მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უკრაინა ბელარუსთან ფრენებს წყვეტს, მასთან ერთად Air France, Finnair და "სინგაპურის ავიახაზები"
11:56 / 25-05-2021
უკრაინა ბელარუსთან ფრენებს აჩერებს, - უკრაინული მედიის ინფორმაციით, ამის შესახებ პრემიერ-მინისტრმა დენის შმიგალმა დღეს განაცხადა.
მისი თქმით, ბელარუსთან საჰაერო მიმოსვლა 26 მაისის 00:00 საათიდან შეწყდება.
"Ryanair-ის თვითმფრინავის მინსკში იძულებითი დაშვება საერთაშორისო სამოქალაქო ავიაციის შესახებ კონვენციის დარღვევაა. ჩვენი მთავრობის გადაწყვეტილება მიზნად ისახავს ფრენების და მგზავრების უსაფრთხოების უზრუნველყოფას", - განაცხადა შმიგალმა.
ბელარუსის საჰაერო სივრცეში ფრენებს წყვეტენ ასევე Air France, Finnair და "სინგაპურის ავიახაზები".
„ფრანს პრესის“ ინფორმაციით, Air France-ის მიერ გავრცელებულ განცხადებაში აღნიშნულია, რომ კომპანიამ ევროპული საბჭოს გადაწყვეტილება გაითვალისწინა.
„Air France-მა გაითვალისწინა ევროპული საბჭოს დასკვნები და გადაწყვიტა, შემდგომ შეტყობინებამდე, ბელარუსის საჰაერო სივრცეში საკუთარი თვითმფრინავების ფრენები შეაჩეროს“, - აცხადებენ Air France-ში.
მედიის ინფორმაციით, ბელარუსის საჰაერო სივრცის გამოყენება ფინურმა ავიაკომპანია Finnair-მა და „სინგაპურის ავიახაზებმაც“ შეაჩერეს.
გუშინ კი ცნობილი გახდა, რომ ბელარუსის საჰაერო სივრცეში ფრენების შეწყვეტის გადაწყვეტილება მიიღეს ლატვიურმა airBaltic-მა, ნიდერლანდურმა KLM-მა, უნგრულმა Wizz Air-მა, სკანდინავიურმა SAS-მა და გერმანულმა Lufthansa-მ.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყოჩაღ! ძალიან კარგი!
მიხვდნენ უნდა პუტინი, ლუკაშენკო და მათნაერი აგრესორები რო არ ბნელა მსოფლიოში და ჩალით არაა დახურული!!!
Orkestrirebuli psiqoziiii!