მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"როგორ მოახერხა შსს-მ ათეულობით მოწმისა და 70-მდე ვიდეოს მოპოვება ორ დღეში? თავიდანვე ზედოზირებას რატომ განიხილავენ, როცა ექსპერტიზის დასკვნა ჯერ არ არის" - ლექსო ლაშქარავას ოჯახის ადვოკატი
15:01 / 14-07-2021
კითხვები ჩნდება იმასთან დაკავშირებით, როგორ მოახერხა შინაგან საქმეთა სამინისტომ ათეულობით მოწმის და 70-მდე ვიდეოს მოპოვება არასრულ ორ დღეში, - ამის შესახებ „ინტერპრესნიუსს“ ტვ „პირველის“ გარდაცვლილი ოპერატორის, ლექსო ლაშქარავას ოჯახის ადვოკატმა ბექა თაკალანძემ განუცხადა.
ადვოკატისთვის გაუგებარია, თუ რატომ გაავრცელა შინაგან საქმეთა სამინისტრომ ლექსო ლაშქარავას გადაადგილების ამსახველი ვიდეომასალა იმის ფონზე, როცა საქმეზე ექსპერტიზის დასკვნა მოპოვებული არ არის. თაკალანძის თქმით, კონკრეტული მონაცემების გავრცელება ადამიანის დისკრედიტაციის ხარჯზე მაღალი საჯარო ინტერესით არ უნდა მართლდებოდეს.
„შსს საქმეში არსებულ მტკიცებულებებზე მიუთითებს, თუმცა, ჩემთვის უცნობია, სისხლის სამართლის საქმეში რა ფორმით იქნა მოპოვებული და დამაგრებული. თუ საშუალება მექნება საქმის მასალების გაცნობის და გამოთხოვის, უფრო დეტალურად შევაფასებ არსებულ ვითარებას, ასე ზედაპირულად ვერ შევაფასებ, გამოვა, რომ გავრცელებული ინფორმაციის საფუძველზე ვსაუბრობ.
კითხვები ჩნდება იმასთან დაკავშირებით, როგორ მოახერხა შინაგან საქმეთა სამინისტომ ათეულობით მოწმის და 70-მდე ვიდეოს მოპოვება არასრულ ორ დღეში? ამ მოცემულობით, ეს წარმოუდგენელია, თუმცა, ჩემთვის საინტერესოა, საქმეში რა მტკიცებულებები არის და იმედია, მასალებზე წვდომის უფლება მომეცემა.
გავრცელებულ ვიდეოებზე შსს ამბობს, რომ სხვადასხვა კერძო დაწესებულებებიდან ამოღებული ვიდეოებია და მოწმეთა ჩვენებებით მოხდა მარშრუტის აგება, თუმცა, ეს საჯაროდ გაცხადებული პოზიციაა, საქმეში რა არის, დეტალურად არ ვიცი.
გაუგებარია, რა მიზანს ემსახურებოდა ამ ვიდეოების ამ ფორმით გავრცელება, როცა ჯერ კიდევ ამ საკითხებზე ექსპერტიზები მიღებული არ არის. საქმეში შუალედური დასკვნები არ არსებობს, ვერ წარმოვიდგენ, რა ფორმით შეიძლება იყოს ახლა შუალედური დასკვნა საქმეში. ვთქვათ, პირველი დაკვირვებით, ნარკოტიკული ნივთიერებები იყო ორგანიზმში, რას ნიშნავს ეს, რომ ეს გახდა გარდაცვალების მიზეზი? ეს ხომ კომპლექსურად უნდა გახდეს შეფასების საგანი? ასე ზედაპირულად, ცალმხრივად რაღაც საკითხები არ უნდა იყოს შეფასებული, ვიდრე ექსპერტიზის დასკვნა არ იქნება, შედეგებს უნდა დაველოდოთ და ასე ცალმხრივად ინფორმაციები არ უნდა ვრცელდებოდეს. გამოძიების მონაცემების გახმაურებას საგამოძიებო ორგანოების მხრიდან მაღალი საჯარო ინტერესით ამართლებენ. ვფიქრობ, კონკრეტული მონაცემების გავრცელება ადამიანის დისკრედიტაციის ხარჯზე მაღალი საჯარო ინტერესით არ უნდა მართლდებოდეს. პირველ დღესაც და მერეც ვიდეოები გაავრცელეს, რა უნდა იფიქრო, თუ არა ის, რომ მათ სურდათ საზოგადოების აზრის წინასწარ ფორმირება და ადამიანის დისკრედიტაცია. გაუგებარია, თავიდანვე ზედოზირების ვერსიას რატომ განიხილავდნენ, პრაქტიკულად ცდილობენ, რაღაც ფორმით 5 ივლისთან დაკავშირებული დაზიანებების კვალის საბოლოოდ გაწყვეტას“, - აცხადებს თაკალანძე.
