მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძლიერი კონკურენტები გვჭირდება, რომ უძლიერესები გავხდეთ... მათი ნებისმიერი შეცდომა შეიძლება გადამწყვეტი აღმოჩნდეს" - 2 წყვილი "სამზარეულოს ომების" საუკეთესო ათეულიდან
17:18 / 20-05-2021
ტელეკომპანია „ფორმულას“ პროექტი „სამზარეულოს ომები“ საინტერესო ეტაპზე გადავიდა. კონკურსანტებს უფრო მეტი სირთულის დაძლევა და გადალახვა უწევთ, თუმცა წარმატების მისაღწევად მზად არიან, რომ ნებისმიერ წინააღმდეგობას გაუძლონ და გაუმკლავდნენ. AMBEBI.GE ამჯერად ორ წყვილს გაგაცნობთ - კონკურსანტებს ზუგდიდიდან და ბათუმიდან. ვახა ცანავა და დემნა ყუფუნია ზუგდიდელები არიან, ერთმანეთს სარესტორნო ბიზნესიდან იცნობენ და უკვე კარგა ხანია, მეგობრობენ. ერთ დღესაც დემნას „სამზარეულოს ომების“ დაწყებასთან დაკავშირებით შეფი მიშა ავსაჯანიშვილის სტატუსი უნახავს და შოუში მონაწილეობის სურვილი ასე გასჩენია. მერე იდეა მეგობარსაც შესთავაზა. მოკლედ, შოუში მივიდნენ, მათი განაცხადი მიიღეს და მრავალრიცხოვან კონკურსანტებთან ერთად, რთულ მარათონს შეუდგნენ. საბოლოოდ კი ისინი ათეულშიც აღმოჩნდნენ.
ვახა:
- პანდემიამ რესტორნები გააჩერა, სახლში უსაქმოდ ვიყავით და ცოტა განსატვირთად, მდგომარეობიდან გამოსასვლელად, ეს კონკურსი ჩვენთვის კარგი გამოწვევა იყო. ვიფიქრეთ, მასში ჩართვით თან თავსაც გამოვცდიდით.
დემნა:
- რაც პროექტში ვართ, სხვათა შორის, უკვე ძალიან დიდ გამოწვევებს გავუძელით...
- კი, მაგრამ ამოცანები თანდათან რთულდება. ამას შეფები აანონსებენ. მზად ხართ ამისთვის?
ვახა:
- რადგან აქამდე მოვედით, ახლა მით უფრო დიდი პასუხისმგებლობით ვართ. უკან დასახევი გზა ფიზიკურად და მორალურად არ გვაქვს. შეფების სიურპრიზებს და გამოწვევებს უნდა შევებრძოლოთ. ამიტომაც სულ წინ უნდა ვიაროთ! ასე რომ, მზად ვართ იმისთვის, რომ სიურპრიზები იქნება.
- შეფმა მიშამ თქვა, რომ სისხარტე, გამომგონებლობა და კრეატივი სჭირდება თითოეულს ჩვენ მიერ შეთავაზებული ამოცანებისთვის...
ვახა:
- აბსოლუტურად ყველაფერი გვაქვს...
- ქართული სამზარეულო რა არის თქვენთვის?
დემნა:
- ეს არის ქართული კულინარიის საფუძველი, ჩემი წინსვლა, აღმასვლა ქართული სამზარეულოთი იწყება. ვფიქრობ, ის ყველაზე გემრიელი და საინტერესო რამ არის...
- ალბათ მეთანხმებით, რომ ქართულ სამზარეულოში მეგრული კუთხის არომატი კიდევ გამორჩეულია... ზოგი ამბობს, რომ მასში წამყვანი კერძი ღომია, ზოგს ელარჯი მიაჩნია წამყვანად. რას იტყვით?
დემნა:
- ყოველდღიურობაში გვაქვს ღომი და ელარჯი განსაკუთრებულ დღეებში, რადგანაც ის ასეთივე გამორჩეული კერძია. ელარჯი ისტორიულად შეძლებული, მდიდარი ხალხის კერძი გახლდათ. თუ სტუმარს მას დაახვედრებდნენ, ეს დიდ პატივისცემას ნიშნავდა.
