტურისტების რაოდენობით ბოლო 30 წლის განმავლობაში რეკორდი მოიხსნა. თუმცა, განსხვავებულ სურათზე საუბრობენ რუსული ტურისტული ოპერატორები, რომელთა თქმითაც, რუსებს აფხაზეთში დასვენება ბევრი მიზეზის გამო აღარ უნდათ.
ტურისტული კომპანია Дельфин-ის ხელმძღვანელობის ცნობით, რომელსაც წლებია ბიჭვინთაში ტურისტული ჯგუფები ჩაჰყავს, რუსები ამჟამად ცდილობენ, დასასვენებლად სხვა, ბევრად უსაფრთხო ადგილები იპოვონ.
rbc.ru-სთან საუბარში მისი დირრექტორი სერგეი რომაშკინი აცხადებს, რომ თუ ხელმძღვანელობა აგვისტოს ბოლომდე ე.წ. ხავერდოვანი სეზონისთვის მოსახლეობის მასობრივი აცრის საკითხს მოაგვარებს, შესაძლოა, სიტუაცია გამოსწორდეს...
მის აზრს იზიარებენ Intourist-ის წარმომადგენლებიც. მათი ცნობით, რეგულაციების გამკაცრება ეხებათ ტურისტებს, თუმცა მას არ ასრულებენ ადგილობრივები. ამას ისიც ემატება, რომ რეგიონში რუსი ტურისტების მიმართ აგრესიული დამოკიდებულება სულ უფრო თვალში საცემია.
"იმას ვერ მიაღწიეს, რომ რეგულაციები ადგილობრივი მოსახლეობისთვისაც აუცილებელი ყოფილიყო. "კანონიერ ქურდებს", მათი ოჯახების წევრებსა და ახლობლებს როგორ აკადრებენ პირბადის გაკეთებას, ვირუსი ხომ შერჩევითია. ახლა კი, სიტუაციას ვეღარ აკონტროლებენ და ისევ რუსებს სთხოვენ დახმარებას. ისიც დაგვეხმარება, ოღონდ მიწის ნაკვეთის ან ზღვის სანაპიროს მონაკვეთის სანაცვლოდ..." - წერს ალექს გაბლია.
ცნობისთვის, ბიჭვინთის აგარაკის რუსეთისთვის გადაცემა ბჟანია-პუტინს შორის მართლაც განიხილება.
ბჟანია ინტერვიუში აცხადებს, რომ 50-იანი წლების მიწურულს აშენებული შენობა-ნაგებობები დანგრევის პირასაა. აფხაზეთს კი მისი აღდგენის ფინანსური სახსრები არ აქვს.
"1995 წელს აფხაზეთსა და რუსეთს შორის გაფორმდა ხელშეკრულება, რომლის თანახმადაც, რუსეთს ბიჭვინთაში არსებული აგარაკი, რომელიც რუსეთის პირველი პირები, მათ შორიუს ვლადიმირ პუტინი უსასყიდიულოდ გამოიყენებდა, ცნობისთვის რუსეთის პრეზიდენტი არაერთხელ ჩამოსულა ამ აგარაკზე დასასვენებლად... სოჭში ჩვენი შეხვედრისას მან ბიჭვინთის აგარაკზეც ისაბრა. მე მომხრე ვარ, რუსეთს ეს შენობები გადავცეთ, მაგრამ ეს იმას არ ნიშნავს, რომ საკუთრებაში მიწას გადავცემთ. მიწის გასხვისება არ ხდება" - აცხადებს ბჟანია ინტერვიუში.
აფხაზეთის ე.წ. ხელმძღვანელის ინიციატივას ადგილობრივებში მწვავე კრიტკია მოჰყვა.
"მთელი აფხაზეთი გადაეცით, რა პრობლემაა, პასუხს ვინ მოგთხოვთ... დე ფაქტო რუსეთი ვართ, ოღონდ არ ვაღიარებთ. ჩვენ მაინც ვერ ვპატრონობთ და ბარემ ყველაფერი გადავცეთ. თუმცა, ისედაც მათია უკვე, უბრალოდ, დეტალები არ ვიცით" - მიაჩნია ასლან ჯაპუას.
"სტრატეგიულად მნიშვნელოვანი ობიექტების ჩამონათვალი, რომელიც რუსეთს უნდა გადაეცეს, უკვე შედგენილია და მათ შორის ბიჭვინთის სახელმწიფო აგარაკიც არის. ბჟანიამ თავის ინტერვიუში დაადასტურა კიდეც, მოლაპარაკებების მიმდინარეობსო. ამ აგარაკს კრემლი რამდენიმე წლის წინ უმიზნებდა. ხაჯიმბას სთხოვეს აგარაკზე არსებული შენობა-ნაგებობები საკუთრებაში გადმოგვეცით და თავად ჩავუტარებთ რეკონსტრუქციასო..." - აცხადებს ირამ გვილია.
არ მიხარია , მაგრამ , გამოიღეთ
ახლა ზოგისათვის გაუგებარია რა საერთო აქვს ციცინათელას და მარწკინეიას -ბრწყინავს და ანათებს ხომ ორივე ? ა, ისევე როგორც ცეცხლს და დაჩხირს შორის-ანთია ორივე ! აღდგომას მეგრულად თანაფა , გათენება , ღამის თევა ქვია, თუთარჩელა ! მეუნტუუ დაჩხირიო, მიუნთოო ცეცხლიო, ახლა ვინც იცის , რომ სიცხე სინჩხეა , და ჩხანა მზე , ასევე ვჟაც , ბჟაც-რძეც მასეა, მგარამ ეგ სულ სხვა ცოდნაა, ის მიხვედება, რომ დაჩხირი დანთებული ცეცხლია ! ბჟა და ვჟა , რომ რძეა და სხივებით კვებავდა მზე მთვარეს იცით ? არა ?! ნიკო მარმა იცოდა და ოთხ საათში "ისწავლა" მატარებლის კუპეში მეგრელისაგან მეგრული ! საქმე იმაშია , რომ თქვენ გგონიათ , რომ არ იცით მეგრული , იცით, ეგა მართლა ბერიას შიფრი კი არა, დედაენაა თქვენი, დიახ ! ეგერ, ე, გრაკლიანის გორაზე წერია "მა მიორს ქივანაო"-მიყვარს ქვეანაო , ცოდნიათ ხომ ფარნავაზიანებს მეგრული ? ვინ ასწავლა ? დედამ ენისა ! საქართველომ, საქორთუომ, დიახ , ქორთუ ეროვნებას არ ნიშნავს, ქართლში ცხოვრობსო, მაგას ნიშნავს , თორემ მეგრელი წიფას არ გამოსცდებოდა და შილდის კოლმეურნეობის თავმჯდომარედ არ გამოიჯგიმებოდა, თავი რომ სახლში არ ეგულებოდეს, კახიო და კოლხიო, ერთიაო ! აბა მუჭო ?!