კითხვზე, შეგვიძლია თუ არა ვივარაუდოთ, რომ შესაძლოა, ლექსო ლაშქარავას უთვალთვალებდნენ, ადვოკატი აცხადებს, რომ „ვერაფერს გამორიცხავს“.
„ასე ზედაპირულად ვერაფერს გამოვრიცხავ, თუმცა, კატეგორიულად ვერაფერს ვიტყვი ამ საკითხებთან დაკავშირებით, თვალთვალს თავისი საფუძველი აქვს, თუ უკანონოდ, შესაბამისი დადგენილების და სასამართლოს გადაწყვეტილების გარეშე ხდება, ეს დნაშაულია“, - აცხადებს თაკალანძე.
ის ასევე გამოეხმაურა გარდაცვლილის სახლიდან ცხედრის ექსპერტიზის ბიუროში გადასვენებას და იმ ფორმას, როგორც ეს განხორციელდა.
„ექსპერტიზის ჩატარებას სისხლის სამართლის კოდექსით, საპროცესო ნორმით გათვალისწინებული წესი აქვს, რა ფორმითაც ის შეიძლება განხორციელდეს, ჩემთვისაც საეჭვოა, ასე მალე რატომ მოხდა ცხედრის გადასვენება, როცა ოჯახის წვერებმა უთხრეს, რომ ადვოკატი მოდიოდა და ეს პროცედურა მაინც უცებ, ისე, მოხდა, ადვოკატი ვერ დაესწრო. გამომძიებლის დადგენილება შესასრულებლად სავალდებულოა, თუმცა, ცხედრის ასე და ამ ფორმით გადაყვანა აბსოლუტურად გაუგებარია, რა მიზანს ემსახურებოდა. ეს ყველაფერი დადგენილების ფორმით უნდა მომხდარიყო, დოკუმენტი უნდა შედგენილიყო და შემდეგ უნდა წაეყვანათ, ჩემთვის უცნობია, რაიმე ფორმით დოკუმენტის არსებობა“, - აცხადებს ადვოკატი.
მისივე თქმით, საქმეში ჩაერთვებიან თუ არა უცხოელი ექსპერტები, ამასთან დაკავშირებით, ლაშქარავას ოჯახის წევრებთან არ უსაუბრია.
თაკალანძის განმარტებით, ექსპერტიზის ფარგლებში პასუხი უნდა გაეცეს იმას, თუ რამ გამოიწვია ლექსო ლაშქარავას გარდაცვალება, 5 ივლისს მიყენებულ დაზიანებებსა და დამდგარ შედეგს შორის არსებობს თუ არა მიზეზობრივი კავშირი.
ცნობისთვის, “ტვ პირველის” ოპერატორი, ლექსო ლაშქარავა 11 ივლისს, საკუთარ სახლში გარდაცვლილი იპოვეს. ლაშქარავას ჟურნალისტთან ერთად 5 ივლისს, "თბილისი პრაიდის" მოწინააღმდეგეები სასტიკად გაუსწორდნენ. აღნიშნულთან დაკავშირებით დაკავებულია 5 პირი, მათ აღკვეთის ღონისძიების სახით პატიმრობა აქვთ შეფარდებული.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ადმინ.არ დამბლოკოთ.რას გინდა მიაღწიოთ? ხალხი ბრმა არ ვართ.იმის მაგივრად რომ ილოცოთ ცხონებულის სულის გადასარჩენად,ხალხს თვალში ნაცრის შეყრას ცდილობთ.
ადვოკატ მომისმინე ნარკანს რა შემთხვევაში იყენებენ თუ არ იცი გეუბნები ზედოზირების დროს ჭკუის კოლოფო.