63 წლის შერონ სტოუნი 25 წლის რეპერს ხვდება - ვინ არის ბიჭი, რომელმაც ჰოლივუდის ვარსკვლავის გული მოიგო

ჰოლივუდის ვარსკვლავის, შერონ სტოუნის ახალი სასიყვარულო ურთიერთობა ყვითელი პრესის მთავარი თემაა. როგორც დასავლური გამოცემები წერენ, 63 წლის შერონ სტოუნი 38 წლით უმცროს ბიჭს, 25 წლის რეპერს, RMR-ს ხვდება.

შერონმა და რეპერმა RMR-მა ერთმანეთი რამდენიმე თვის წინ გაიცნეს, რის შემდეგაც, პაპარაცებმა ლოს ანჯელესში რამდენჯერმე შენიშნეს ერთად. გამოცემა PageSix კი წერს, რომ მათ შორის რომანტიკული ურთიერთობაა.

RMR თავის ვინაობას მალავს და ის საზოგადოებაში ყოველთვის ნიღბით ჩნდება. ინსაიდერების თქმით, რეპერი შერონ სტოუნს უდიდეს პატივს სცემს და თვლის, რომ ის "ძალიან მაგარია". სოციალურ ქსელში მათი ერთობლივი ფოტოც გავრცელდა.

აღსანიშნავია, რომ შერონ სტოუნისთვის ეს არ არის პირველი შემთხვევა, როცა თავისზე ბევრად უმცროს მამაკაცს ხვდება. 2012 წელს მსახიობს არგენტინელ მოდელთან, მარტინ მიკასთან ჰქონდა სასიყვარულო ურთიერთობა, რომელიც მაშინ 27 წლის იყო.

წყვილი 8-თვიანი რომანის შემდეგ, ერთმანეთს დაშორდა. შერონმა თქვა, რომ მარტინთან საერთო არაფერი აღმოაჩნდა და კონცენტრირება შვილების აღზრდაზე უნდა მოეხდინა.

მსახიობს სამი ვაჟი ჰყავს, 21 წლის როანი, 16 წლის ლაირდი და 15 წლის ქუინი.