- ამ დროს შეფმა გურამმა ექსპეტიმენტების და სიურპრიზების გათვალისწინებით, ელარჯის დამზადებისას დამატებით ინგრედიენტად შოკოლადი რომ შემოგთავაზოთ. როგორ მოიქცევით?
დემნა:
- შოკოლადის ელარჯი გამოვა. საინტერესო კია, ცოტას წაიდესერტებს, მაგრამ არ მგონია, შეფი გურამი ასე მოგვიდგეს და ელარჯში შოკოლადი დაგვიმატოს.
ვახა:
- თავის პეწს ელარჯი მაინც არ დაკარგავს. შეიძლება მისი რძეზე მოხარშვა და შოკოლადის, შაქარის დამატება...
- კონკურენტებზე რას იტყვით?
დემნა:
- შოუში ვინც დარჩა, ყველა ძლიერია, თუმცა თითოეულისთვის ნებისმიერი შეცდომა შეიძლება გადამწყვეტი აღმოჩნდეს.
- შეფები ამბობენ, რომ ქართული სამზარეულო ამ შოუთი რაღაც უფრო მაღალ საფეხურზე უნდა ავიდეს და ერთგვარი რევოლუცია მოახდინონ სამზარეულოში. როგორ ფიქრობთ, ეს შოუ მართლაც ამას ემსახურება?
ვახა:
- კი, იქიდან გამომდინარე, რაც გავიარეთ, რაც კონკურსანტებისგანაც ვნახეთ, შეფებისგან რა შემოთავაზებაც გვქონდა, ქართული სამზარეულოს განვითარებისთვის და რევოლუციისთვის ერთ-ერთი პირველი ნაბიჯები უკვე გადადგმულია.
- როგორც არ უნდა წავიდეს საქმე, ამ შოუს თქვენ ცხოვრებაში რა დატვირთვა ექნება?
- უკვე გვიბიძგა და რაღაც საშუალებას გვაძლევს, ნებისმიერ კერძზე უფრო კრეატიულად ვიფიქროთ, თითქოს აზროვნებაც უკვე შეგვეცვალა. მადლობა პროექტს და შეფებს, რომ ამ შოუში ვმონაწილეობთ.
- რას უსურვებთ საკუთარ თავს და შესაბამისად, კონკურენტებს?
ვახა:
- ჩვენს თავს, კონკურსანტებს და პროექტს ღირსეულ წარმოჩენას. ის შრომა, რაც კონკურსანტებმა აქამდე შოუში ჩავდეთ, ვფიქრობ, რომ ყველას დაუფასდება.
დემნა:
- პროექტმა ბევრი კარგი და საინტერესო ადამიანი გაგვაცნო, მეგობრები შეგვძინა. რაც არ უნდა მოხდეს, გავვარდებით თუ არა, მაინც სასიამოვნოა მასში მონაწილეობა.
დავით თურმანიძე და იური აგარიანი ბათუმიდან არიან და შესაბამისად მათ შოუში ბათუმელ წყვილად მოიხსენიებენ. დავითი ამბობს, რომ წარმოშობით შუახევიდანაა, დაიბადა და გაიზარდა გურიაში. ბოლო 7 წელია, ბათუმში ცხოვრობს. პროფესიით მეზღვაურია და ასევე მზარეული. დასაქმებულია პროფესიით. იურიც მზარეული და მეზღვაურია პროფესიით.
„მე და ჩემი მეწყვილე იურის ჰობი მოგზაურობაა და საქართველოს მასშტაბით სხვადასხვა კუთხეში ჩვენი „ოპელით“ დავდივართ. შოუში იმიტომ მოვედით, რომ, პირველ რიგში, ის ქართულია. მადლობა ამისთვის მის შემქმნელებს. ის ძალიან დაგვეხმარება ამ ჩვენივე მოგზაურობებით აღმოჩენილი ძველი მივიწყებული კერძებისა და რეცეპტების წინ წამოწევაში. ამასთან, პროექტში გვინდა, თავი გამოვცადოთ და საქართველოს წამყვანმა შეფებმა შეგვაფასონ, დავაგროვოთ მეტი გამოცდილება. აქ მონაწილეობით ვფიქრობ, შევძლებთ ჩვენი სათქმელის თქმას. იმედი გვაქვს, ქართულ გასტრონომიაში რაიმე ისეთს შევქმნით, რითაც ვიამაყებთ,“ - გვეუბნება დავით თურმანიძე.
