ამირან გამყრელიძე ხვალ "სინოფარმის" ვაქცინით აიცრება

დაავადებათა კონტროლის ეროვნული ცენტრის ხელმძღვანელი ამირან გამყრელიძე 4 მაისს კორონავირუსის საწინააღმდეგო ვაქცინას გაიკეთებს. ამის შესახებ ინფორმაცია "ინტერპრესნიუსს“ დაავადებათა კონტროლის ეროვნულ ცენტრში დაუდასტურეს.

ამირან გამყრელიძე ჩინური წარმოების ვაქცინით, "სინოფარმით" აიცრება.

შეგახსენებთ, "სინოფარმით" ვაქცინაცია საქართველოში 4 მაისიდან იწყება. აღნიშნული ვაქცინის გაკეთება საქართველოში 18 წელს ზემოთ ასაკის მოქალაქეებს შეუძლიათ. ქვეყანაში "სინოფარმის" 100 000 დოზაა შემოსული.