მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით სარალიძის მკვლელობის საქმეზე დაკავებულ გიორგი მენაბდის წინააღმდეგ ჩვენება სავარაუდოდ, მსჯავრდებულმა გუგა ბარბაქაძემ მისცა
13:51 / 16-04-2021
დავით სარალიძის ჯგუფურად დამამძიმებელ გარემოებაში ჩადენილი განზრახ მკვლელობის ბრალდებით დაკავებულ გიორგი მენაბდეს ბრალი ოფიციალურად წარუდგინეს.
როგორც "ინტერპრესნიუსისთვის" გახდა ცნობილი, გიორგი მენაბდის წინააღმდეგ ჩვენება ლევან დადუნაშვილის მკვლელობაში მსჯავრდებულმა გუგა ბარბაქაძემ მისცა. გუგა ბარბაქაძის ადვოკატი, რამაზ ჩინჩალაძე მედიასთან კომენტარს არ აკეთებს. მან "ინტერპრესნიუსს" მხოლოდ ის განუცხადა, რომ ბარბაქაძეს ძველი ჩვენებებისგან განსხვავებული ჩვენება პროკურატურისთვის არ მიუცია.
ამასთან, გიორგი მენაბდის ადვოკატი არ აკონკრეტებს, თუ ვინ არის პირი, ვისი ჩვენების საფუძველზეც მენაბდე დააკავეს, თუმცა, აღნიშნავს, რომ ჩვენება მისთვის მოულოდნელია.
"ბრალი სისხლის სამართლის კოდექსის 109-ე მუხლით წარუდგინეს, რაც დამამძიმებელ გარემოებებში განზრახ მკვლელობას გულისხმობს. ძალიან საინტერესო და უცნაური მოწმეა, რომელიც სამართლებრივ ეჭვს აღვივებს. აღნიშნული პირი საქმეში მონაწილეა, მისი გვარის დასახელებისგან თავს შევიკავებ, არ განვმარტავ ბრალდებულია თუ მოწმე. მოულოდნელი და ამავე დროს, საქმესთან შეუთავსებელია ეს ყველაფერი. ის პირდაპირი მოწმეა. არც ერთი ვარაუდის გამორიცხვა არ შეიძლება, მათ შორის, პოლიტიკურის. არის საეჭვო ჩვენება, გაოგნებული ვარ ამ ჩვენებით", - განაცხადა დადიანმა.
ცნობისთვის, შინაგან საქმეთა სამინისტრომ დავით სარალიძის მკვლელობის ფაქტზე კიდევ ერთი პირი, გიორგი მენაბდე დააკავა. უწყების ინფორმაციით, მიმდინარე გამოძიების ფარგლებში დადგინდა, რომ დაკავებულმა გიორგი მენაბდემ გიორგი ჯანაშიასთან და მიხეილ კალანდიასთან ერთად, ჯგუფურად, თან ნაქონი ბასრი საგნით, მოკვლის განზრახვით, არასრულწლოვან დავით სარალიძეს დაზიანებები მიაყენა. 2017 წლის პირველ დეკემბერს, ხორავას ქუჩაზე მომხდარი მკვლელობის საქმეზე, რომელსაც ორი მოზარდის, დავით სარალიძისა და ლევან დადუნაშვილის სიცოცხლე ემსხვერპლა, მსჯავრდებულები იყვნენ - გიორგი ჯანაშია, გუგა ბარბაქაძე და მიხეილ კალანდია. აღსანიშნავია, რომ დავით სარალიძის განზრახ ჯგუფურად მკვლელობაში მსჯავრდებულმა გიორგი ჯანაშიამ პენიტენციური დაწესებულება უკვე დატოვა. ის ე.წ. უდოს კომისიამ გაათავისუფლა. მას საპროცესო შეთანხმების საფუძველზე 4 წლით თავისუფლების აღკვეთა ჰქონდა შეფარდებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