- 10-ეულში მოხვედრა რთული იყო? რისი დაძლევა და გადალახვა მოგიხდათ?
- რთული იყო - ბევრი სტრესი და დაძაბული მომენტი გვქონდა, მაგრამ მაინც გავხდით შეფების რჩეული და მოვხვდით ათეულში.
- რას აპირებთ ახლა, თავის წარმოჩენა როგორ გინდათ?
- თავს წარმოვაჩენთ პირველ რიგში, გამბედაობით, რისკით იმის მიმართ, რომ შევქმნათ ახალი ქართული გემო და რა თქმა უნდა, ამბიციით. თუ ეს არ გაქვს, არაფერი გამოვა.
- რა არის თქვენთვის ქართული სამზარეულო?
- ქართული სამზარეულო ჩვენთვის ერთ-ერთი უდიდესი სიამოვნებაა, რეცეპტორების და გემოების გახსნა, სუნები, არომატები, რომელსაც ტვინიც კი იმახსოვრებს. თუმცა ის სუნისა და გემოს გარეშეც გახსენებს თავს, რომ არსებობს...
- შეფები სურპრიზების მოწყობას გეგმავენ, როგორ ფიქრობთ, დაძლევთ მათ მიერ შემოთავაზებულ დავალებებს?
- შეფების სიუპრიზები ჩვენთვის გამოწვევა და აღმოჩენაა. გვიწევს კერძში რაიმეს დამატება ან რამე გაუთვალისწინებელ სირთულეზე მუშაობა. სიუპრიზი საერთოდ ყოველთვის სასიხარულოა. ამიტომ თავს ფსიქოლოგიურად ვამზადებთ, რომ ეს ყველაფერი ჩვენთვის სასიკეთო იყოს. ვფიქრობთ, რომ დავალებებს მარტივად დავძლევთ.
- აჭარულ ხაჭაპურში ინგრედიენტად ჯონჯოლი რომ შემოგთავაზონ, რას იზამთ?
- აჭარულზე ჯონჯოლის დამატებას რაც შეეხება, ძალიან რომ გვთხოვონ, ჩვენს ყველანაირ ცოდნას და მომზადების ტექნიკას ჩავდებთ იმაში, რომ არც მწვადი დავწვათ და არც - შამფური... ისე დავუმატებთ, რომ მაინც აჭარული ხაჭაპური ერქვას, რადგან ეს ის ერთ-ერთი ჩვენი სავიზიტო კერძია, რომელიც ხელშეუხებელი უნდა იყოს!
- კონკურსანტებზე რას გვეტყვით?
- ნამდვილად ძლიერი კონკურენციაა, მაგრამ ეგ უფრო მახარებს, რადგან ეს მოდუნების საშუალებას არ მაძლევს. ყველაფერზე უფრო წინ და გამჭრიახად ვფიქრობ. ჩვენ ძლიერი კონკურენტები გვჭირდება, რომ უძლიერესები გავხდეთ.
- რა ადგილს დაიკავებს შოუ თქვენს ცხოვრებაში?
- მას უდიდესი როლი ექნება, ამას დღითიდღე ვგრძნობთ, ხალხისადმი სიყვარული, ბევრი კარგი კომენტარი, მთელი ბათუმის გულშემატკივრობა, - ეს ყველაფერი სტიმულს გვაძლევს და დადებითად გვმუხტავს. მეტ შრომას მაჩვევს, პასუხისმგებლობას მიზრდის. ყველაზე მთავარი კი ის არის, რომ ამ შოუთი ჩვენი ისტორია იწერება - თუ რა გვიკეთებია 2021 წელს. ეს ის წელია, რომელიც არასოდეს დაგვავიწყდება შოუსთან ერთად, რომელზეც სიამაყით მოვუყვებით შვილებს და შვილიშვილებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
